Izayii 18:7 - LAWA A BOO SONBORE

⁷ Bɛa biikoo li kəni, tɔrɔ sɔsɔrɔ gɔ̀nɔn tɛ-pɛle kɛ á re gɔn mànan koe Dɛnaa Lawa Pàãyiidɛnaa la, ǹsɛn kɛn lɛn nyɛ́ɛ diɛ bǎã tumaa nɛ, pàã nə ǹ lon, ǹ nə́ ǹ zɔ́ɔn yɔyɔrɛ, tàn nə́ kiɛ̃ ǹ gána nɛ. Maǹ woe bɛa gɔn mànan lɛn nɛ *Siɔn kele la, ka bǎã kɛ nɛ Dɛnaa Lawa Pàãyiidɛnaa tɔ n la.

LAWA A BOO SONBORE 2011

⁷ Bɛa biikoo li kəni, tɔrɔ sɔsɔrɔ gɔ̀nɔn tɛ-pɛle kɛ á re gɔn mànan koe Dɛnaa Lawa Pàãyiidɛnaa la, ǹsɛn kɛn lɛn nyɛ́ɛ diɛ bǎã tumaa nɛ, pàã nə ǹ lon, ǹ nə́ ǹ zɔ́ɔn yɔyɔrɛ, tàn nə́ kiɛ̃ ǹ gána nɛ. Maǹ woe bɛa gɔn mànan lɛn nɛ *Siɔn kele la, ka bǎã kɛ nɛ Dɛnaa Lawa Pàãyiidɛnaa tɔ n la.

Izayii 18:7 ပူးပေါင်းရင်းမြစ်များ

KZS2 32:23

Min gigiã daa ka Lawa gɔ ǹ màn nɛ Zeruzalɛmu a Dɛnaa Lawa wɔ lɛa, ka gá wɔ ǹ mànan nɛ Zudaan kii Ezekiasi wɔ lɛa. A kũ bɛa waáraa ganaa tɔrɔ tumaa na a yii guguru koe.

Loen 68:32

Pàãman man boe Ezipti gána-n die. Minin man boe Etiopii gána-n die ka ǹ gɔnɔn piɛ̃maa nɛ.

Izayii 16:1

Moabu a kiãn man pii: «A kũ Selaa ganaa diə gole ne, ka sère gɔ̀lɔ̀ dia gána lɛ a kiã la, *Siɔn kele la.»

Izayii 18:2

Bɛa gána lɛ n dia dí-a wolen diɛ yìsi mu la, ka tà dɔ nɛ, mu la ǹ goo ne zɛnaa-n ka gɛnkurun da nɛ! Dia dí-a wole yii fuunaan lɛn, ka wo tɔrɔ sɔsɔrɔ gɔ̀nɔn tɛ-pɛle kɛ li. Ka wo tɔrɔ kɛ li nyɛ́ɛ diɛ bǎã tumaa nɛ, pàã nə ǹ lon, ǹ nə́ ǹ zɔ́ɔn yɔyɔrɛ. Tàn man kiɛ̃ ǹ gána nɛ.

Izayii 18:4

A giala, Dɛnaa Lawa pɛ ma-n kɛnɛn. Ma bɛ́ giã-n bǎã mɛn nɛ, man zoɛ̃ li ma giã kiĩni, ka kaa-piɛ waáraa labara bɛ́ lɔn. Man zoɛ̃ li ma ga gongon, ka sɛ̀fuu waáraa a wasa bɛ́ lɔn.

Izayii 45:14

Dɛnaa Lawa n kɛ pii: Izirayeli, Ezipti minin dí a là ke, Etiopii pii-kɔlen naforo ne, Sebaa min sɔsɔrɔn kɛn nɛ, bɛn tumaa n die die n li, ǹ nə n wɔ baa. Bɛa tɔrɔn lɛn tá re koe n lɛ, ǹ nə́ yii ni ka fɔlɔ biɛn nɛ. Ǹ tá re n musin koɛ tán-a n yɔrɔ-a. Ǹ tá re pii ka ǹ we ne n yɔrɔ-a: «Lawa nə n dinsɔɔ̃ li, lawa kɔsɔn kɛn man màn kooron lɛa.»

Misee 4:13

Zeruzalɛmu minin lɛn, ka yoo kəni, ka kaa belee duwəə, ma din tá re a duwəə ǹ pàã koe ka la. Dii mɛn bɛ́ a bɛnɛn nə́ fɔlɔ lɛa, a gòon tɔnɔn nə́ zan lɛa, ma á re ka biɛ bɛa dii lɛ miã lɛa, ka á re boe la ka tɔrɔ gigiã yɔyɔrɛ ka gòãn giulun. Ǹ gɔn mànan kɛn, ka bɛn kɔ Dɛnaa Lawa la, ǹ pàãmabaa ǹ mànan kɛn, ka bɛn kɔ kanaa tumaa a dɛnaa la.

Abakuku 1:7

Maǹ kakaarɛ, nyɛ́ɛ diɛ. Ǹ dininmaan manə ǹ dí-pɛn koɛ, ka ǹ zɛnaa ǹ siin ni.

Sofonii 3:10

Min mɛnɛn bɛ́ ma guguru koe, giã nɛ gána tumaa nɛ, bɛn tá re boe bǎã sɔsɔɔn nɛ Etiopii tàn kɛn kio dinin, ǹ da gɔn màn kɔ ma la.

Malakii 1:11

A saa lɛ̀giala ganaa a wo lɛ̀nyɛɛn yaa, tɔrɔ tumaa n maa golebaa doɛ̃, maǹ màn giĩ kɔɔ̃n tiɛ̃ bǎã tumaa nɛ ka ma tɔ nɛ, wúlu màn mɛn bɛ́ kɔnboe ka ma nɛ, ǹ nə́ die ka bɛ nɛ. Hiĩ! Tɔrɔ tumaa n maa golebaa doɛ̃, man pii ka nɛ masɛ, Dɛnaa Lawa Pàãyiidɛnaa.

Matiə 2:11

Ǹ nə́ wɔ kion lɛ nɛ, ǹ nə́ nɛ lɛ laanka ǹ dan Mariya yɛ. Ǹ nə́ kaa tán-a, ǹ nə́ nɛ lɛ guguru kɔ. Bɛ kio, ǹ nə́ ǹ mànan lɛ bũ ǹ nə́ gɔ ka sana nɛ, ka da yon gìĩ kɔɔ̃n laanka *miíri nyɔɔ gìĩ kɔɔ̃n nɛ, ǹ tumaa giɔ̀mɔ n kaka parsiini.