Izayii 17:6 - LAWA A BOO SONBORE

⁶ Màn bún dinsɔɔ̃ n die goɛ̃. Gána lɛ n die n biɛ ka *olivie da bɛ́ lɔn, a nɛ sɔlɛɛ kio, nɛ paa hinlaa sɔɔ n die goɛ̃ a lɛwɔn ganaa lon. A gùrù mɛn bɛ́ á nɛ kɔ á la yii ni, bɛa re liɛ nɛ sii hinlaa sooro-n wa. Dɛnaa Lawa, Izirayeli a Lawa a da ǹ boo ne.

LAWA A BOO SONBORE 2011

⁶ Màn bún dinsɔɔ̃ n die goɛ̃. Gána lɛ n die n biɛ ka *olivie da bɛ́ lɔn, a nɛ sɔlɛɛ kio, nɛ paa hinlaa sɔɔ n die goɛ̃ a lɛwɔn ganaa lon. A gùrù mɛn bɛ́ á nɛ kɔ á la yii ni, bɛa re liɛ nɛ sii hinlaa sooro-n wa. Dɛnaa Lawa, Izirayeli a Lawa a da ǹ boo ne.

Izayii 17:6 ပူးပေါင်းရင်းမြစ်များ

Kiin1 19:18

Sɛnɛ man die min duu sɔbaa (7 000) yii toɛ koo Izirayeli gána nɛ, ǹ mɛnɛn lɛn tumaa á ke, ǹ lɛ kɔ, ǹ nə́ ǹ musin kuruməə tán Baali yɔrɔ-a, ǹ ná a guguru kɔ wa.»

Izayii 1:9

Bɛ̀ Dɛnaa Lawa Pàãyiidɛnaa bie á min tɛn yii toa koo wɔ bii wa, bɛ̀ wɔ n die papaɛ̃ lenlen ka Sodɔmu laanka Gomɔɔrɔ kiwi bɛ́ lɔn.

Izayii 10:22

Sɛnɛ Izirayeli, ta n zaman nə mɔnaa-n lɔn, ta a n mɔnaa-n ka yìsi mu lɛ-a ǹ nyɔɔsɔ̃ bɛ́ lɔn, a gialakun boɛɛn dinsɔɔ̃ n die wusii ǹ nə n bɔyaa ǹ da Dɛnaa Lawa li. Bɔ̀n na á n yɔrɔ bɔ. Peperebaa n koe a zii lɛ.

Izayii 24:13

Sonbore, tán la, minbuiinin bii, màn taãn kɔn ba re goɛ̃ wa, ka *olivie da bɛ́ lɔn, ǹ na a nɛ tumaa na, ka *rezɛ̃ da bɛ́ lon, ǹ na a nɛ tumaa kaa piɛ.

Izayii 27:12

Bɛa pinaa, Dɛnaa Lawa á re *belee duwii, a saa Efrati tà ganaa, a wo yǎa Ezipti tà gòã nɛ. Kasɛn Izirayeli minin, a n die ka goɛ gogoon ka belee mìi bɛ́ lɔn.

Zeremii 4:27

Dɛnaa Lawa bɛ́ boo mɛn diɛ, á ke: Gána lɛ tumaa á re n bɔyɛɛ a diə gole baa, sɛnɛ, ma a re ziziɛ̃ lenlen wa.

Ezekieli 39:29

Ma á re ma din Yiri kɛ koe Izirayeli tɔrɔn la, ma a re n yɔrɔ bɔyɛɛ ma bɔ ǹ la doo wa. Ma din Dɛnaa Lawa a da ǹ boo ne.»

Abdiasi 1:5

Wurumunun kɛn bɛ́ re die kiɛ n li tèlò-n, basaã-kɔlen kɛn bɛ́ re kiɛ n li tèlò-n, n tá re doɛ̃! Ǹ bɛ́ re boe màn mɛn tumaa la, maǹ die bɛ goɛ ǹ wo ne. Rezɛ̃-nalin kɛn ba re màn kɔn toɛ wa, yǎa a nɛ gogoon dinsɔɔ̃.

Misee 7:1

E, masɛ wɔ n ka bɔ̀n nɛ! A giala, man kɔnboe ka da nɛ-nali ni. Man woe giɛ rezɛ̃ da nɛ laanka gɔ́rɔ da nɛ lɛ binaa li. Kɔɔ̃n ma-a taãn-taãnɛ, sɛnɛ, ma màn kɔn yɛ wa.

Rɔmu minin 11:26

Bɛa yɔrɔ kɛ lɛ la, Izirayeli minin dɔn tumaa á re kirisibiɛ, ká a bɛ́ á n kiɛ̃ lɔn: «Nyin-sili lɛ n die boe *Siɔn kele la Zeruzalɛmu kiwi, a n die Zakɔba tɔrɔ minin kɛn Lawa bɔlɔ-tii nyɛɛ.

Rɔmu minin 9:27

Izayii dɔ́ pɛ Izirayeli wɔ gɔn la kɛnɛn: «Ta Izirayeli nɛnyaanan lɛn man mɔnaa-n ka mu lɛ-a ǹ nyɔɔsɔ̃ bɛ́ lɔn, ǹ gialakun boɛɛn dininsɔɔ̃nɔn man die kirisibiɛ.

Timəə dí-pɛn 4:27

Dɛnaa Lawa á die ka lui a ka kaa tɔrɔ kɔsɔn bii. A bɛ́ re woe ka nɛ tɔrɔn mɛnɛn bii, kaa gialakun boɛɛn nə die goɛ̃ bɛn dɔn bii.

Sii yɔrɔ-bɔlen 8:2

Zediɔ̃ tɔ́n pɛ ǹ nɛ kɛnɛn: «Masɛ n má boo la má sii mɛn zɛnaa ka kaa wɔ kɛ bɛ́ lɔn? Efrayimu minin nə sii mɛn zɛnaa, ta a na a tɛ wa, a là á gole á la wɔsɛn tanlɛ Abiezɛɛrɛ tɔrɔn kɛn wɔ nɛ.