Izayii 19:21 - LAWA A BOO SONBORE

²¹ Bɛa pinaa Dɛnaa Lawa á re n din nyɛɛ Ezipti minin manɛ. Ezipti minin dɔn tá re Dɛnaa Lawa dɔ doɛ̃. Ǹ tá re dí nyɛɛ nɛ, ǹ wúlu mànan laanka gɔn mànan kɔ la. Ǹ tá re lɛ kɔ we Dɛnaa Lawa nɛ, ǹ nà a lɛ pã.

LAWA A BOO SONBORE 2011

²¹ Bɛa pinaa Dɛnaa Lawa á re n din nyɛɛ Ezipti minin manɛ. Ezipti minin dɔn tá re Dɛnaa Lawa dɔ doɛ̃. Ǹ tá re dí nyɛɛ nɛ, ǹ wúlu mànan laanka gɔn mànan kɔ la. Ǹ tá re lɛ kɔ we Dɛnaa Lawa nɛ, ǹ nà a lɛ pã.

Izayii 19:21 ပူးပေါင်းရင်းမြစ်များ

Kiin1 8:43

a bɛ́ re màn mɛn tumaa nyankoe n la, n too kɔ a lon n giã ǹ bǎã lɛ nɛ, n bɛ kɔ la. Màn mɛn bɛ́ toɛ kanaa a tɔrɔn tumaa dɔ̃, ǹ nə n guguru kɔ, ka n zaman Izirayeli minin bɛ́ zɛnɛɛ lɔn. Ka bɛ dɔ nɛ, ǹ dɔ̃ mà kion ke masɛ dɔ, mà n din tɔ n la.

Loen 61:8

Lawa, toa a goã kii lɛa n yɔrɔ-a yǎa duduu, toa n din a kɔn-narɛɛ gole kɛ laanka n bǐɛ̃ duduu kɛ tamaa.

Loen 67:2

Lawa, makara bɔ wɔ ganaa, n wɔ gɛrɛsiɛ bɔ. N yɔrɔ sonbore da wɔ la. *Doa

Loen 68:31

Paraa ǹ li. Paraa Ezipti li, paraa bɛa bùruu gɔ́ɔ̃ nɛ ǹ tɔɔ kɛ li. Tɔrɔ gialakunun kɛn man ka tɔɔ kuru bɛ́ lɔn, diin laanka ǹ nɛn nɛ, paraa ǹ dɔn li, ń giɛ, ǹ tumaa á die kiɛ tán n din yɔrɔ-a, ka wɔrɔ wen nə́ ǹ gɔn. Zia bɛ́ kɔɔ̃n tɔrɔn mɛnɛn-a, bɛn loo.

Loen 68:32

Pàãman man boe Ezipti gána-n die. Minin man boe Etiopii gána-n die ka ǹ gɔnɔn piɛ̃maa nɛ.

Boo-laakalaali 5:4

Màn mɛn tá a ganaa, n lɛ-kɔ wɔ, ń nə́ n ba re a lɛ piɛ̃ wa, á soɛ n ganaa, n baran lɛ-kɔ wɔ wa.

Izayii 11:11

Bɛa pinaa kɛ nɛ, Dɛnaa n die n pàã nyɛɛ, ka a paabaa ǹ wɔ nɛ. Á re Izirayeli min gialakunun kɛn sii a ǹ kaa, ǹ mɛnɛn yii goã koo Asiirii gána nɛ, Ezipti gána a tán nɛ a lɛ̀gɔn la nɛ a lon ne a lɛ̀gɔn la nɛ, Etiopii gána nɛ, Elamu gána nɛ, Amaati ni, *Baabilonii gána nɛ, ka gánan mɛnɛn bɛ́ mu bii.

Izayii 11:9

Baraabaa laanka kakaarɛbaa goon din ba re n zɛnɛɛ Dɛnaa Lawa a kele sonbore kɛ la wa. A giala, gána lɛ n die piɛ̃ ka Dɛnaa Lawa doɛ̃ nɛ, ka yìsi mu bɛ́ piɛ̃ nɛ ka mu-n lɔn.

