Izayii 2:11 - LAWA A BOO SONBORE

¹¹ Min mɛnɛn yii bɛ́ lon bɛn tá re n mìi zumii. Min mɛnɛn bɛ́ n dinin gole koe, sìi á re bɛn kuĩ. Bɛa pinaa kɛ nɛ, Dɛnaa Lawa dinsɔɔ̃ n die tɔ goleebaa yii.

LAWA A BOO SONBORE 2011

¹¹ Min mɛnɛn yii bɛ́ lon bɛn tá re n mìi zumii. Min mɛnɛn bɛ́ n dinin gole koe, sìi á re bɛn kuĩ. Bɛa pinaa kɛ nɛ, Dɛnaa Lawa dinsɔɔ̃ n die tɔ goleebaa yii.

Izayii 2:11 ပူးပေါင်းရင်းမြစ်များ

Samayeli2 22:28

Min mɛnɛn bɛ́ n dinin gisĩ, n nə n bɛa dɛnan kirisibiɛ. Min mɛnɛn bɛ́ n dinin gole koe, n nə n bɛa dɛnan gisĩ.

Loen 18:27

Bɛ̀ min mɛn nə́ n gɔ́ɔ̃ kaa n nɛ, n dɔ nə n gɔ́ɔ̃ kiɛ bɛa dɛnaa nɛ. Sɛnɛ, bɛ̀ min mɛn nə́ n gɔ́ɔ̃ tii n-a, n dɔ nə ǹ dɛnaa kuĩ a gɔ́ɔ̃ tìbaa li.

Loen 18:28

Ǹ bɛ́ koe boe min mɛnɛn ganaa, n din nə bɛn kirisibiɛ. Min mɛnɛn bɛ́ n dinin gole koe, n din nə bɛn gisĩ.

Loen 20:8

Kɛn mà ziabaa ǹ wotoron, kɛn mà ziabaa ǹ sùin, sɛnɛ wɔsɛn Dɛnaa Lawa tɔ ke, bɛ lɛ n wɔsɛn lɛ-n.

Loen 46:10

A n zia nyɛɛ yǎa tán lɛ-doa ganaa, a n sa yiɛ, a sɛmiɛ̃ yiɛ, a goóro tã.

Loen 46:11

Lawa tɔ́n pɛ: Ka a lɛ da dɛ! Ka dɔ̃ mà ma din nə Lawa lɛa! Má gɔ̀lɔ̀baa yɛ gánan la, má gɔ̀lɔ̀baa yɛ tɔrɔn la.

Loen 94:2

N din mɛn bɛ́ kiri kuri kanaa tumaa la, yoo. Dɔlɔ bɔ din gole-kɔlen kɛn ganaa, a kɔnpɛ ǹ nya ǹ dí ni.

Suusun 16:5

Din gole-kɔlin tìĩ n boe-n Dɛnaa Lawa nyin ni, ǹ dɔlɔ bɔ ma-a a sàabiɛ wa.

Suusun 30:13

Din gole kɔ la min tɛnɛn yii ni. Maǹ giɛ ǹ miãn ganaa ka yii baraa nɛ.

Izayii 10:12

Sɛnɛ, bɛ̀ Dɛnaa nya a dín kɛn ganaa *Siɔn kele la ka Zeruzalɛmu ni ǹ mɛn waáraa, á re yui Asiiriin kii gialaa, a din gole kɔ laanka a din koa kɛ taman yii.

Izayii 12:1

Bɛa pinaa kɛ nɛ, n tá re pii: «Dɛnaa Lawa, ma á zɔɔ diɛ n nɛ, a giala, n foo na á goã yoo-n ma li, sɛnɛ, n foo waa, n ma foo taã.

Izayii 12:4

Bɛa pinaa kɛ nɛ, ka á re pii: «Ka Dɛnaa Lawa tɔ bɔ. Ka n lɛn saa lon, ka a Lawabaa pɛ. A sii dadaran mɛnɛn zɛnaa ka nɛ, ka bɛn laakalaa tɔrɔn tumaa nɛ.

Izayii 13:11

Dɛnaa Lawa pɛ: «Man die dɔlɔ boe kanaa ganaa a baraabaa kɛa lɛa, ma dɔlɔ bɔ min baraan ganaa ǹ gɛ̀ dɛ a lɛa. Din koa wolen dankarabaa ke, ma á re bɛ papaɛ̃, ma pàã-zɛnaalin din gole kɔ kɛ nya.

