Izayii 19:19 - LAWA A BOO SONBORE

¹⁹ Bɛa pinaa lɛ nɛ, Ezipti gána bii, *wúlu bɔ ǹ bǎã laanka kɔlɔ zumii n die yii Dɛnaa Lawa wɔ lɛa, kunu Ezipti gèlè ganaa.

LAWA A BOO SONBORE 2011

¹⁹ Bɛa pinaa lɛ nɛ, Ezipti gána bii, *wúlu bɔ ǹ bǎã laanka kɔlɔ zumii n die yii Dɛnaa Lawa wɔ lɛa, kunu Ezipti gèlè ganaa.

Izayii 19:19 ပူးပေါင်းရင်းမြစ်များ

Siin Giala 12:7

Dɛnaa nə́ n din nyaa Abramu ni, á pɛ nɛ: «Man die gána kɛ koe n din tɔrɔn la.» Dɛnaa nə n din nyaa nɛ bǎã mɛn nɛ, Abramu *wúlu bɔ ǹ bǎã dɔ walan Dɛnaa wɔ lɛa.

Siin Giala 28:18

Zakɔba yoo baayɛlɛ yiisoone. A goã á kɔlɔ mɛn wɔ a mìi li, á bɛ saa á doa tán, á nyɔɔ kaa a mìi ni.

Loen 68:31

Paraa ǹ li. Paraa Ezipti li, paraa bɛa bùruu gɔ́ɔ̃ nɛ ǹ tɔɔ kɛ li. Tɔrɔ gialakunun kɛn man ka tɔɔ kuru bɛ́ lɔn, diin laanka ǹ nɛn nɛ, paraa ǹ dɔn li, ń giɛ, ǹ tumaa á die kiɛ tán n din yɔrɔ-a, ka wɔrɔ wen nə́ ǹ gɔn. Zia bɛ́ kɔɔ̃n tɔrɔn mɛnɛn-a, bɛn loo.

Bɔ bɛ̀rɛbaa nɛ 24:4

Muizu Dɛnaa a boon lɛn tumaa kiɛ̃. Á yoo baayɛlɛ liliɛ, á *wúlu bɔ ǹ bǎã dɔ kele lɛ genli, á kɔlɔ fulupaa doa, goon nə́ Izirayeli tɔrɔ giala basa gogoonmaa wɔ lɛa.

Izayii 56:7

ma á re die ǹ ne maa kele sonbore kɛ la, ma ǹ kã ka foo kɔɔ̃n nɛ ma nyankɔ ǹ kion kɛ nɛ. Ǹ bɛ́ re *wúlu màn tiɛ̃n mɛnɛn koe ma la ka wúlu mànan kɛn nɛ *wúlu bɔ ǹ bǎã nɛ, ma á re ǹ sii. Sonbore, maǹ die maa kion lɛ bíi, «Tɔrɔn tumaa a Lawa nyankɔ ǹ kion.»

Izayii 60:7

Kedaara minin tɔɔ kurun kɛn tá re die n soekɔn-a n li. Nebayɔti minin sère gɔ̀lɔ̀n kɛn tá re maa wɔn biɛ, ǹ tá re wúlu boe ǹ ne maa *wúlu bɔ ǹ bǎã kɛ nɛ, Á re *wúlu màn sonbore biɛ ma yii li. Man die maa kion lɛ a siĩnbaa tɔ boe ka bɛ nɛ.

Izayii 66:23

Bɛa yɔrɔ lɛ la, mui dii zɔ́n gogoonmaa li, ka *susu ǹ pii gogoonmaa nɛ, minbuiin nɛ tumaa á re n musin koɛ tán masɛ Dɛnaa Lawa yɔrɔ-a. Dɛnaa Lawa na á pɛ.

Zeremii 46:2

Ezipti a paǹ li: Lɛ dia á ke Ezipti ǹ kii *Faarahɔn Nekoo a sɔraasin wɔ paǹ li. Zoziasi a nɛgiĩ Zoakimu a kiibaa lɛ siibaa ǹ wɔ li Zudaa gána mìi la, bɛ̀ Eziptin kii n Karkemisi kunu Efrati tà ganaa. Bɛa biikoo lɛ li, Baabiloniin kii Nebukadenezɔɔrɔ gɔ̀lɔ̀baa yɛ la.

