Izayii 2:19 - LAWA A BOO SONBORE

¹⁹ Dɛnaa Lawa bɛ́ re yui pin mɛn-a, a nyɛɛ da tán tumaa ganaa, ka á re kiɛ para yalan nɛ, ka wɔ tii li, ń giɛ Dɛnaa Lawa a foo-yoo, laanka a gugurubaa a tɛ pɛ kɛ nyan dɔ ka-a wa.

LAWA A BOO SONBORE 2011

¹⁹ Dɛnaa Lawa bɛ́ re yui pin mɛn-a, a nyɛɛ da tán tumaa ganaa, ka á re kiɛ para yalan nɛ, ka wɔ tii li, ń giɛ Dɛnaa Lawa a foo-yoo, laanka a gugurubaa a tɛ pɛ kɛ nyan dɔ ka-a wa.

Izayii 2:19 ပူးပေါင်းရင်းမြစ်များ

Samayeli2 22:46

Gána kɔsɔ minin nə́ ma lɛ wɔ, tiin nə́ ma bebele ǹ nə́ fɔ̃ ma li. Ǹ dinin nə́ soo ǹ duru ǹ bǎãn nɛ, ǹ gɔ̀nɔn nə́ bìn diɛ.

Zɔbu 9:6

A din nə tán zoɛ̃ bɛ̀ a bɔ a bǎã nɛ. A din nə toɛ a bìbìn nə́ bìn diɛ.

Loen 7:6

toa maa zɔ́ɔ ma loo a dɔ ma ganaa, toa a ma dɛ a ma tuturu tán, a ma nyin wɔ tii li. *Doa.

Izayii 13:13

Bɛ lɛ nɛ, Dɛnaa Lawa Pàãyiidɛnaa a foo-yoo kɛa pinaa, a foo-yoo gole kɛa pinaa, lon laanka tán tá re bìn diɛ.

Izayii 2:10

Ka n duru gɛ̀fun bii, ka wɔ tii li, ń giɛ Dɛnaa Lawa a foo yoo ka a gugurubaa a tɛ pɛ kɛ nyan dɔ ka-a wa!

Izayii 2:21

Dɛnaa Lawa bɛ́ re yui pin mɛnaa, a nyɛɛ da tán tumaa ganaa, ka á re kiɛ para yalan nɛ, ka wɔ tii li, ń giɛ Dɛnaa Lawa a foo-yoo, laanka a gugurubaa a tɛ-pɛ kɛ nyan dɔ ka-a wa.

Izayii 24:1

Á ke, Dɛnaa Lawa n basaã koe tán nɛ a n ziziɛ̃. Á tán lɔlɔkɔn, a na a zaman pɛsɛ̃ bǎã tumaa nɛ.

Izayii 24:18

Min mɛn bɛ́ baa sii nyɛ́ɛ da ǹ lɛ-dɛ nyɛɛnɛ, bɛa dɛnaa n mɛnɛɛ yala-n. Bɛ̀ min mɛn boo la á soo yala-n, kan tá re kuĩ. Lon a dɔǹɔn manə n lɛ buĩ banabana. Tán tumaa n bìn diɛ a wo a giala wɔ tán a ǹ bǎã yaa.

Izayii 24:19

Tán nə́ n dɛ, a n pupuri, a n wurii.

Izayii 30:32

Dɛnaa Lawa bɛ́ re ǹ dii ka bàbàla mɛn nɛ maà laanka tùtun wuu n die koɛ kɔn la ka bàlà wuu gogoonmaa nɛ. Dɛnaa Lawa n die n gɔn pepere Asiirii li, a zia baa a ganaa.

Izayii 33:10

Dɛnaa Lawa pɛ: «Kanna, man die sii zɛnɛɛ. Kanna, man die yui, ma maa golebaa nyaa.