Izayii 14:15

Sɛnɛ, n woo n din yaa geren piɛ, nyankɔrɔ gole kɛ gɔ́ɔ̃ nɛ.

Izayii 2:17

Min mɛnɛn yii bɛ́ lon bɛn tá re n mìi zumii. Min mɛnɛn bɛ́ n dinin gole koe, sìi á re bɛn kuĩ. Bɛa pinaa kɛ nɛ, Dɛnaa Lawa dinsɔɔ̃ n die tɔ goleebaa yii.

Izayii 23:9

Dɛnaa Lawa Pàãyiidɛnaa na á golee bɛ li, màn mɛn bɛ́ toɛ a din koa wolen kɛn gisĩ, a kanaa a min dadaraan kɛn yii puusə kɔ.

Izayii 24:21

Bɛa pinaa lɛ nɛ, Dɛnaa Lawa n die yui lon a zia kurun gialaa lon, ka tán a kiin ni tán la.

Izayii 25:9

Bɛa pinaa, wɔ á re pii: «Á ke, a din ni wɔa Lawa lɛa, wɔ foo n doa nɛ a din ganaa. A n wɔ kirisibiɛ. Taãn nɛ, wɔ foo n doa nɛ Dɛnaa Lawa ganaa. Wɔ ǹ bɛ̀ biɛ ka foo kɔɔ̃n nɛ, wɔ nə n nyɛnyɛɛ, a giala, á wɔ kirisibaa!

Izayii 26:1

Bɛa pinaa, Zudaa gána nɛ, zaman tá re loe loe, ǹ pɛ: Wɔa kiwi lɛ doemaa nɛ. Dɛnaa Lawa ná a lɛnpɛnɛ ka kungɔn nɛ, a ná a lɛnpɛnɛ ka kungɔn tamaa wole ne, màn mɛn bɛ́ toɛ, a wɔ tamaa.

Izayii 28:5

Bɛa pinaa kɛ nɛ, Dɛnaa Lawa Pàãyiidɛnaa a zaman mɛn yii goã koo, a dinmaa n die n biɛ kii bafolo lɛa, gii giɔ̀mɔ kaka lɛa bɛn wɔ lɛa.

Izayii 29:18

Bɛa pinaa boo mɛn bɛ́ kiɛ̃-n sɛ́wɔ kɛ nɛ, too tere-an tá re bɛ miɛ. Yii tere-an tá re soe tèlò-n wɔlɔ tì li, ǹ yii n wɔlɔ yii foaã nɛ.

Izayii 30:18

A da yaa, Dɛnaa Lawa á re yui, a na a bǐɛ̃ nyaa ka nɛ, á re a foo basiɛ̃baa nyɛɛ ka nɛ. Sonbore, Dɛnaa Lawa n Lawa pepere lɛa. Min mɛnɛn foo bɛ́ doa nɛ a ganaa, bɛn foo á re kɔɔ̃n koe.

Izayii 30:23

Ka bɛ-n kəni, Dɛnaa Lawa á re la kiɛ màn nàn kɛ la, n da. N bɛ́ re màn-bii mɛn boe tán nɛ, á re goɛ̃ mɔnaa nɛ, a n kɔɔ̃n dɔn. Bɛa pinaa kɛ nɛ, n tɔɔn tá re woe buu soɛ̃ tɔɔn buu sɔ̃ ǹ bǎã gole kɛ nɛ.

Izayii 37:23

Ma nə ń sɔ kɔ die ganaa? Ma nə ń die piɛ̃ bɔ? N yii na á wɔ n boo da die ganaa? Ma nə n ga die ganaa ka din koa nɛ? Masɛ din Izirayeli a Lawa sonbore kɛ nɛ!

Izayii 4:1

Bɛa pinaa kɛ nɛ, lɔ sɔbaa n die n parɛɛ giĩ goon ganaa, ǹ pɛ nɛ: «Wɔ saa lɔ lɛa, wɔ dinin tá re n toɛ̃ wɔa màn-bii laanka wɔa wɔ ǹ mɔnaa sii ni, laa n wɔa sìi kɛ saa n bɔ wɔ la.»

Izayii 40:23

A n kanaa nyɛɛnaandɛnan ziziɛ̃. Min mɛnɛn bɛ́ kanaa mìilandɛnan lɛa, a n bɛn biɛ màn kooro lɛa.

