Izayii 2:10 - LAWA A BOO SONBORE

¹⁰ Ka n duru gɛ̀fun bii, ka wɔ tii li, ń giɛ Dɛnaa Lawa a foo yoo ka a gugurubaa a tɛ pɛ kɛ nyan dɔ ka-a wa!

LAWA A BOO SONBORE 2011

¹⁰ Ka n duru gɛ̀fun bii, ka wɔ tii li, ń giɛ Dɛnaa Lawa a foo yoo ka a gugurubaa a tɛ pɛ kɛ nyan dɔ ka-a wa!

Izayii 2:10 ပူးပေါင်းရင်းမြစ်များ

Zɔbu 31:23

A giala Lawa a dɔlɔ ke, bɛ lɛ na á goã nyɛ́ɛ diɛ ma ganaa. Ma a boe la ma sii kɔn zɛnaa Lawa gole kɛ yɔrɔ-a wa.

Zɔbu 40:13

Ǹ tumaa kaa tii li yɔrɔ goon la, ǹ tumaa kaa gɛ̀ a kòso-n!

Loen 145:12

Ǹ tá re n boo sii lan kɛn nyɛɛ minin manɛ, ǹ tá re n kiibaa kɛa gugurubaa nyɛɛ, ka a siĩnbaa kɛ nɛ.

Loen 90:11

Die nə n foo-yoo a lɛ goa ǹ bǎã doɛ̃? N foo a busu min li bɛ́ nyɛ́ɛ mɛn diɛ, die n bɛa lɛ goa ǹ bǎã doɛ̃?

Izayii 10:3

Bɛ̀ Dɛnaa Lawa a dɔlɔ bɔ pinaa dɔ, bɛ̀ koe bɔ wɔlɔ sɔsɔɔ nɛ á daa, ka ǹ die n biɛ lɔn? Ka ǹ die gú diɛ die ne a da n dɔ ka lɛ? Ka ǹ die kaa naforon kɛn kiɛ maa?

Izayii 25:11

Moabu n bìn diɛ a nyàan ganaa ka mu-baali bɛ́ mu biɛ lɔn. Sɛnɛ, a laan bɛ yii ni, Dɛnaa Lawa ná a din koa kɛ gisĩ.

Izayii 42:22

Sɛnɛ, á ke, ǹ nə́ ka kokoo, ǹ nə́ màn tumaa sii ka la. Ka tumaa lɛ tiɛ̃maa-n nyankɔrɔ zuzulu ni, ka n durii-n kòso ne. Kaa zɔ́ɔn nə́ ka kokoo ka ǹ bɛ́ naforo goɛ zia la lɔn. Min kɔn dɔ da n dɔ ka lɛ wa. Ǹ nə́ màn tumaa si ka la, min kɔn dɔ pɛ mà ǹ ka toa walan wa.

Zeremii 10:10

Sɛnɛ, Dɛnaa Lawa n Lawa taãn lɛa. Lawa Yiikoonaa nɛ. A n kii lɛa yǎa duduu. Bɛ̀ a foo yoo, tán nə bìn diɛ. Tɔrɔn ba boe sii kɔn la ǹ zɛnaa a foo-yoo gɔ́ɔ̃-n wa.

Zeremii 10:7

N doamaa-n ka gugurubaa nɛ tán tumaa a Dɛnaa. Bɛ lɛ nə n wɔ gii lɛa. Sii-dɔ̃lin tumaa bii tán la, ǹ gánan tumaa bii, min kɔn ba ka n bɛ lɔn wa.

Zeremii 13:9

«Masɛ Dɛnaa Lawa a da ǹ boo á ke: A din yɔrɔ goon la, man die Zudaa a din koa kɛ ziziɛ̃, kɔnlɛ ka Zeruzalɛmu dɔ a din koa gole kɛ nɛ.

Ozee 10:8

Ǹ wúlu bɔ ǹ bǎãn kɛn Avɛn bɛ́n tá re ziziɛ̃, Izirayeli sii baraa zɛnaa bǎã mɛn lɛ nɛ. Buu laanka nyan tá re boe ǹ wúlu bɔ ǹ bǎãn nɛ. Ǹ tá re pii bɛa biikoo li kəni: «Kelen lɛn, ka n kɔ wɔ lɛ! Tentenen lɛn ka bɔ ka mɛ wɔ la!»

Nahumu 3:11

Á dɔ n dɔ ganaa kanna Ninivu, fuu á re liɛ n yii ni. Bɛ̀ á dɔ n dɔ ganaa, n tá re giɛ duru ǹ bǎã li, n zɔ́ɔn nyɛɛnɛ.

Luku 12:5

Masɛ n die min nyɛɛ ka nɛ, ka doamaa bɛ́ nɛ ka nyɛ́ɛ baa min mɛn nɛ. Ka nyɛ́ɛ baa Lawa nɛ. Bɛ̀ Lawa min dɛ, pàã tá a lon a na a telenboen zũ tɛ-n. Bɛ lɛ nɛ, ma á pii ka nɛ, máa ka doamaa nɛ ka nyɛ́ɛ baa Lawa nɛ.

Luku 23:30

Bɛa biikoo li minin tá re pii kelen manɛ: «Ka bɔ ka mɛ wɔ la!», ǹ tá re pii tentenən manɛ: «Ka n kɔ wɔ lɛ ka wɔ duru!»

Tesaloniki2 1:9

Dɔlɔ mɛn bɛ́ re n diɛ ǹ mìi ni, bɔ̀n gole á re ǹ yii, ǹ wɔlɔ á re lui Dɛnaa ganaa, ka a pàã sonbore kɛ nɛ.