Izayii 7:19

Ǹ tá re kiɛ nyankɔrɔn kɛn nɛ kɔlɔ lɛa, gɛ̀fu yalan nɛ, tewon tumaa nɛ, ka tɔɔn buu sɔ̃ ǹ bǎã tumaa nɛ.

Zeremii 16:16

Dɛnaa Lawa a da ǹ boo á ke: «Ma á re zɔ̀-kũli gigiã diɛ, ǹ da minin kɛn kũ. Bɛ kio, ma á re dɔ-dɔli damata diɛ ǹ da ǹ loo kelen la, tentenen ne, ka kele yalan tumaa nɛ.

Zeremii 4:29

Sùidɛnan laanka sa-zũlin bìn diɛ nyɛɛnɛ, kiwin tumaa a minin man baa sii. Maǹ baa sii kiɛ tewonən ne, ǹ nə́ dii gɛ̀fun la. Ǹ nə́ n la bɔ kiwin tumaa ganaa, min kɔn ba ǹ nə́ wa.

Zeremii 48:28

Moabu minin, ka soo ka n bɔ kaa kiwin ni, ka wo giã kele yalan nɛ. Ka n dinin baa ka don zɛrɛkatoan bɛ́ lɔn, a kii n kele yalan nɛ, nyankɔrɔ zuzulu mìi la.

Ezekieli 33:27

N die n kɛ pɛ ǹ nɛ: «A ma toa ma yii n koo, masɛ Dɛnaa Lawa n kɛ pii: Ǹ kiwi mɛn lɛ yu, min mɛnɛn bɛ́ a nɛ, ǹ tá re bɛn dii. Min mɛn bɛ́ don, ma á re bɛ koe don màn babaraan la ǹ màn-bii lɛa. Min mɛnɛn bɛ́ kele la, ka kele yalan nɛ, bɛn tá re giɛ̃ piɛ̃ busu babaraa gɔn.

Ozee 10:8

Ǹ wúlu bɔ ǹ bǎãn kɛn Avɛn bɛ́n tá re ziziɛ̃, Izirayeli sii baraa zɛnaa bǎã mɛn lɛ nɛ. Buu laanka nyan tá re boe ǹ wúlu bɔ ǹ bǎãn nɛ. Ǹ tá re pii bɛa biikoo li kəni: «Kelen lɛn, ka n kɔ wɔ lɛ! Tentenen lɛn ka bɔ ka mɛ wɔ la!»

Misee 7:17

Ǹ tá re tii piɛ̃ ka miɛ̃ wɔ bɛ́ lɔn, màn nɔ̀ giɛɛraa tán wolen kɛn wɔbaa nɛ. Nyɛ́ɛ á die ǹ kuĩ, ǹ tá re nyɛ́ɛ biɛ n nɛ. Dɛnaa Lawa, wɔa Lawa, ǹ tá re soe ǹ duru ǹ bǎãn nɛ, bɛ̀ ǹ da n li, ǹ gɔ̀nɔn nə́ bìn diɛ.

Nahumu 3:11

Á dɔ n dɔ ganaa kanna Ninivu, fuu á re liɛ n yii ni. Bɛ̀ á dɔ n dɔ ganaa, n tá re giɛ duru ǹ bǎã li, n zɔ́ɔn nyɛɛnɛ.

Azee 2:6

Sɛnɛ á ke masɛ Dɛnaa Lawa Pàãyiidɛnaa pɛ: Kànaa ka boɛɛn nɛ ma á re bìn diɛ lon laanka tán ganaa yìsi mu laanka tán gere ne.

Azee 2:7

Ma á re bìn diɛ kanaa tɔrɔn ganaa, kanaa gɔn màn tumaa á re die kanna. Lawa a kion kɛ á re piɛ̃ ka gugurubaa nɛ. Dɛnaa Lawa Pàãyiidɛnaa a da ǹ boo n ka kɛ nɛ.

Luku 23:30

Bɛa biikoo li minin tá re pii kelen manɛ: «Ka bɔ ka mɛ wɔ la!», ǹ tá re pii tentenən manɛ: «Ka n kɔ wɔ lɛ ka wɔ duru!»