Izayii 52:6

Bɛ lɛ nɛ, maa zaman tá re ma tɔ doɛ̃. Sonbore, ǹ kɔn pinaa ǹ tá re doɛ̃ mà ma din ni pii kɛnɛn: Ma á die!»

Zeremii 12:9

Maa wɔ bɛ́ ka min mɛnɛn nɛ, bɛn man nə́ n baa ka bàan sisia bɛ́ lɔn, zèwon nə́ piɛ̃ nɛ a ganaa? Ka gòon màn tumaa sɔkɔn, ǹ da màn bii!

Zeremii 9:24

Lɛawaa á re doe, Dɛnaa Lawa a da ǹ boo ne, min mɛnɛn tumaa bɛ́ ǹ nə́ n kuru, ma á re yui bɛn gialaa.

Ezekieli 38:14

Bɛ lɛ taman yii, nsɛ minbuiin a nɛ, a pɛ Gɔgu ni mà masɛ Dɛnaa Lawa n kɛ pii: Bɛ̀ maa minin Izirayeli tɔrɔn lɛn tá là nyantoro la ǹ mɛn waáraa, n tá re a boo miɛ.

Ezekieli 38:19

Bɛa foo wuu pɛ laanka bɛa foo-yoo gole lɛ gɔ́ɔ̃ nɛ, man kɛ pii: Bɛa pinaa kɛ lɛ nɛ, tán tá re bìn diɛ gole we Izirayeli gána nɛ.

Ezekieli 39:11

«Bɛa biikoo li kəni, ma á re bǎã boe ma koa Gɔgu a bĩ ǹ bǎã lɛa, ǹ die ǹ na a yala fɔ̃ walan Izirayeli gána nɛ, kiɛ̃ wolen nyankɔrɔ basa kɛ nɛ, yìsi mu gole kɛ a lɛ̀giala gɔn la. A bĩ ǹ bǎã lɛ á re kiɛ̃ wolen kurii kiɛ̃ ganaa. Ǹ tá re Gɔgu laanka a sɔraasin tumaa biĩ walan, ǹ bɛa bǎã lɛ bii mà "Gɔgu a zaman a nyankɔrɔ basa".

Ezekieli 39:22

A kũ bɛa pinaa kɛ lɛ ganaa kəni a woo, Izirayeli tɔrɔn lɛn tá re doɛ̃ mà ma din nə Dɛnaa Lawa lɛa.

Ozee 2:16

A bɛ́ miɛ̃, ma á re wusii ma bebele, ma kũ ma da tán, ma a foo wɔraa ǹ boon da nɛ.

Ozee 2:18

Ma din Dɛnaa Lawa a da ǹ boo á ke: «Bɛa pinaa kɛ nɛ, N tá re ma bii "n zuũ", n ba re "Baali" tɔ kɛ koe ma-a doo wa.

Ozee 2:21

Man die luu diɛ n la ma din wɔ lɛa yǎa duduu: Man die luu diɛ n la ka yɔrɔ kɛ nɛ: Peperebaa nɛ, sonborebaa nɛ, kɔn-narɛɛ laanka makara-doɛ̃ nɛ.

Amɔɔsi 9:11

Dɛnaa Lawa n kɛ pii: "Davida a kiwi" kɛ n ka mɔnaa zìã bɛ́ lɔn, á ziziɛ̃. Sɛnɛ bɛa pinaa kɛ lɛ nɛ, yala bɛ́ a kungɔn kɛa paǹan mɛnɛn ganaa, ma á re bɛn titiɛ̃. A bǎãn mɛnɛn nə kaa, ma á re wusii ma bɛn dɔ. Ma á re goɛ ma koa lon, a goã ka a bɛ́ lɔn lɛlɛ.

Abdiasi 1:8

Taãn nɛ, a pinaa á die, Ezawu tɔrɔn sii-dɔ̃lin kɛn, ma á die ǹ dii. Yiridɛnaa kɔn ba re goɛ̃ Edɔmu gána-n wa. Ma din Dɛnaa Lawa a da ǹ boo ne.