Ezekieli 29:1

Izirayeli minin goa lɛ a lɛ̀ fùbaa ǹ wɔ, a mui fùbaa ǹ wɔ a lɛawaa fulupaabaa ǹ wɔ pinaa, Dɛnaa Lawa boo da ma nɛ á pɛ:

Ezekieli 30:1

Dɛnaa Lawa boo da ma nɛ á pɛ:

Ezekieli 31:1

Izirayeli minin goa lɛ a lɛ̀ fulugoonbaa ǹ wɔ, a mui sɔɔbaa ǹ wɔ a lɛawaa bibinaa pinaa, Dɛnaa Lawa boo da ma nɛ á pɛ:

Ezekieli 32:1

Izirayeli minin goa a wo bɛ̀rɛ́baa ǹ bǎã nɛ lɛ a lɛ̀ fulupaabaa ǹ wɔ, a mui fulupaabaa ǹ wɔ a lɛawaa bibinaa pinaa, Dɛnaa Lawa boo da ma nɛ á pɛ:

Zakarii 6:15

Min mɛnɛn wɔlɔ bɛ́ sɔsɔɔ, bɛn tá re die n doe Dɛnaa Lawa a kion lɛ a dɔlen lɛ. Ka bɛ-n kəni, ka á re doɛ̃ mà Dɛnaa Lawa Pàãyiidɛnaa na á masɛ Zakarii dia ka li Lawa a boo gii-dali lɛa. Bɛ n die yɔrɔ yii bɛ̀ kaa Dɛnaa Lawa ka Lawa bɔlɔ sii sonbore.

Ebrəə 13:10

Wɔsɛn *wúlu màn tan, Lawa guguru kɔ ǹ wɔ nɛ. Min mɛnɛn bɛ́ tɔn dí nyɛɛ Lawa a kion zizi kɛ nɛ, bɛn ba boe la ǹ saa ǹ sɔ̃ wa.

Zozoe 22:10

Ǹ bɛ́ ǹ nə́ dɔ Zurdɛ̃ tà lɛ-a bǎãn kɛn nɛ, ǹ nə́ ǹ tɔn soo ǹ nə́ n bɔ Kanaan gána dɔ din ni bɔrɔ wa, ǹ nə́ *wúlu bɔ ǹ bǎã dɔ, wúlu bɔ ǹ bǎã gangabiɛ.

Zozoe 22:26

Bɛ lɛ na á toa wɔsɛn nə́ pɛ kɔn nɛ, wáa yǎa wɔsɛn nə wúlu bɔ ǹ bǎã doe. Wɔ bie re *wúlu màn tiɛ̃ la wa, wɔ bie re wúlu boe la wa.

Zozoe 22:27

Sɛnɛ, wɔ n wɔ́ dɔ siére lɛa, a n wɔ laanka kasɛn bii, wɔsɛn tɔrɔn bii, nyɛɛ mà Dɛnaa Lawa din a dí ni wɔsɛn dɔn nə́ nyɛɛ, ka wɔa wúlu màn tiɛ̃n nɛ, ka wɔa barka da ǹ wúlu mànan nɛ, ka wúlu màn tɔrɔ kɔsɔn dɔn nɛ. Wɔ n wɔ́ zɛnaa miɛ̃, màn mɛn bɛ́ toɛ, kaa nɛnyaanan baran pɛ wɔsɛn wɔn man biɛ̃ mà ǹ wɔ gii ba Dɛnaa Lawa a sii kɔn nɛ wa.

Zozoe 22:28

Wɔ n wɔ́ pɛ, bɛ̀ ka lɛ dɔ bɛa boo lɛ ganaa ǹ mɛn pinaa, ká pɛ wɔ laanka wɔa nɛnyaanan manɛ, wɔ á re pii ka-n kɛnɛn: «Ka ga, wɔsɛn digolon man nə́ wúlu bɔ ǹ bǎã kɛ dɔ ka Dɛnaa Lawa din wɔ kɛ bɛ́ lɔn. Wúlu màn tiɛ̃ hinlaa wulu màn kɔsɔn lɛa bie wa. Sɛnɛ, a n wɔ bii siére lɛa.»

Zozoe 22:34

Bɛ lɛ na á toa, Urubɛn tɔrɔn laanka Gaadi tɔrɔn lɛn nə́ tɔ́n bɛa wúlu bɔ ǹ bǎã lɛ bii mà «siére.» A n nyɛɛ mà Dɛnaa Lawa din nə Lawa taãn lɛa.