Izayii 19:11 - LAWA A BOO SONBORE

¹¹ Soan kiwi a kiãn man gàãnaan lɛa. Min mɛnɛn bɛ́ yiri koe Eziptin kii la, baãnaan manɛ. Maǹ pii-n kɛnɛn: «Man yiridɛnaa goon a nɛ lɛa, lɛlɛ kiin nɛ n ka ma nɛ.» Wàa nə n diɛ bɛa pɛ ganaa?

LAWA A BOO SONBORE 2011

¹¹ Soan kiwi a kiãn man gàãnaan lɛa. Min mɛnɛn bɛ́ yiri koe Eziptin kii la, baãnaan manɛ. Maǹ pii-n kɛnɛn: «Man yiridɛnaa goon a nɛ lɛa, lɛlɛ kiin nɛ n ka ma nɛ.» Wàa nə n diɛ bɛa pɛ ganaa?

Izayii 19:11 ပူးပေါင်းရင်းမြစ်များ

Kiin1 5:10

Sii-doɛ̃ wolen mɛnɛn tumaa bɛ́ lɛ̀giala-n, ka Ezipti gána nɛ, Salomɔn a sii-doɛ̃ la bɛn yii wɔ nɛ.

Zɔbu 12:17

A n màn-dɔ̃lin yiri penpelen diɛ, a kiri-wɔlen yiri lɔlɔkɔn.

Loen 33:10

Tɔrɔ kɔsɔn nə sii mɛn yɔrɔ bɔ, Dɛnaa Lawa bɛ ziziɛ̃. Tɔrɔ kɔsɔ minin nə sii mɛn koa ǹ yiri ni, á bɛ sàabaa.

Loen 73:22

ma din baãnaan, ma a sii kɔn giala miɛ wa, man má goã ka tɔɔ bɛ́ lɔn n yɔrɔ-a.

Loen 78:12

Lɛlɛ, Lawa na á kaãbaa ǹ siin kɛn zɛnaa wɔ digolon yii ni, Ezipti gána nɛ, Soan bǎã kɛ li.

Loen 78:43

Á sii a kɔnbɔn nyaa Ezipti minin manɛ, á kaãbaa ǹ sii kakan nyaa Soan minin manɛ.

Loen 92:6

Dɛnaa Lawa, n nya ǹ dín lɛn tá dadara dɛ. N taasiɛn lɛn tá zuzulu, á la yii ni.

Bɔ bɛ̀rɛbaa nɛ 8:14

Kɔ́lɔnbaalin lɛn dɔn ná a lɛn zɔɔ̃, mà maǹ nyɔɔnyaanan boe, sɛnɛ, ǹ boo la wa. Nyɔɔnyaanan lɛn nə́ goã minbuiinin laanka tɔɔn ganaa.

Bɔ bɛ̀rɛbaa nɛ 8:4

*Faarahɔn lɛ dia Muizu laanka Aarɔn la, á pɛ: «Ka Dɛnaa lɛ nyankɔ, a sɔmɔnɔn kɛn wɔlɔ lui, á ǹ bɔ ma laanka maa gána minin ganaa, ma á re toɛ zaman lɛ soo a wo *wúlu màn bɔ a kɔ Dɛnaa la.»

Suusun 30:2

Ma din ni baãnaa lɛa minbuiinin bii. Minbuiin nɛbaa ǹ yiri nyaabaa ma ganaa.

Izayii 19:13

Gàãn na á yoo Soan kiwi a kiãn li. Mɛmifisi kiwi a kiãn man siɛ̃. Ǹ tanlɛn kiãn man Ezipti gána diɛ zii baraa la.

Izayii 19:3

Ezipti minin foo á re ziziɛ̃. Ǹ sii yɔrɔ bɔn kɛn, ma á re bɛn lɔloɛkɔn. Ǹ tá re woe n lɛ koɛ dìn li, dagòãdɛnan nɛ, nyín-biilin ni ka wɔ-kulin ni.

Izayii 29:14

Bɛ lɛ nɛ, á ke, man die kaãbaa ǹ siin zɛnɛɛ, ma maa zaman tɔwaa nɛ. Ta ǹ tá sii-dɔ̃lin lɛa, ǹ ba re màn kɔn giala miɛ ǹ nɛ wa. Ta ǹ tá yiridɛnan lɛa, ǹ doɛ̃ wolen ba re boe la ǹ sii kɔn giala pɛ wa.»

Izayii 30:4

Kaa kiãn nə́ dɔ Soan gɔrɔ. Kaa dia dí-a wolen nə́ dɔ Anɛsi gɔrɔ.

Izayii 44:25

Kanna kəni, man wɔ-kulin sii nyaan kɛn sàabiɛ; min mɛnɛn bɛ́ biɛ̃ ǹ pii, man boo kooro we bɛn lɛ-n. Man sii-dɔ̃li lɛ tiɛ̃, ma ǹ doɛ̃ lɛ bɔyaa ma baa yiriwɛɛnaabaa lɛa.