Izayii 27:13

Bɛa pinaa, sère gɔ̀lɔ̀ bɛn gole n die n pii. Bɛa biikoo li kəni, min mɛnɛn nə papaã Asiirii gána nɛ, ǹ nə n mɛnɛn loo Ezipti gána nɛ, bɛn tumaa á re die lenlen. Ǹ tá re die n musin koɛ tán Dɛnaa Lawa yɔrɔ-a, Zeruzalɛmu a kele sonbore kɛ la.

Izayii 37:20

Sɛnɛ, nsɛ Dɛnaa Lawa, wɔa Lawa, wɔ kirisibaa Senankeribu ganaa, a gɔn nyan dɔ wɔ-a wa. Ka bɛ nɛ Dɛnaa Lawa, kanaa a gánan tumaa á re doɛ̃ mà n dinsɔɔ̃ n Lawa lɛa.»

Izayii 44:5

Goon tá re pii: "Dɛnaa Lawa wɔ n ka ma nɛ"; kɔsɔ á re n din tɔ koe "Zakɔba"; kɔsɔ á re kiɛ̃ a gɔn ganaa: "Man Dɛnaa Lawa wɔ lɛa", á re n din tɔ koe Izirayeli.

Izayii 45:14

Dɛnaa Lawa n kɛ pii: Izirayeli, Ezipti minin dí a là ke, Etiopii pii-kɔlen naforo ne, Sebaa min sɔsɔrɔn kɛn nɛ, bɛn tumaa n die die n li, ǹ nə n wɔ baa. Bɛa tɔrɔn lɛn tá re koe n lɛ, ǹ nə́ yii ni ka fɔlɔ biɛn nɛ. Ǹ tá re n musin koɛ tán-a n yɔrɔ-a. Ǹ tá re pii ka ǹ we ne n yɔrɔ-a: «Lawa nə n dinsɔɔ̃ li, lawa kɔsɔn kɛn man màn kooron lɛa.»

Izayii 49:7

Dɛnaa Lawa pɛ, asɛ mɛn bɛ́ Izirayeli si sii la wole lɛa, a n Izirayeli a Lawa sonbore lɛa. A n kɛ pii n ni, nsɛ mɛn bɛ́ ǹ nə́ n pɔpɔsɛ, n tìĩ n boe-n zaman nɛ, nsɛ mɛn bɛ́ kii kakaarɛn bɛ̀rɛ lɛa: «Bɛ̀ kiin nə́ n yɛ, ǹ tá re yui lon n nyɛɛnɛ. Bɛ̀ kiãn yii mɛ n ganaa, ǹ tá re kiɛ tán ǹ lɛ la n yɔrɔ-a.» Bɛ n die n zɛnɛɛ Dɛnaa Lawa a bɔlɔgoondɛnaabaa taman yii, Izirayeli a Lawa sonbore kɛ taman yii, a din mɛn lɛ nə n bɔ á n koa.

Izayii 55:5

Á ke, n tá re tɔrɔn bíi, n nə́ n ba ǹ doɛ̃ wa. Bɛa tiin kɛn n nə́ n ba ǹ doɛ̃ wa, ǹ tá re n nanaɛ ǹ da n li. Maǹ die die masɛ Dɛnaa Lawa taman yii, n Lawa, Izirayeli a Lawa sonbore kɛa lɛa, asɛ mɛn bɛ́ li a n saa lon.»

Izayii 56:7

ma á re die ǹ ne maa kele sonbore kɛ la, ma ǹ kã ka foo kɔɔ̃n nɛ ma nyankɔ ǹ kion kɛ nɛ. Ǹ bɛ́ re *wúlu màn tiɛ̃n mɛnɛn koe ma la ka wúlu mànan kɛn nɛ *wúlu bɔ ǹ bǎã nɛ, ma á re ǹ sii. Sonbore, maǹ die maa kion lɛ bíi, «Tɔrɔn tumaa a Lawa nyankɔ ǹ kion.»