Tesaloniki2 1:9

Dɔlɔ mɛn bɛ́ re n diɛ ǹ mìi ni, bɔ̀n gole á re ǹ yii, ǹ wɔlɔ á re lui Dɛnaa ganaa, ka a pàã sonbore kɛ nɛ.

Ebrəə 11:38

Kanaa lɛ goã kɔnboe bɛa minin kɛn lɛn nə goã a-n wa. Maǹ nə́ goã n bibiĩ don biin ni, kelen la ka yala kɔrɔ gɔ́ɔ̃n nɛ.

Ebrəə 12:26

Asɛ mɛn bɛ́ a lɛn bìn da tán ganaa, a din lɛ n boo kɛ pii wɔ-n kanna: «Masɛ n die wusii ma bìn da tán lɛ ganaa gunyin goon doo. Bɛ dinsɔɔ̃ bie wa, ma á re bìn diɛ lon dɔ ganaa.»

Sii-nyaan 11:13

A din biikoo goon kɛ lɛ li, tán bìn-diɛ bɔbɔnɛɛ goon nə́ n zɛnaa. Á kiwi lɛ a talakɔn fùbaa ǹ wɔ dɛ á kaa. Min duu sɔbaa dɔ́ gã bɛa tán bìn-diɛ kɛ lɛ gɔ́ɔ̃ nɛ. Min mɛnɛn nə n bɔ a nɛ, nyɛ́ɛ gole bɛn kũ, ǹ nə́ lon a Lawa tɔ guguru kɔ.

Sii-nyaan 11:19

Lawa a kion mɛn bɛ́ lon, bɛ nə́ n lɛ bũ, má *lɛ kɔ kɔn la ǹ goo lɛ yɛ. Bɛ ganaa, la tɛ pɛpɛ, la gigini, la gii dadaran nə́ kaa, tán bìn da.

Sii-nyaan 16:18

La a tɛ-pɛn nə́ yɛ, màn wuun nə́ bɔ, la a paraa wuu bɔ ka yɔrɔ kɔ́n nɛ, tán bìn da parsiini. A saa minbuiin a zɛnaa waáraa ganaa, bɛa tán bìn-diɛ kɛ miã tɔrɔ tɔn yɛ wa, a na á baraa kɔ ka yɔrɔ kɔ́n nɛ!

Sii-nyaan 20:11

Má wusoo má kii dankan fu gole yɛ, ka ǹ dɛnaa ná a nɛ. Lon laanka tán baa si ǹ nə́ papaã a nyɛɛnɛ, min wusoo á ǹ yɛ wa.

Sii-nyaan 9:6

Bɛa mui sooro kɛ lɛ gɔ́ɔ̃ nɛ, minbuiinin tá re giɛ gɛ̀ li mà ǹ gã, sɛnɛ, ǹ ba re yii wa. Ǹ tá re n yiri koɛ gɛ̀ ganaa, sɛnɛ, gɛ̀ á re lɛ koe a n mɔrɔ ǹ ganaa wa.

Samayeli1 13:6

Izirayeli minin lɛn yii na á goã a ganaa mà ǹsɛn tá re bɔ̀n biɛ, a giala, Filisiti minin lɛn nə́ kunu kɔ zaman lɛ ganaa ǹ ná a lɛ gɛwaa. Zaman lɛ nə́ n duru kele yalan nɛ, kɔlɔ biin ni, nyankɔrɔ gɔ́ɔ̃n nɛ, ka da kusin ni.

Samayeli1 14:11

Ǹ dinin min paamaa woo ǹ dinin nyaa Filisiti minin lɛn bǎã nɛ. Filisiti minin lɛn nə́ tɔ́n pɛ mà *Ebrəən lɛn nə́ ke soe yalan nɛ, ǹ goã ǹ nə́ n duru yalan mɛnɛn lɛn nɛ.