Zeremii 10:14

Bɛ lɛ nɛ, minin tá bii-a baãnaan lɛa, ǹ ba sii kɔn giala miɛ wa. Sìi n zan-kaalin kɛn tumaa ganaa, ǹ dìn kɛn taman yii. Bɛa nyínin lɛn man yiri siɛ̃: Yiikoonaabaa goon din ba ǹ nɛ wa.

Zeremii 10:21

Zaman-lɛduə̃lin nə́ baãnaabaa zɛnaa. Ǹ ga Dɛnaa Lawa li wa. Bɛ lɛ nɛ, ǹ sii kɔn yɔrɔ yɛ wa. Ǹ bɛ minin mɛnɛn mìi la, ǹ tumaa pɛsɛ̃.

Zeremii 46:17

Ka tɔ kɛ kɔ Eziptin kii Faarahɔn ganaa: «Bìn-dali kooro, n sii lɛ ná a piɛ̃ wa!»

Zeremii 49:7

Edɔmu minin wɔ paǹ li. Dɛnaa Lawa Pàãyiidɛnaa n kɛ pii: «Sii-dɔ̃li ba Teman kiwi doo wa? Yiridɛnan kɛn yiri na á n si ǹ la? Ǹ sii-doɛ̃ lɛ na á nya?

Zeremii 8:9

Bɛa sii-dɔ̃len lɛn manə n piɛ̃ ka Dɛnaa Lawa a boon ne. Ǹ sii-doɛ̃ lɛ a là n ka wàa-n kəni? Sìi nə́ n kɔ ǹ lɛ, nyɛ́ɛ nə ǹ ganaa, kan nə́ ǹ kũ.

Ezekieli 28:17

Ma n nə́ n din gole kɔ n siĩnbaa kɛ taman yii, Ń toa n siĩnbaa lɛ nə́ n sii-doɛ̃ kɛ ziziɛ̃, man die n lui ma n dia tán, man die sìi diɛ n ganaa, n miã kiin yɔrɔ-a.

Ezekieli 30:14

Man die Ezipti gána a gusin a lɛ̃ gɔn la kɛ ziziɛ̃, ma tɛ kaa Soan kiwi kɛ ganaa, ma dɔlɔ bɔ Tɛbu kiwi kɛ ganaa.

Ezekieli 7:26

Bɔ̀n woo bɔ̀n, gɔ́ɔ̃ wɔ̃ ǹ boo woo gɔ́ɔ̃ wɔ̃ ǹ boo, bɛn lɛn man die koɛ kɔn la. Ǹ tá re sii-nyaa liɛ Lawa a boo gii-dali la, Lawa a wúlu-bɔle ba re minin darɛɛ dí-pɛn kɛn ganaa doo wa, min golen ba re doree koe doo wa.

Abdiasi 1:7

Ka bɛ dɔ nɛ, ka n doa kɔn ka min mɛnɛn lɛn nɛ, ǹ nə́ ke ǹ nə́ ka loo, ǹ nə́ ka bɔ kaa bǎã nɛ. Ka kɔn wɔ ma ka min mɛnɛn lɛn nɛ, ǹ nə́ ke ǹ nə́ ka bebele, ǹ gɔn dɔ ka-a. Ǹ nə́ goã kaa màn bii kun ka nɛ, bɛ̀ ǹ nə́ pii: «Yiri goon din ba Edɔmu minin kɛn lon wa.»

Abdiasi 1:8

Taãn nɛ, a pinaa á die, Ezawu tɔrɔn sii-dɔ̃lin kɛn, ma á die ǹ dii. Yiridɛnaa kɔn ba re goɛ̃ Edɔmu gána-n wa. Ma din Dɛnaa Lawa a da ǹ boo ne.

Minin nimi 13:22

Bɛ kio, ǹ nə́ woo gusin a lɛ̀gɔn li, ǹ nə́ woo soo yǎa Ebrɔn kiwi. Anaaki a nɛnyaanan kɛn, Ayiman nɛ, Sesayii ni ka Talmayii ni, bɛn tanlɛn minin man nə́ goã giã-n bɛa bǎã lɛ nɛ. (Ǹ nə́ goã ǹ nə́ Ebrɔn kiwi kɛ koa á dɔ lɛ̀ sɔbaa, ǹ nə́ tɔ́n Soan kiwi kɛ koa Ezipti gána nɛ.)

Nya ǹ dín 7:22

Ǹ nə́ Muizu daraa Ezipti gána minin sii-doɛ̃ tumaa ganaa. Pàã gole na á goã Muizu a boo-diɛ laanka a sii-zɛnaan nɛ.