Izayii 60:7

Kedaara minin tɔɔ kurun kɛn tá re die n soekɔn-a n li. Nebayɔti minin sère gɔ̀lɔ̀n kɛn tá re maa wɔn biɛ, ǹ tá re wúlu boe ǹ ne maa *wúlu bɔ ǹ bǎã kɛ nɛ, Á re *wúlu màn sonbore biɛ ma yii li. Man die maa kion lɛ a siĩnbaa tɔ boe ka bɛ nɛ.

Izayii 66:23

Bɛa yɔrɔ lɛ la, mui dii zɔ́n gogoonmaa li, ka *susu ǹ pii gogoonmaa nɛ, minbuiin nɛ tumaa á re n musin koɛ tán masɛ Dɛnaa Lawa yɔrɔ-a. Dɛnaa Lawa na á pɛ.

Zonaasi 1:16

Nyɛ́ɛ golee minin lɛn kũ parsiini Dɛnaa Lawa wɔ paǹ li. Ǹ nə́ *wúlu màn bɔ ǹ nə́ kɔ la, ǹ nə́ n lɛ kɔ la ka màn kɔsɔn dɔn nɛ.

Abakuku 2:14

Sonbore, min tumaa á re Dɛnaa Lawa a gugurubaa doɛ̃. Á re tán piɛ̃ ka yìsi mu gole bɛ́ lɔn.

Sofonii 3:10

Min mɛnɛn bɛ́ ma guguru koe, giã nɛ gána tumaa nɛ, bɛn tá re boe bǎã sɔsɔɔn nɛ Etiopii tàn kɛn kio dinin, ǹ da gɔn màn kɔ ma la.

Malakii 1:11

A saa lɛ̀giala ganaa a wo lɛ̀nyɛɛn yaa, tɔrɔ tumaa n maa golebaa doɛ̃, maǹ màn giĩ kɔɔ̃n tiɛ̃ bǎã tumaa nɛ ka ma tɔ nɛ, wúlu màn mɛn bɛ́ kɔnboe ka ma nɛ, ǹ nə́ die ka bɛ nɛ. Hiĩ! Tɔrɔ tumaa n maa golebaa doɛ̃, man pii ka nɛ masɛ, Dɛnaa Lawa Pàãyiidɛnaa.

Zaã a sɛ́wɔ 17:3

Nyin nyabaã lɛ n ke, ǹ nə n din lɛ dɔ̃, Lawa taãn goon toto lɛa, n masɛ Yezu *Krita mɛn dɔ dia, ǹ ma dɔ dɔ̃.

Piɛrɛ1 2:5

Bɛ̀ ka á n mɔrɛ bɛa kɔlɔ kɛ ganaa, ka dɔn man die goɛ̃ ka kɔlɔ yiikoonaan bɛ́ lɔn. Ǹ bɛ́ kɔlɔn kiɛ kɔn mìi-n lɔn a kion baa, ka dɔn man die goɛ̃ kun miɛ̃, Yiri Fu ka baa Lawa a kion lɛa. Ka á re goɛ̃ Lawa a wúlu-bɔlen zaman lɛa, kɔɔ̃n Lawa ganaa.

Piɛrɛ1 2:9

Sɛnɛ, kasɛn man Lawa a tɔrɔ boe lɛa, tɔrɔ mɛn bɛ́ Kii Lawa a wúlu-bɔlen lɛa. Kasɛn man tɔrɔ lɛa, Lawa koa a gɔrɔn a din wɔ lɛa, tɔrɔ mɛn a minin bɛ́ Lawa wɔn lɛa. A na á ka bíi á ka bɔ wɔlɔ tì li, á daa ka nɛ a din a wɔlɔ fúlu sonbore kɛ li, mà ka a din a sii sonboren kɛn laakalaa.

Samayeli1 17:46

Pelo dinin, Dɛnaa Lawa tá re n we ma gɔn, masɛ n die n dii, man mìi na. Pelo dinin, man die Filisiti sɔraasin geren koe bàanan laanka don mànan la, tán kuturu tá re doɛ̃, mà Izirayeli a Lawa tan.