Izayii 19:22 - LAWA A BOO SONBORE

²² Dɛnaa Lawa á re Ezipti minin dii. Á re ǹ dii a wusoo a ǹ kaka kɔ. Ǹ tá re wusii ǹ da Dɛnaa Lawa li. Á re ǹ nyankɔ sii, a wusoo a ǹ kaka kɔ.

LAWA A BOO SONBORE 2011

²² Dɛnaa Lawa á re Ezipti minin dii. Á re ǹ dii a wusoo a ǹ kaka kɔ. Ǹ tá re wusii ǹ da Dɛnaa Lawa li. Á re ǹ nyankɔ sii, a wusoo a ǹ kaka kɔ.

Izayii 19:22 ပူးပေါင်းရင်းမြစ်များ

Kiin2 20:5

– N lɛ goa n pɛ maa zaman a kii Ezekiasi lɛ nɛ, mà ǹ di Davida a Lawa, Dɛnaa Lawa lɛ mà kɛnɛn: «Má n nyankɔ lɛ ma. Má n yii mu lɛ yɛ. Á ke, man die n kaka koe. Pelo lɛawaa sɔɔ, n tá re woe Dɛnaa Lawa a kion.

Zɔbu 22:23

Bɛ̀ ń wusoo ń daa Pàãyiidɛnaa li, bɛ̀ ń sii kɔkɔrɔ zɛnaa kɛ wɔlɔ lui n kion ganaa, á re wusii a n saa a n da lon.

Zɔbu 5:18

A giala, a din nə min dii a mà bɔ-a, sɛnɛ a din nə wusii a na a busulɛ nya. A din nə busu diɛ min ganaa, a din wusoo a nya.

Bɔ bɛ̀rɛbaa nɛ 8:4

*Faarahɔn lɛ dia Muizu laanka Aarɔn la, á pɛ: «Ka Dɛnaa lɛ nyankɔ, a sɔmɔnɔn kɛn wɔlɔ lui, á ǹ bɔ ma laanka maa gána minin ganaa, ma á re toɛ zaman lɛ soo a wo *wúlu màn bɔ a kɔ Dɛnaa la.»

Izayii 11:11

Bɛa pinaa kɛ nɛ, Dɛnaa n die n pàã nyɛɛ, ka a paabaa ǹ wɔ nɛ. Á re Izirayeli min gialakunun kɛn sii a ǹ kaa, ǹ mɛnɛn yii goã koo Asiirii gána nɛ, Ezipti gána a tán nɛ a lɛ̀gɔn la nɛ a lon ne a lɛ̀gɔn la nɛ, Etiopii gána nɛ, Elamu gána nɛ, Amaati ni, *Baabilonii gána nɛ, ka gánan mɛnɛn bɛ́ mu bii.

Izayii 27:13

Bɛa pinaa, sère gɔ̀lɔ̀ bɛn gole n die n pii. Bɛa biikoo li kəni, min mɛnɛn nə papaã Asiirii gána nɛ, ǹ nə n mɛnɛn loo Ezipti gána nɛ, bɛn tumaa á re die lenlen. Ǹ tá re die n musin koɛ tán Dɛnaa Lawa yɔrɔ-a, Zeruzalɛmu a kele sonbore kɛ la.

Izayii 30:26

Ǹ kɔn pinaa, Dɛnaa Lawa na a zaman lɛ a bayɛrɛn pii. Bɛ̀ a ná a busulɛn nya, mui á re tɛ pii ka wasa bɛ́ lɔn, wasa á re a lɛawaa sɔbaa fúlu kiɛ pinin goon.

Izayii 45:14

Dɛnaa Lawa n kɛ pii: Izirayeli, Ezipti minin dí a là ke, Etiopii pii-kɔlen naforo ne, Sebaa min sɔsɔrɔn kɛn nɛ, bɛn tumaa n die die n li, ǹ nə n wɔ baa. Bɛa tɔrɔn lɛn tá re koe n lɛ, ǹ nə́ yii ni ka fɔlɔ biɛn nɛ. Ǹ tá re n musin koɛ tán-a n yɔrɔ-a. Ǹ tá re pii ka ǹ we ne n yɔrɔ-a: «Lawa nə n dinsɔɔ̃ li, lawa kɔsɔn kɛn man màn kooron lɛa.»

Izayii 55:7

Min baraan nə ǹ sii baraan kaa. Min mɛn bɛ́ baraa zɛnɛɛ, bɛa dɛnaa na a taasiɛ baraan kaa. Ǹ tumaa doamaa nɛ ǹ wusoo ǹ da Dɛnaa Lawa li. A giala, á re makara boe ǹ ganaa. Ǹ tumaa doamaa nɛ ǹ da wɔa Lawa li, a giala, a n sii baraan toɛ kooro.

Izayii 57:18

Má a giã ǹ gɔn yɛ, sɛnɛ, ma á re a kaka koe, ma a foo taã, asɛ nɛ ka min mɛnɛn bɛ́ gɛ̀ koɛ.

Izayii 6:10

Ǹ yiri lɔlɔkɔn, n nə ǹ too tã, n nə ǹ yii tã màn mɛn bɛ́ toɛ, ǹ yii nyan wɔlɔ yɛ wa, ǹ too nyan boo ma wa, ǹ yiri tã. Ka bɛ-n kəni, ǹ ba re wusii ǹ da ma li wa, ǹ ba re kaka koe wa.

Ezekieli 29:13

Sɛnɛ, masɛ Dɛnaa Lawa gole n kɛ pii: «Bɛ̀ á dɔ lɛ̀ pusi, ma Ezipti minin lɛn sasawaa má ǹ kaa tɔrɔn mɛnɛn bii, ma á re ǹ wɛɛ walan, ma ǹ sɔkɔn.

Ozee 14:1

Samarii minin doamaa nɛ ǹ nə n sii baraa giɔ̀mɔ saraa, a giala maǹ nə́ n piã ka ǹ Lawa nɛ. Zia á re ǹ dii ǹ gã, ǹ tá re ǹ nɛ tiɛɛ̃nɛn yɔyɔrɛ, ǹ tá re ǹ lɔ nɔ̀naan nɔ̀ wɔsɛ.

Ozee 5:15

Masɛ n die n la boe ǹ ganaa, yǎa ǹ golee ǹ dinin sã li, ǹ giɛ ma li. Bɛ̀ fuu nə́ ǹ yɛ, ǹ tá re ma basa boe.

Ozee 6:2

Kànaa ka lɛawaa paa, á re yiikoonaabaa koe wɔ la. A sɔɔbaa ǹ wɔ li, á re wɔ goɛ a wɔ kaa lon. Wɔ yii á die goɛ̃ koo a din yɔrɔ-a.

Timəə dí-pɛn 32:39

Ka dɔ̃ ka bɛ lɛ-n kəni, mà ma din lɛ nɛ, ma din goon lɛ nɛ, lawa kɔsɔ ba n tii ma-a wa. Ma din nə gɛ̀ dii, ma din nə yiikoonaabaa koe, ma din nə busu diɛ min ganaa, ma din nə busu nyɛɛ. Min kɔn ba boe la a min kũ a si ma la wa.

Ebrəə 12:11

Dɛ a doroo din tumaa, a bǎã nɛ, a nyɛnyɛɛ diɛ wa, a n yɔrɔ-kɔsiɛ diɛ. Sɛnɛ bɛ kio, min mɛnɛn nə doroo lɛ yɛ, a là n goɛ̃ ka là nyantoro laanka peperebaa nɛ bɛn ganaa.