Izayii 19:1 - LAWA A BOO SONBORE

¹ Ezipti a boo gii. Dɛnaa Lawa á ke die, a n woe Ezipti gána nɛ, labara yiifuunaan la. Ezipti gána a dì kooron kɛn man bìn diɛ a nyɛɛnɛ. Ezipti minin foo ziziɛ̃maa nɛ.

LAWA A BOO SONBORE 2011

¹ Ezipti a boo gii. Dɛnaa Lawa á ke die, a n woe Ezipti gána nɛ, labara yiifuunaan la. Ezipti gána a dì kooron kɛn man bìn diɛ a nyɛɛnɛ. Ezipti minin foo ziziɛ̃maa nɛ.

Izayii 19:1 ပူးပေါင်းရင်းမြစ်များ

Loen 104:3

N din nə n giã ǹ bǎã koɛ mu lalan lon sɔsɔɔ. Ma n labaran biɛ n wotoro lɛa, n nə n tɔ we piɛ̃ li.

Loen 104:34

Dɛnaa Lawa, maa loe kɛ die a kɔɔ̃n kɔ n ganaa! A giala n din nə ma foo kɔɔ̃n koe.

Loen 18:9

A nyin kàràn yii n tɛmaa boe, tɛ babaraa n soe a lɛ-n, kun ka tɛ nàn nɛ boe a paǹ yii-a.

Loen 68:4

Sɛnɛ, min peperen sɛn manə n nyɛnyɛɛ, ǹ foo n kɔɔ̃n Lawa yɔrɔ-a, ǹ nə́ foo kɔɔ̃nbaa ǹ bɛ̀ biɛ.

Bɔ bɛ̀rɛbaa nɛ 12:12

Dɛnaa pɛ: «Ma á re boe Ezipti gána lɛ gɔ́ɔ̃-n bɛa pinaa tèlò kɛ lɛ nɛ. Ma á re gána lɛ a nɛgiĩ bibinaan yii dii ǹ gã, minbuiinin laanka tɔɔn wɔn nɛ. Ma á re a dɔlɔ boe Ezipti gána a dì din tumaa ganaa. Ma din lɛ n Dɛnaa lɛa.

Izayii 13:1

*Baabilonii minin boo gii, Amɔsi a nɛgiĩ Izayii nə ǹ mɛn lɛ yɛ sii-nyaa nɛ:

Izayii 13:7

Bɛ lɛ nɛ, min tumaa gù gã, ǹ foo ziziɛ̃.

Izayii 19:16

Ǹ kɔn pinaa, bɛ̀ Dɛnaa Lawa Pàãyiidɛnaa yoo Ezipti minin gialaa, maǹ die goɛ̃ ka lɔn bɛ́ lɔn, nyɛ́ɛ nə́ ǹ ganaa. Bɛ̀ á n gɔn pepere ǹ li ǹ mɛn pinaa, ǹ gɔ̀nɔn tá re bìn diɛ nyɛ́ɛ gɔn.

Izayii 21:9

Ka ga, min nə́ ke yii die: A n giã-n ziabaa ǹ wotoro la, sùi màn paa n baɛ̃. A nə n lɛ dii á n pii: «*Baabilonii mɛnaa! Baabilonii mɛnaa! A dì nyínin kɛn, bɛn nə́ yɔyɔrɛ tán!»

Zeremii 25:19

Bɛ kio, á dɔ tɔrɔ kɔsɔn kɛn dɔn ganaa: Eziptin kii *Faarahɔn laanka a sɔraasin nyɛɛnaandɛnan nɛ, a gána nyɛɛnaandɛnan nɛ ka a zaman tumaa nɛ,

Zeremii 4:13

Zɔ́ɔn lɛn nə́ ke: maǹ die ka la a tì bɛ́ lɔn, Ǹ ziabaa ǹ wotoron yii n fuu ka piɛ̃ gole bɛ́ lɔn, ǹ sùin yii n fuu á la giogialatã-a nɛ. Wàa koe n ka kɛ nɛ! Wɔ́ sàabaa!

Zeremii 44:8

Ka ǹ ma foo yui ká kaa zɛnaa ǹ siin ni. A giala, ka ǹ da yon gìĩ kɔɔ̃n tiɛ̃ dì soreen manɛ Ezipti gána nɛ. Ka ǹ li ka papaã lenlen ka n bɔ gána lɛ nɛ, ka sii a kɔnboe baa kanaa a gánan tumaa yɔrɔ-a lɛn baraa bíi laanka sìi a paǹ li?

