Izayii 19:16 - LAWA A BOO SONBORE

¹⁶ Ǹ kɔn pinaa, bɛ̀ Dɛnaa Lawa Pàãyiidɛnaa yoo Ezipti minin gialaa, maǹ die goɛ̃ ka lɔn bɛ́ lɔn, nyɛ́ɛ nə́ ǹ ganaa. Bɛ̀ á n gɔn pepere ǹ li ǹ mɛn pinaa, ǹ gɔ̀nɔn tá re bìn diɛ nyɛ́ɛ gɔn.

LAWA A BOO SONBORE 2011

¹⁶ Ǹ kɔn pinaa, bɛ̀ Dɛnaa Lawa Pàãyiidɛnaa yoo Ezipti minin gialaa, maǹ die goɛ̃ ka lɔn bɛ́ lɔn, nyɛ́ɛ nə́ ǹ ganaa. Bɛ̀ á n gɔn pepere ǹ li ǹ mɛn pinaa, ǹ gɔ̀nɔn tá re bìn diɛ nyɛ́ɛ gɔn.

Izayii 19:16 ပူးပေါင်းရင်းမြစ်များ

Loen 48:6

Sɛnɛ, ǹ Dɛnaa yɛ lɔn, ǹ nə́ n kaãbaa parsiini, nyɛ́ɛ nə́ ǹ kũ, ǹ nə́ n gòã da baa nɛ.

Bɔ bɛ̀rɛbaa nɛ 11:6

Wuu pɛ gole á re boe gána lɛ din tumaa gɔ́ɔ̃ nɛ, wuu mɛn miã bin yɛ gána lɛ-n wa, a ná a die yii dɔn doo wa.

Izayii 10:32

A din pinaa kɛ lɛ nɛ, n zɔ́ɔn lɛn man die golee Nɔbu kiwi, ǹ nə n gɔn pepere Siɔn kele li, ka Zeruzalɛmu tenten ne.

Izayii 11:15

Dɛnaa Lawa á re Ezipti tà diɛ piɛ̃ ganaa. Á re parɛɛ Efrati tà li, a n gɔn pepere li. A n die niɛ̃ kɔn gùrù sɔbaa ka a boo sii la pàã nɛ, minin nə boo la ǹ kiɛ̃ a nɛ ka ǹ gòã nɛ.

Izayii 13:2

Ka màn zumu sii a kɔnboe lɛa, kele mìi kooro-a la. Ka n lɛ dɛ, ka gòon yiɛ zia-baalin ganaa, ka n gɔn yiɛ ǹ li, mà ǹ nə n bɔyaa ǹ daa, ǹ wɔ ka "kiãn kiɛnlɛ" kɛ nɛ!

Izayii 30:17

Zɔ́ɔ goon dinsɔɔ̃ n die nyɛ́ɛ diɛ ka ganaa, a kaa min duu goon gɔ̀nɔn da bìn diɛ ganaa. Zɔ́ɔ sooro n die nyɛ́ɛ diɛ ka ganaa, ka tumaa baa si. A giala nyɔmɔɔ li, kaa min mɛnɛn bɛ́ re goɛ̃, bɛn man die n biɛ ka sii giala pɛ ǹ màn bɛ́ lɔn kele mìi ni, ka zanzan bɛ́ lɔn tenten la.

Zeremii 50:37

Ka zia baa a sùin laanka a ziabaa ǹ wotoron ganaa, ka tiin kɛn nɛ zia biɛ a lɛa. Ǹ die ǹ nə n baa ka lɔ pàãwɛɛnaan bɛ́ lɔn! Ka zia baa a naforon ganaa, ka ǹ tumaa kokoo!

Zeremii 51:30

Baabilonii a sɔraasi sonboren nə́ n piã ka ziabaa nɛ. Maǹ nə n duri bǎã kakan nɛ. Ǹ foo tãbaa nya. Maǹ ka lɔ bɛ́ lɔn. Kiwi lɛ a kiɛnlɛn buĩmaa nɛ, tɛ na a kionən kuĩ.

Abdiasi 1:9

E, Temaa minin, nyɛ́ɛ á die kaa zia-baalin kɛn kuĩ. Bɛ lɛ n ke, ǹ tá re Ezawu tɔrɔn kɛn giĩn tumaa dii zia la.

Nahumu 3:13

N sɔraasin lɛn man ka lɔn bɛ lɔn, pàã ba ǹ lon wa. N gána lɛ a kiɛnlɛn buĩ maa nɛ n zɔ́ɔn nyɛɛnɛ. Tɛ nə n goo-nɛ daanan lɛn tumaa kũ.

Zakarii 10:11

Ǹ tá re koe yìsi mu kɛ kuri. Masɛ Dɛnaa Lawa, ma á re yìsi mu gole a mu duwii. Haalɛ Niili tà gɔ́ɔ̃ din tá re laɛ. Asiirii gána, din gole-kɔle kɛ á re mɛnɛɛ. Ezipti a pàã á re nyɛɛ.

Zakarii 2:13

Sonbore, man die yui tɔrɔn kɛn gialaa. Min mɛnɛn nə goã ǹ bɛ̀rɛn lɛa, bɛn tá re ǹ dɔn kokoe.» Bɛ̀ bɛ nə́ n zɛnaa, ka á re doɛ̃ ka bɛ nɛ, mà Dɛnaa Lawa Pàãyiidɛnaa na á ma dia.

Zakarii 2:9

Dɛnaa Lawa a da ǹ boo á ke: Ma dinmaa á re goɛ̃ ma tan ka tɛ kungɔn bɛ́ lɔn kiwi lɛ lɛnpɛnɛ. Ma á re maa tɔ golebaa nyɛɛ kiwi lɛ bii.»

Korɛnti1 2:3

Bɛ lɛ nɛ, má n din nyaa ka nɛ pàãwɛɛnaa lɛa, nyɛ́ɛ n ma ganaa, ma gɔ̀nɔn yii n bìn diɛ.

Korɛnti2 5:11

Ma bɛ́ nyɛ́ɛ baa Dɛnaa-n giala doɛ̃, bɛ lɛ-n ma á n doɛ máa minbuiin tumaa dɔ̃. Lawa á ma doɛ̃ ka peren-peren. Ma á taasɛ máa ka dɔn dinin gɔ́ɔ̃ nɛ, ka á masɛ doɛ̃ miɛ̃ peren-peren.

Ebrəə 10:31

Min mɛnaa Lawa yiikoonaa kɛ gɔn dɔlɔ a lɛa, bɛ á baraa taãn-taãnɛ.