Izayii 2:6 - LAWA A BOO SONBORE

⁶ Dɛnaa Lawa, ma nə́ n la bɔ n zaman, Zakɔba a sumu minin kɛn ganaa. A giala kiwi lɛ pã ka wɔ-kulin ni, boe lɛ̀giala-n, ǹ nə́ la Filisiti minin wɔn manɛ. N zaman lɛ n koɛ kun ka tiin ni.

LAWA A BOO SONBORE 2011

⁶ Dɛnaa Lawa, ma nə́ n la bɔ n zaman, Zakɔba a sumu minin kɛn ganaa. A giala kiwi lɛ pã ka wɔ-kulin ni, boe lɛ̀giala-n, ǹ nə́ la Filisiti minin wɔn manɛ. N zaman lɛ n koɛ kun ka tiin ni.

Izayii 2:6 ပူးပေါင်းရင်းမြစ်များ

Kiin2 1:2

Ahaazia bɔ a sanabolo kion banbaran la lon, á mɛnaa. Mɛnaa lɛ wɔ a ganaa parsiini. Bɛ lɛ nɛ, á tɔ́n minin dia mà ǹ wo nɔ̀n da Ekrɔn kiwi a dì Baali-Zebubu la, mà asɛ á die n boe a mɛnaa lɛ-n ya.

Kiin2 17:20

Dɛnaa Lawa Izirayeli tɔrɔn lɛn tumaa tii. Á sìi da ǹ ganaa, á ǹ wɔ basaã-kɔlen gɔn, á tɔ́n nɔmaa á ǹ loo, á ǹ bɔ a yɔrɔ-a ka sɔɔsɔɔ.

KZS1 10:13

Sayulu lɛ na á gã, a giala a na á bɔlɔgoonbaãdɛnaa baa Dɛnaa Lawa wɔ paǹ li. A na a kɔ Dɛnaa Lawa a dí-pɛn lɛ ka a yɔrɔ-n wa. Á goã dinin á kanbaa Lawa la á woo gere nyin bii á nɔ̀n da la. Bɛ lɛ nɛ Dɛnaa Lawa toa á gã, a ná a kiibaa lɛ saa á kɔ Zesee a nɛgiĩ Davida la.

KZS2 15:2

Azaria woo kii Azaa li á pɛ nɛ: «Azaa, Zudaa ka Bɛnzamɛn minin, ka tumaa nə n too kɔ ma lon! Dɛnaa Lawa n kun ka nɛ, bɛ̀ ka dɔn tá kun ni. Bɛ̀ ka ga li, á re toɛ ka yɛ. Sɛnɛ, bɛ̀ ka n la bɔ a ganaa, á re n la boe ka-a.

KZS2 24:20

Bɛ lɛ nɛ, Lawa Yiri gisĩ Lawa a wúlu-bɔle Zozadaa a nɛgiĩ Zakarii la. Zakarii golee lon zaman lɛ yɔrɔ-a á pɛ ǹ nɛ: – Ka n too kɔ Dɛnaa Lawa a da ǹ boon li: «Wáa na á baa ka a koe maa dí-pɛn kɛn lɛ wa? A là bɛ́ a ba ka-a wa. Ka bɛ́ ka n la bɔ ma ganaa, sisia kəni, ma dɔ n die n la boe ka ganaa.»

Nehemii 13:23

A din biikoo lɛ dɔ gɔ́ɔ̃ nɛ, má Zuifun yɛ ǹ nə́ lɔn goa, bɛa lɔn lɛn nə́ Asidɔdi minin lɛa, Amɔn tɔrɔn laanka Moabu tɔrɔn lɛa.

Loen 106:35

Ǹ nə́ woo ǹ sii kaa kun ka tɔrɔ kɔsɔn nɛ, ǹ nə́ n daraa ǹ landa siin ganaa.

Bɔ bɛ̀rɛbaa nɛ 22:18

«Bɛ̀ min mɛn waa kun ka tɔɔ nɛ, ǹ bɛ dɛ a gã.

Bɔ bɛ̀rɛbaa nɛ 34:16

Bɛ̀ ka ǹ nɛlɔn wɔ ka ǹ kɔ kaa nɛgiĩn la, ǹ nɛlɔn lɛn man die ǹ dìn guguru koe, ǹ tá re kaa nɛgiĩn lɛn dɔn kiɛ ǹ dìn lɛn guguru koe ganaa.

Suusun 6:1

Maa nɛ, n nə́ n mìi wɔ min a giɔ̀mɔ saa boo-n ya?