Zeremii 50:2

Ka boo kɛ pɛ tɔrɔn tumaa nɛ, ka a boo da ka sii a kɔnboen ne, ka a boo da, ka nyan màn kɔn duru wa. Ka pɛ: Ǹ nə́ Baabilonii kũ! A dìn kɛn wɔ n ka sìi ni, a dì kooron kɛn wɔ n ka foo ziziɛ̃ gole ne. Sìi nə́ n kɔ Bɛɛli lɛ, Marduku foo ziziɛ̃ duduu.

Zeremii 51:44

Dɛnaa Lawa pɛ: Man yui Bɛɛli gialaa Baabilonii, màn mɛn bɛ́ a bɔlɔ-n á n mui, man bɛ baɛ̃ ma soo ne. Tɔrɔn ba re yiɛ ǹ wo a li doo wa. Kungɔnɔn mɛnɛn bɛ́ Baabilonii tamaɛ bɛn nə́ kaa.

Ezekieli 30:13

Masɛ Dɛnaa Lawa a boo á ke: Ma á re ǹ dì kɛn yɔyɔrɛ, màn kooron kɛn ǹ tá ǹ guguru koe, ma á re bɛn papaɛ̃ ma ǹ bɔ Manfisi kiwi, kii a re yii a giã Ezipti gána mìi la doo wa. Ma á re nyɛ́ɛ kiɛ Ezipti gána lɛ nɛ.

Nahumu 1:1

Boo mɛn nə n da Ninivu wɔ paǹ li, Elkɔɔsi min Nahumu a sii-yɛn manɛ.

Nahumu 1:3

Dɛnaa Lawa foo a yui fufuu wa. Sɛnɛ a zɛ̀rɛdɛnaa bíi zɛ̀rɛbaãdɛnaa wa. A pàã golebaa miã banban. Piɛ̃ laanka kurunkurun na a kiɛ̃ ǹ zii lɛa. A gòã giulun gusuũ n ka labaran nɛ.

Zakarii 10:11

Ǹ tá re koe yìsi mu kɛ kuri. Masɛ Dɛnaa Lawa, ma á re yìsi mu gole a mu duwii. Haalɛ Niili tà gɔ́ɔ̃ din tá re laɛ. Asiirii gána, din gole-kɔle kɛ á re mɛnɛɛ. Ezipti a pàã á re nyɛɛ.

Zakarii 14:18

Bɛ̀ Ezipti minin nə́ n piã ǹ wo Zeruzalɛmu wa, koe á re ǹ yii, koe mɛn bɛ́ Dɛnaa Lawa n die diɛ tɔrɔn kɛn mìi ni, ǹ mɛnɛn bɛ́ ǹ ba re woe giã siã giulun zɔ́n lɛ zɛnɛɛ wa.

Minin nimi 33:4

Bɛ á zɛnɛɛ, bɛ̀ Ezipti minin lɛn sɛn tá a gialaa ǹ nɛgiĩ bibinaan gere bĩ. Dɛnaa Lawa na á bɛa nɛgiĩ bibinaan lɛn tumaa dɛ, á dɔlɔ bɔ Ezipti minin lɛn dìn ganaa nɛ.

Timəə dí-pɛn 33:26

Bɛ kio Muizu wusoo á kɛ pɛ: «Izirayeli minin lɛn, màn kɔn ba n zoɛ̃ kaa Lawa kɛ-a wa. A din nə dii labaran la, a n toa lon a gisĩ tán ka gugurubaa nɛ, a din nə die n doe ka lɛ.

Zozoe 2:11

Wɔsɛn bɛ́ wɔ́ bɛ lɛ ma, wɔ gɔ́ɔ̃ mu baa. Foo tãbaa din ba min kɔn lon doo, á n boe la á n golee ka nyɛɛn wa. A giala, Dɛnaa Lawa lɛ, kaa Lawa lɛa, a din lɛ n Lawa lɛa lon kɛ nɛ, a din lɛ n Lawa lɛa tán kànaa.

Zozoe 2:24

Ǹ nə́ pɛ Zozoe-n kɛnɛn: «Taãn nɛ, Dɛnaa Lawa gána lɛ tumaa wɔ wɔ gɔn. Gána lɛ a minin tumaa din gɔ̀nɔn nə bìn diɛ wɔ nyɛɛnɛ.»

Zozoe 2:9

á pɛ ǹ nɛ kɛnɛn: «Ma á doɛ̃ máa Dɛnaa Lawa gána kɛ lɛ kɔ ka la. Kaa sii din nyɛ́ɛ dɛ á kaa wɔ ganaa. Gána lɛ a minin tumaa gɔ̀nɔn na á bìn da ka nyɛɛnɛ.

Sii-nyaan 1:7

Ka ga a ganaa! Yezu n die labaran bii! Min tumaa á re yii, haalɛ min mɛnɛn bɛ́ ǹ nə́ fɔ̃. Kanaa a tɔrɔn tumaa la á re paparɛ a lɛa. Hiĩ, a n miɛ̃!