Izayii 17:2 - LAWA A BOO SONBORE

² Aroɛɛrɛ kiwin kɛn, á re n la boe bɛn ganaa duduu. Ǹ tá re tɔɔn buu sɔ̃ ǹ bǎã biɛ, ǹ tá re wɛɛ tán walan, min kɔn ná a ba ǹ nɔmɛɛ wa.

LAWA A BOO SONBORE 2011

² Aroɛɛrɛ kiwin kɛn, á re n la boe bɛn ganaa duduu. Ǹ tá re tɔɔn buu sɔ̃ ǹ bǎã biɛ, ǹ tá re wɛɛ tán walan, min kɔn ná a ba ǹ nɔmɛɛ wa.

Izayii 17:2 ပူးပေါင်းရင်းမြစ်များ

Zɔbu 11:19

N tá re wɛɛ tán, min kɔn ba re die n susui sàabiɛ wa. Min gigiã á re die n mɛ boe n nɛ.

Izayii 27:10

Kiwi ke tamaa nɛ, min kɔn ba re goɛ̃ bɛ-n doo wa. A gɔ́ɔ̃ kooro n die goɛ̃, ǹ tá re n la boe a ganaa ka diə gole bɛ́ lɔn. Diin tá re buu soɛ̃ walan, ǹ tá re n susui a nɛ, ǹ tá re a da bisinin luu soɛ̃.

Izayii 5:17

Sèren tá re buu soɛ̃ a nɛ ka ǹ buu sɔ̃ ǹ bǎã wɔ bɛ́ lɔn, ǹ bɛ́ sère pian mɛnɛn toe, bɛn tá re buu soɛ̃ a kɛbɔlɔn la.

Izayii 7:21

Bɛa waáraa kəni, didie n die dii dan goon toe ka bòe màn paa nɛ.

Izayii 7:22

Ǹ nyɔ mu n die mɔnɛɛ taãn-taãnɛ, yǎa ǹ na a nàari biɛ màn-bii lɛa. Min mɛn tumaa goã gána lɛ nɛ, bɛn tá re n dinin toe ka nàari laanka zoo nyɔɔ nɛ.

Zeremii 48:19

Aroɛɛrɛ zaman, wo zii gialaa, n kuu kɔ. Nɔ̀n da baa-silin kɛn la, ka mìi fɔ̃ wolen kɛn nɛ mà wàa na á baa?

Zeremii 7:33

Bɛa geren lɛn tá re zèwon laanka tolokan màn-bii biɛ, min kɔn dɔ a re ǹ lui wa.

Ezekieli 25:5

Kaa kiwi gole Rabaa ke, ma á re bɛ biɛ nyɔɔmaan buu sɔ̃ ǹ bǎã lɛa, ma kaa Amɔn tɔrɔn gána lɛ din baa sèren kaa ǹ bǎã lɛa. Ka á re doɛ̃ bɛa waáraa kəni, mà masɛ din nə Dɛnaa Lawa lɛa.»

Ezekieli 39:26

Ǹ sii baraa mɛn tumaa zɛnaa ma nɛ, ma sìi mɛn da ǹ ganaa bɛ taman yii, ǹ yiri á die boe ka bɛa sìi lɛ nɛ. Ǹ tá re wusii ǹ giã ǹ gána lɛ nɛ ka là nyantoro ne, min kɔn ná a re yii a nyɛ́ɛ da ǹ ganaa wa.

Misee 4:4

Didie á re giɛ̃ tán a din a *rezɛ̃ da laanka a din a gɔ́rɔ da giulun. Min kɔn ba re nyɛ́ɛ diɛ ǹ ganaa wa. A giala, Dɛnaa Lawa Pàãyiidɛnaa din lɛ na á pɛ.

Sofonii 2:6

Ń gána paǹ mɛn bɛ́ dia-n yìsi mu la, ma á re bɛ biɛ tɔɔn buu sɔ̃ ǹ bǎã lɛa, tɔɔn-lɛduəlin kiɛ̃ ǹ bǎã lɛa, sèren kaa ǹ bǎã lɛa.»

Minin nimi 32:34

Gaadi tɔrɔn lɛn nə́ wusoo ǹ nə́ Dibɔn kiwi dɔ, Atarɔti kiwi ni, Aroɛɛrɛ kiwi ni,

Timəə dí-pɛn 2:36

A saa Aroɛɛrɛ kiwi ganaa Arnɔn tà lɛ-a, ka kiwi kɛ dɔ nɛ, bɛa nyankɔrɔ lɛ nɛ, a wo yǎa Galaati gána nɛ, kiwi kɔn piã wɔ ganaa wa. Wɔa Lawa, Dɛnaa Lawa lɛ ná a tumaa wɔ wɔ gɔn.

Timəə dí-pɛn 3:12

Bɛa gána lɛ, wɔ́ si wɔ́ baa wɔa wɔ lɛa bɛa waáraa lɛ nɛ. A n siɛ Aroɛɛrɛ kiwi ganaa Arnɔn tà lɛ-a, a Galaati a kele yii kɛa talɛɛ laanka a kiwin kaa a nɛ. Man má bɛn kɔ Urubɛn tɔrɔn laanka Gaadi tɔrɔn la.

Zozoe 13:16

Ǹ bǎã lɛ n siɛ Aroɛɛrɛ kiwi ganaa Arnɔn tà lɛ-a, ka kiwi kɛ nɛ nyankɔrɔ basa kɛ bii, diə bǎã kɛ tumaa nɛ, kunu Medebaa kiwi ganaa.

Zozoe 13:25

Ǹ bǎã lɛ na á goã siɛ Zazɛɛrɛ kiwi ganaa, a Galaati gána a kiwin kɛn tumaa kaa a nɛ, ka Amɔn tɔrɔn kɛn gána a talɛɛ nɛ, a wo yǎa Aroɛɛrɛ kiwi, Rabaa kiwi yɔrɔ-a.