Izayii 19:24 - LAWA A BOO SONBORE

²⁴ Bɛa pinaa lɛ nɛ, Dɛnaa Lawa á re barka diɛ gána sɔɔ kɛ ganaa: Izirayeli ni, Ezipti ni ka Asiirii gána nɛ. Barka á re n diɛ kanaa tumaa ganaa ǹsɛn taman yii.

LAWA A BOO SONBORE 2011

²⁴ Bɛa pinaa lɛ nɛ, Dɛnaa Lawa á re barka diɛ gána sɔɔ kɛ ganaa: Izirayeli ni, Ezipti ni ka Asiirii gána nɛ. Barka á re n diɛ kanaa tumaa ganaa ǹsɛn taman yii.

Izayii 19:24 ပူးပေါင်းရင်းမြစ်များ

Siin Giala 12:2

Ma á re n tɔrɔ mɔnɛɛ. Ma á re barka we n ne, ma n tɔ bɔ. Min kɔsɔn wɔ á re bǐɛ̃ koe n wɔ gɔ́ɔ̃ nɛ.

Izayii 19:23

Bɛa pinaa kɛ lɛ nɛ, zii á re boe Ezipti gána nɛ a wo Asiirii. Asiirii minin tá re woe Ezipti gána nɛ, Ezipti minin dɔn nə wo Asiirii gána nɛ. Ǹ dinin tumaa á re dí nyɛɛ Dɛnaa Lawa nɛ.

Izayii 19:25

Dɛnaa Lawa Pàãyiidɛnaa n die barka diɛ ǹ ganaa a pɛ: «Man barka diɛ maa zaman Ezipti ganaa, ka Asiirii mɛn bɛ́ má zɛnaa ka ma gɔn nɛ, ka Izirayeli gána kɛ nɛ maa wɔ lɛa.»

Izayii 27:13

Bɛa pinaa, sère gɔ̀lɔ̀ bɛn gole n die n pii. Bɛa biikoo li kəni, min mɛnɛn nə papaã Asiirii gána nɛ, ǹ nə n mɛnɛn loo Ezipti gána nɛ, bɛn tumaa á re die lenlen. Ǹ tá re die n musin koɛ tán Dɛnaa Lawa yɔrɔ-a, Zeruzalɛmu a kele sonbore kɛ la.

Izayii 49:22

Dɛnaa Lawa n kɛ pii: Á ke, man die n gɔn yiɛ tɔrɔ kɔsɔn manɛ. Man die sii giala pɛ ǹ zanzan zumi ǹ wɔ lɛa. Ǹ tá re die n nɛgiĩn ni ǹ kolo-n, ǹ nə n nɛlɔn kɛn gũ ǹ kɔrɔn.

Izayii 49:6

Á pɛ ma nɛ: N bie re maa dí-nyali dinsɔɔ̃ biɛ, n Zakɔba tɔrɔn goa n nə ǹ kaa lon, Izirayeli min mɛnɛn yii goa koo, n da ka bɛn nɛ wa. Man die n biɛ tɔrɔn tɛ fúlu lɛa, màn mɛn bɛ́ toɛ maa kirisibaa dɔ kanaa lɛ dan ganaa.

Izayii 6:13

Ta zaman lɛ a talɛɛ fù na á goã gána lɛ nɛ, tɛ á re bɛn kuĩ, ka da mɛn nə́ ke ǹ nə́ kuru ǹ nə́ daa, a giala piri dinsɔɔ̃ goã. Sɛnɛ, bɛa giala piri lɛ n piɛ̃ dii lɛa, a da ten sonbore baa.

Izayii 65:22

Ǹ ba re kion doe, min kɔsɔn nə giã ǹ nɛ ǹ bǎã-n wa. Ǹ ba re rezɛ̃ dan zumi, min kɔsɔn na a nɛ bii wa. A giala, maa zaman lɛ a minin tá re zizi koe ka dan bɛ́ lɔn. Ma min mɛnɛn bɔ ma ǹ koa, bɛn tá re ǹ dí a là yii.

Izayii 65:8

Dɛnaa Lawa n kɛ pii: Bɛ̀ minin nə́ rezɛ̃ nɛ mərə sonbore yɛ, maǹ pii: «Ka nyan ziziɛ̃ wa» a giala, sàabaa ba la wa, a n die duvɛ̃ kɔɔ̃n biɛ. A din goon ne. Ma dɔ n die zɛnɛɛ miɛ̃, maa dí-nyalin kɛn lɛa. Ma a re ǹ yii tumaa ziziɛ̃ wa.

Izayii 66:12

Dɛnaa Lawa n kɛ pii: Á ke, man die là nyantoro diɛ baa si ganaa Zeruzalɛmu ka tà bɛ́ lɔn, tɔrɔ kɔsɔn naforo kɛ baa si ka mu zii bɛ́ lɔn á pã á toɛ̃. Man die ka tamɛɛ ka lɔ bɛ́ a nɛnyaan tiɛɛ̃n tamɛɛ lɔn: a n diɛ a kolo-n, a bɔ a da a gòã la, a na a là wɔraa.

Ezekieli 34:26

Ma á re barka diɛ gána kɛ ganaa, ka maa kele kɛ lɛkoro lɛ-a bǎãn nɛ. La mu mɛn bɛ́ barka da maa ǹ wɔ lɛa, ma á re toɛ bɛ kaa a biikoo li.

Zakarii 8:13

Zudaa laanka Izirayeli zaman, ka bɛ́ ka goã sii a kɔnboe lɛa, liɛ baraa we a paǹ li tɔrɔn bii, kanna kəni, man die ka kirisibiɛ ma barka da ka ganaa. Nyɛ́ɛ nyan ka kũ doo wa, ka n foo taã!»

Luku 2:32

A n die wɔlɔ fúlu boe tɔrɔn tumaa nɛ, a n gugurubaa koe n din a tɔrɔ boe kɛ la, bɛ mɛn bɛ́ ka Izirayeli ni.»

Rɔmu minin 15:27

Bɛa Lawa-nyankɔlen lɛn man nə́ bɛ bɔ ǹ dinin ni. Ǹ doamaa dɔ nɛ. A giala, naforon mɛnɛn bɛ́ golee Lawa li gɔ́ɔ̃ nɛ, Zuifu Lawa-nyankɔlen nə́ bɛn gii kɔn ka tɔrɔ kɔsɔn nɛ, tɔrɔ kɔsɔn dɔn doamaa nɛ, ǹ nə ǹ gɔn mànan gii kɔn ka bɛa Zuifun lɛn nɛ.

Galaasi minin 3:14

Bɛ na á n zɛnaa, màn mɛn bɛ́ toɛ, Lawa barka mɛn da Abrahamu ganaa, bɛ dɔ tɔrɔ kɔsɔn kɛn tumaa ganaa Yezu Krita pàã ganaa. Bɛa yɔrɔ kɛ lɛ la, goleemali barka nɛ, wɔ n boe la, wɔ Lawa a lɛ-kɔ ǹ Yiri Fu kɛ yɛ.

Timəə dí-pɛn 32:43

Tɔrɔn lɛn, ka n nyɛnyɛɛ kun ka Dɛnaa a zaman nɛ. A giala, a n die a dí-nyalin lɛn gɛ̀ dòo boe, a n die dɔlɔ diɛ a zɔ́ɔn lɛn mìi ni. Sɛnɛ, á re a gána lɛ laanka a minin lɛn sii baraan sawɛɛ.