Izayii 19:23 - LAWA A BOO SONBORE

²³ Bɛa pinaa kɛ lɛ nɛ, zii á re boe Ezipti gána nɛ a wo Asiirii. Asiirii minin tá re woe Ezipti gána nɛ, Ezipti minin dɔn nə wo Asiirii gána nɛ. Ǹ dinin tumaa á re dí nyɛɛ Dɛnaa Lawa nɛ.

LAWA A BOO SONBORE 2011

²³ Bɛa pinaa kɛ lɛ nɛ, zii á re boe Ezipti gána nɛ a wo Asiirii. Asiirii minin tá re woe Ezipti gána nɛ, Ezipti minin dɔn nə wo Asiirii gána nɛ. Ǹ dinin tumaa á re dí nyɛɛ Dɛnaa Lawa nɛ.

Izayii 19:23 ပူးပေါင်းရင်းမြစ်များ

Loen 87:4

Man Ezipti laanka *Baabilonii tɔ bíi, kun maa doɛ̃ wolen ne. Haalɛ minin mɛnɛn dɔn dinin bɛ́ ǹ nə́ yɛ Filisiti, Tiiri ka Etiopii gána nɛ.

Izayii 11:11

Bɛa pinaa kɛ nɛ, Dɛnaa n die n pàã nyɛɛ, ka a paabaa ǹ wɔ nɛ. Á re Izirayeli min gialakunun kɛn sii a ǹ kaa, ǹ mɛnɛn yii goã koo Asiirii gána nɛ, Ezipti gána a tán nɛ a lɛ̀gɔn la nɛ a lon ne a lɛ̀gɔn la nɛ, Etiopii gána nɛ, Elamu gána nɛ, Amaati ni, *Baabilonii gána nɛ, ka gánan mɛnɛn bɛ́ mu bii.

Izayii 11:16

A zaman mɛn yii goã koo Asiirii gána nɛ, á re zii boe bɛn manɛ, ka a bɛ́ á goã á bɔ Izirayeli minin man lɔn, ǹ soo Ezipti gána-n biikoo li.

Izayii 19:24

Bɛa pinaa lɛ nɛ, Dɛnaa Lawa á re barka diɛ gána sɔɔ kɛ ganaa: Izirayeli ni, Ezipti ni ka Asiirii gána nɛ. Barka á re n diɛ kanaa tumaa ganaa ǹsɛn taman yii.

Izayii 2:3

Gána gigiã á re zii siɛ, bɛ̀ ǹ nə́ pii kɔn nɛ kɛnɛn: Ka daa wɔ n tá wɔ dii Dɛnaa Lawa a kele la, wɔ wo Zakɔba a Lawa a kion. A din tá re a zii lɛ a tɔ wɔ ǹ gɔn nyɛɛ wɔ nɛ, bɛ̀ a din wɔ da zii mɛn la, wɔ á re koe bɛ lɛ. A giala, a dí-pɛn lɛn man boe *Siɔn, Dɛnaa Lawa a boo lɛ n boe Zeruzalɛmu.

Izayii 27:13

Bɛa pinaa, sère gɔ̀lɔ̀ bɛn gole n die n pii. Bɛa biikoo li kəni, min mɛnɛn nə papaã Asiirii gána nɛ, ǹ nə n mɛnɛn loo Ezipti gána nɛ, bɛn tumaa á re die lenlen. Ǹ tá re die n musin koɛ tán Dɛnaa Lawa yɔrɔ-a, Zeruzalɛmu a kele sonbore kɛ la.

Izayii 49:11

Ma á re kele mìin bɔyɛɛ ma ǹ baa kiɛ̃ ǹ zii sonboren lɛa. Ma á re tii kiɛ nyankɔrɔn nɛ ǹ yoo lon.

Izayii 49:7

Dɛnaa Lawa pɛ, asɛ mɛn bɛ́ Izirayeli si sii la wole lɛa, a n Izirayeli a Lawa sonbore lɛa. A n kɛ pii n ni, nsɛ mɛn bɛ́ ǹ nə́ n pɔpɔsɛ, n tìĩ n boe-n zaman nɛ, nsɛ mɛn bɛ́ kii kakaarɛn bɛ̀rɛ lɛa: «Bɛ̀ kiin nə́ n yɛ, ǹ tá re yui lon n nyɛɛnɛ. Bɛ̀ kiãn yii mɛ n ganaa, ǹ tá re kiɛ tán ǹ lɛ la n yɔrɔ-a.» Bɛ n die n zɛnɛɛ Dɛnaa Lawa a bɔlɔgoondɛnaabaa taman yii, Izirayeli a Lawa sonbore kɛ taman yii, a din mɛn lɛ nə n bɔ á n koa.

Izayii 62:10

Zeruzalɛmu minin, ka soo! Ka soo kiwi kɛ-n fufuu! Ka zii bũ maa zaman nɛ! Ka zii zɛnaa, ka a kɔlɔn waa! Ka sii giala pɛ ǹ màn zumu, tɔrɔn wɔ lɛa!

Izayii 66:23

Bɛa yɔrɔ lɛ la, mui dii zɔ́n gogoonmaa li, ka *susu ǹ pii gogoonmaa nɛ, minbuiin nɛ tumaa á re n musin koɛ tán masɛ Dɛnaa Lawa yɔrɔ-a. Dɛnaa Lawa na á pɛ.

Misee 7:12

Bɛa pinaa kɛ lɛ nɛ, kaa minin tá re wusii ǹ da ka li. A saa Asiirii ganaa a wo Ezipti yaa, ǹ tɛn tá re boe walan. A saa Ezipti ganaa a wo Efrati tà kɛ yaa, ǹ gialakunun tá re boe walan. Ǹ tɛn tá re boe kɔ̀ mun lɛ-a ǹ tɛn dɔ á re boe kele yiin ni.