Izayii 2:4 - LAWA A BOO SONBORE

⁴ A din nə die kiri-kuruli biɛ tɔrɔn bii. Á re tɔrɔ gigiã a waa kɔn wole biɛ. Ǹ ziabaa ǹ gɔya san kɛn, ǹ tá re bɛn biɛ kán nànan lɛa. Ǹ sɛ̀miɛ̃n kɛn, ǹ tá re bɛn biɛ sɛǹ gɔyan lɛa. Gánan ba re gɔya san goɛ kɔn li doo wa, min ba re n darɛɛ ziabaa-a doo wa.

LAWA A BOO SONBORE 2011

⁴ A din nə die kiri-kuruli biɛ tɔrɔn bii. Á re tɔrɔ gigiã a waa kɔn wole biɛ. Ǹ ziabaa ǹ gɔya san kɛn, ǹ tá re bɛn biɛ kán nànan lɛa. Ǹ sɛ̀miɛ̃n kɛn, ǹ tá re bɛn biɛ sɛǹ gɔyan lɛa. Gánan ba re gɔya san goɛ kɔn li doo wa, min ba re n darɛɛ ziabaa-a doo wa.

Izayii 2:4 ပူးပေါင်းရင်းမြစ်များ

Loen 110:6

A din nə kiri we tɔrɔ kɔsɔn kɛn ganaa, a kiin yɔyɔrɛ kanaa paǹ tumaa ganaa, geren man goɛ̃ dere-n kɔn la.

Loen 46:10

A n zia nyɛɛ yǎa tán lɛ-doa ganaa, a n sa yiɛ, a sɛmiɛ̃ yiɛ, a goóro tã.

Loen 46:9

Ka da ga Dɛnaa Lawa a nya ǹ dí ganaa, a kaãbaa ǹ din mɛnɛn nya tán la.

Loen 82:8

Lawa! Yoo, n kanaa minin lɛn kiri kuru, a giala, mà n din nə kanaa a tɔrɔn tumaa mìi la.

Loen 96:13

Ǹ nə n nyɛnyɛɛ Dɛnaa Lawa lɛ yɔrɔ-a, a giala, mà á die. A n die a kiibaa koɛ kanaa kɛ nɛ. A kiri wɔ kanaa minin ganaa ka peperebaa nɛ. A n zɛnɛɛ a kɔnpɛ ka sonbore ne.

Izayii 32:17

Peperebaa a dí n die goɛ̃ ka là nyantoro ne. A din nə die ka yiri-giã nɛ ka yii nyɛɛ nɛ.

Izayii 32:18

Dɛnaa Lawa a zaman tá re giɛ̃ là nyantoro bǎã nɛ, kionən ne, foo n doa nɛ ǹ ganaa, ka susu ǹ bǎã nɛ.

Izayii 33:22

Dɛnaa Lawa n wɔ nyɛɛnaan-bɔle lɛa. A din nə wɔa kiri-kuruli lɛa. Dɛnaa Lawa n wɔa kii lɛa. A din nə wɔ kirisibiɛ.

Izayii 42:1

«Maa dí-nyali á ke: Man kuĩ a gɔn ganaa. Má bɔ ka foo kɔɔ̃nbaa nɛ. Má n yiri da la, má a peperebaa nyaa tɔrɔn manɛ.

Izayii 42:3

Buu mɛn nə n pusu, a re bɛ yiɛ wa. Tɛ buə̃ mɛn pàã puusə kɔ, a re bɛ nimi wa. Sɛnɛ, á re peperebaa nyɛɛ ka sonborebaa nɛ.

Izayii 9:5

A giala, nɛnyaan tiɛɛ̃n na á yɛ, nɛginin ni, wɔa wɔ lɛa. Kiibaa nə́ n kɔ la. A tɔ n die goɛ̃: Doroo wole sonbore, Lawa Pàãyiidɛnaa, Díi lɛa, yǎa duduu, là nyantoro kii.

Izayii 9:7

Dɛnaa boo da Zakɔba tɔrɔn ganaa, bɛa boo lɛ mɛ Izirayeli gána la.

Ozee 2:18

Ma din Dɛnaa Lawa a da ǹ boo á ke: «Bɛa pinaa kɛ nɛ, N tá re ma bii "n zuũ", n ba re "Baali" tɔ kɛ koe ma-a doo wa.

Ozee 2:20

Bɛa pinaa kɛ nɛ, maa zaman lɛ taman yii, ma á re lɛ kɔ kɔn la we ka don mànan nɛ, bàanan nɛ lon, ka màn baaran nɛ tán. Sa nɛ, gɔya sa nɛ, ziabaa ǹ mànan kɛn tumaa nɛ, ma á re ǹ yiyiɛ, ma ǹ bɔ gána lɛ nɛ. Ma á re toɛ gána lɛ a minin nə nyuù wɔ kiĩni.

Misee 4:3

A din nə die sabara-dali biɛ tɔrɔ gigiã bii, pàã bɛ́ gánan mɛnɛn lon, ǹ wɔlɔ dɔ din nə sɔsɔɔ, a din nə die bɛn wɛɛ kɔn. Ǹ ziabaa ǹ gɔya san kɛn, ǹ tá re bɛn biɛ kána nànan lɛa. Ǹ sɛmiɛ̃n kɛn, ǹ tá re bɛn biɛ sɛǹ gɔyan lɛa. Gánan ba re gɔya san goɛ kɔn li doo wa, min ba re n darɛɛ ziabaa ganaa doo wa.

Zakarii 9:10

Ma á re ziabaa ǹ wotoron boe ma ǹ bɔ Efrayimu, ma ziabaa ǹ sùin bɔ ma ǹ bɔ Zeruzalɛmu. Ma á re ziabaa ǹ san yiyiɛ. Kii lɛ á re là nyantoro koe tɔrɔn la. A n die Dɛnaa biɛ, a kũ Yìsi mu kɔsɛ kɔsɛ ganaa a wo Yìsi mu gole kɔsɔn yaa, a kũ Efrati tà ganaa, a wo kanaa lɛ dan yaa.

Nya ǹ dín 17:31

Sonbore, Lawa lɛawaa kɔ́n koa, a n die kiri kuri kanaa minin la ka peperebaa nɛ. Á min bɔ kiri-wɔle lɛa bɛa lɛa. A na á bɛ nyaa min tumaa nɛ ka bɛa dɛnaa lɛ a yii kaa a bɔ geren bii ni.

Sii-nyaan 19:11

Má lon yɛ a lɛ n buĩ ni, má tɔ́n sùi fu yɛ bii-a. Min mɛn bɛ́ á dii la, a tɔ n "Bɔlɔgoondɛnaa", ǹ nə́ bíi dɔn mà "Taãnɛ". A n kiri kuri, a n zia biɛ ka peperebaa nɛ.

Samayeli1 2:10

Dɛnaa Lawa a zɔ́ɔn tá re zɔzoɛ, lon a Lawa tá re n toɛ lon a paraa ǹ li. Lawa tá re kiri we tán kuturu ganaa. A tá re pàã koe a kii la. A din kii mɛn bɔ á koa, a n bɛ mìi siɛ lon.»