Misee 2:3

Bɛ lɛ na á toa, masɛ Dɛnaa Lawa á kɛ pii: Á ke, ma bɛ́ re sii mɛn diɛ kasɛn kɛn miãn tɔrɔ mìi ni, ka a re boe la ka n sɔlɔ a-n wa. Ka a re boe la ka tɔ wɔ ka mìi n lon wa, a giala, a n die goɛ̃ biikoo babaraa lɛa.

Misee 4:6

Dɛnaa Lawa a da ǹ boo á ke: «Bɛa pinaa kɛ lɛ nɛ, wɔ̀lɔ̀ goã ǹ mɛnɛn lɛn ganaa ka sère busulən bɛ́ lɔn, ma á re bɛn soekɔn. Ǹ goã ǹ nə́ ǹ mɛnɛn loo, ǹ nə́ woo ǹ ne, ma fuu nyaa ǹ mɛnɛn lɛn manɛ, ma á re wusii ma ǹ si.

Misee 5:10

Ma á die kaa gána lɛ a kiwin yui, kungɔnɔn mɛnɛn bɛ́ ǹ lɛnpɛnɛ, ma á die bɛn tumaa wurii.

Sofonii 3:11

Bɛa pinaa lɛ nɛ, maa zaman sii baraa mɛn tumaa zɛnaa, ǹ sii woo sii zɛnaa masɛ nɛ, bɛa sìi ba re ǹ kuĩ doo wa. Bɛa biikoo li kəni, min mɛn tumaa bɛ́ ka bii ǹ nə́ n dinin gole koe, ma á re bɛn lui ma ǹ bɔ ka bii, nsɛ, maa zaman, n tɔ nə n din gole kɔ kɛ kaa kəni, n bɔ maa kele sonbore kɛ la.

Sofonii 3:16

Bɛa pinaa kɛ lɛ nɛ, ǹ tá re pii Zeruzalɛmu ni: N nyan nyɛ́ɛ baa doo wa, Siɔn kiwi, n foo nyan ziziɛ̃ wa!

Zakarii 9:16

Bɛa pinaa, Dɛnaa Lawa, ǹ Lawa á re ǹ kirisibiɛ ka tɔɔn-lɛduə̃li bɛ́ a tɔɔn kirisibiɛ lɔn. Maǹ die tɛ pii ǹ gána nɛ ka kɔlɔ giɔ̀mɔ kaka bɛ́ lɔn, kii bafolo ganaa.

Luku 18:14

Yezu pɛ: «Man pii ka nɛ, bɛa wusuru-sili lɛ wusoo á woo piɛ ka peperebaa nɛ Lawa yɔrɔ-a, sɛnɛ, goon kɛ lɛ bɛ yɛ wa. A giala bɛ̀ min mɛn nə́ n din saa lon, ǹ tá re bɛa dɛnaa gisĩ, bɛ̀ min mɛn nə́ n din boɛɛn kɔ ǹ tá re bɛ siɛ lon.»

Korɛnti2 10:17

Ká Lawa a sɛ́wɔ bɛ́ á pɛ lɔn: «Bɛ̀ min mɛn tá zoɛ̃ mà a n din koa, a n din koa ka Dɛnaa a sii-zɛnaa nɛ.»

Korɛnti2 10:5

Min mɛn tumaa a din gole kɔ bɛ́ a la yii ni, n dinin koɛ Lawa-doɛ̃ ganaa, wɔ ǹ bɛn tumaa gisĩ. Wɔ n min tumaa a taasiɛ kuĩ wɔ á golee ne, yǎa ǹ dɔn nə Krita a boo sii.

Tesaloniki2 1:10

Min mɛnɛn bɛ́ a wɔn lɛa ǹ nə́ golee-n li, bɛn tá re a guguru koe, ǹ nə n kaãbaa a ganaa a daa pinaa. Ka dɔn tá re goɛ̃ kun ka bɛa dɛnan kɛn lɛn nɛ, a giala, wɔ siére mɛn pɛ ka nɛ, ká golee li.

Piɛrɛ1 5:5

A din yɔrɔ lɛ la, nɛnyaanan lɛn, ka min golen bɔlɔ si. Ka dinin tumaa, kaa tá kun gɔ́ɔ̃ nɛ, didie din boɛɛn kɔ ǹ sii zɛnaa, a giala, Lawa a boo n pii: «Lawa nə n piɛ̃ ka din gole-kɔlen ne, sɛnɛ, a n bǐɛ̃ zɛnɛɛ din boɛɛn-kɔlen manɛ.»