Izayii 14:29

Filisiti minin lɛn, bàlà mɛn bɛ́ ka dii, ta bɛ yiɛ, ka nyan nə n nyɛnyɛɛ wa. A giala, kɔrɔkan nə die soe miɛ̃ gere ne, tɔɔ babaraa piɛ̃ wole bɔ a dɔ nɛ.

Izayii 8:19

Min tɛnɛn man pii: «Ka wo nyín-bíilin li, ka wɔ-kũlin ni, ǹ mɛnɛn bɛ́ biɛ̃ ǹ sii nyɛɛ bɛ̀ ǹ boo bisin da ǹ lɛ giulun.» Bɛ̀ ǹ nə́ pɛ ka nɛ mà minin doamaa nɛ ǹ dìn gɔ, ǹ nyínin bíi yiikoonaan lɛa,

Zeremii 10:2

A da ǹ boo á ke: «Ka nyan nə n saa tɔrɔ kɔsɔn li wa. Ka nyan nyɛ́ɛ baa sii-nyaan kɛn man boe lon wa. Maǹ nyɛ́ɛ diɛ tɔrɔn kɔsɔn ganaa.

Zeremii 12:7

Má n la bɔ maa kion ganaa, màn mɛn bɛ́ maa wɔ lɛa, má bɛ toa walan. Zaman ke má n narɛ taãn-taãnɛ, ma nə ǹ we ǹ zɔ́ɔn gɔn.

Busii pɛ 5:20

Wàa na á baa, n yiri n boe ka wɔ nɛ biikoo tumaa li? Ma n die n la boe wɔ ganaa duduu?

Lawa a wúlu-bɔlen 19:31

Ka baran boobaa ǹ sii zɛnaa wa, ka baran wo kaa sii ni boon kion wa. Bɛ̀ ka bɛ zɛnaa, bɛ lɛ n *gɔ̀ diɛ ka ganaa. Masɛ din Dɛnaa Lawa n kaa Lawa lɛa.

Lawa a wúlu-bɔlen 20:6

Bɛ̀ min mɛn woo gere nyín bíi boon kion, a n goon ka ǹ dɛnaa na á dì wúlu bɔ. Bɛ̀ min mɛn bɛ zɛnaa, masɛ á die n bɔyɛɛ man yɔrɔ da bɛ la, ma bɔ ma bɔ maa tɔrɔ minin bii.

Misee 5:11

Ma á die kɔnkoãbaa kɛ niɛ̃ ma bɔ ka gɔn lɛ-a, wɔ-kũli á die goɛ̃ ka bii doo wa.

Misee 5:12

Kaa dìn laanka kaa tíĩn kɛn, ma á die bɛn wurii ma ǹ bɔ ka bii. Ka dinin nə mànan mɛnɛn zɛnaa ka ka gɔn nɛ, ka a die kiɛ tán bɛn giulun doo wa.

Sofonii 1:8

Dɛnaa Lawa pɛ: Wúlu bɔ pinaa lɛ nɛ ma á re dɔlɔ boe nyɛɛnaandɛnaan ganaa, kii nɛn nɛ, ka min mɛnɛn bɛ́ gána kɔsɔ mɔnaan we.

Minin nimi 23:7

Balaamu tɔ́n bɔ boon kɛn nɛ kɛnɛn á ǹ pɛ: Balaaki na á minin dia die ma kuĩ Siirii gána nɛ, Moabun kii na á min dia die lɛ diɛ ma la, lɛ̀giala a kelen kɛn bǎã nɛ, á pɛ ma nɛ: Da lɛn baraa bii Zakɔba tɔrɔn kɛn li, maa lɛa. Da dɔlɔ da Izirayeli minin kɛn mìi ni.

Rɔmu minin 11:20

Sonbore ne. Maǹ nə́ ǹ kuru a giala, ǹ golee Lawa li wa. Nsɛ dɔ n doa nɛ, golee Lawa li barka nɛ. N baran toa din gole kɔ wɔ n foo-n wa. Sɛnɛ, nyɛ́ɛ baa Lawa nɛ.

Samayeli1 6:2

Filisiti minin lɛn nə́ lɛ dia wúlu bolen laanka wɔ-kũlin la, ǹ nə́ pɛ ǹ nɛ: «Wɔsɛn man die Dɛnaa Lawa a goo lɛ biɛ lɔn? Wɔ bɛ́ re siɛ lɔn wɔ tɔn dia a bǎã nɛ, ka bɛ nyaa wɔsɛn manɛ.»