Izayii 17:13 - LAWA A BOO SONBORE

¹³ Tɔrɔn gini n ka Yìsi mu gole a ginii bɛ́ lɔn. Bɛ̀ Dɛnaa Lawa paraa ǹ li, maǹ nə n mìi foɛ̃ ǹ wo sɔsɔɔ. Maǹ nə ǹ lui ka kele mìi ni ǹ piɛ̃ bɛ́ buu gere siɛ lɔn, ka la piɛ̃ bɛ́ gusuũ goɛ lɔn.

LAWA A BOO SONBORE 2011

¹³ Tɔrɔn gini n ka Yìsi mu gole a ginii bɛ́ lɔn. Bɛ̀ Dɛnaa Lawa paraa ǹ li, maǹ nə n mìi foɛ̃ ǹ wo sɔsɔɔ. Maǹ nə ǹ lui ka kele mìi ni ǹ piɛ̃ bɛ́ buu gere siɛ lɔn, ka la piɛ̃ bɛ́ gusuũ goɛ lɔn.

Izayii 17:13 ပူးပေါင်းရင်းမြစ်များ

Zɔbu 21:18

Ǹ tá ka làpaa bɛ́ lɔn piɛ̃ n siɛ? Ǹ tá ka kaã bɛ́ lɔn kurunkurun nə́ goɛ sonbore?

Zɔbu 38:11

Má pɛ nɛ: «Da yǎa kànaa, n nyan kiɛ̃ kànaa la wa. N mu lɛ pàã n golee kànaa!»

Loen 1:4

Sɛnɛ, min baraan wɔ bie miɛ̃ wa: bɛn man ka kaã bɛ́ lɔn kiɛ̃ piɛ̃ li.

Loen 35:5

Dɛnaa Lawa, bɛ̀ n lon a dia dí-a wole kɛ tá baa diɛ ǹ gòã li, ǹ baa ka kaã bɛ́ lɔn kiɛ̃ piɛ̃ li.

Loen 65:7

N din nə kelen doɛ ǹ bǎãn nɛ ka n pàã nɛ. Ka bɛa pàã lɛ nɛ,

Loen 65:8

n din nə yìsi mu a bìn diɛ tumaa lɛ kuĩ, ka tɔrɔ kɔsɔn giginii tumaa nɛ.

Loen 9:5

A giala, ń giã n kiibaa ǹ dankan kɛ nɛ, kii pepere, ń kiri wɔ ma a lɛa, ń maa sii yɔrɔ bɔ.

Izayii 14:25

Ma á re Asiirii minin pàã nyɛɛ maa gána nɛ. Ma á re ǹ yɔyɔrɛ maa kelen kɛn la. Ǹ pàã ke maa zaman wìi li ka zǔu bɛ́ lɔn, ma á re bɛ siɛ ma bɔ ǹ la. Ǹ guĩ guguru ke maa zaman kɔrɔn, ma á re bɛ gisĩ.»

Izayii 21:15

Minin manɛ, ǹ nə́ baa si zia nyɛɛnɛ, gɔya sa lɛ-bɔlen ne, sa dii wolen kɛn nɛ, zia a wɔ̃ taman yii.

Izayii 22:18

a tɔn wo n birikəə̃ tán ka guruguru bɛ́ lɔn gána gole kɔn nɛ. Nsɛ mɛn bɛ́ sìi diɛ n mìinaa a kion ganaa, n tá re giɛ̃ walan, ka n ziabaa ǹ wotoro sonboren kɛn nɛ!

Izayii 27:1

Bɛa pinaa, Dɛnaa Lawa á re yui *Leviatan gialaa ka a gɔya sa kaka pàãdɛnaa kɛ nɛ, Leviatan lɛ n miɛ̃ baa-sili lɛa. Leviatan piɛ̃maa-n ka taasiɛ baraa nɛ. Dɛnaa Lawa á re bɛa mu li ǹ màn babaraa lɛ dii.

Izayii 29:5

N zɔ́ɔ damatan kɛn tá re n biɛ ka gusuũ bɛ́ lɔn. Zaman mɛn bɛ n yɔyɔrɛ, bɛn tá re n biɛ ka làpaa bɛ́ lɔn, piɛ̃ n goɛ. Sɛnɛ, bǎã goon ne,

Izayii 30:28

A lɛ gɔ́ɔ̃ ǹ piɛ̃-n ka mu tii bɛ́ lɔn, á pã á toɛ̃ á dii yǎa bɔlɔ ganaa. A n die bìn diɛ tɔrɔn ganaa, a ǹ ziziɛ̃, a karfɔ wɔ ǹ lɛ-n, a ǹ baã a wo ǹ ne bǎã mɛn bɛ́ ǹ ba li ǹ wo a-n wa.

Izayii 34:17

A na á n pã ǹ gogoonmaa gii ganaa. Á biɛ saa, á didie a tán gii zɔ́ɔ̃. Bɛ lɛ n die ǹ wɔ biɛ yǎa duduu. A n die ǹ giã ǹ bǎã biɛ.

Izayii 40:15

Á ke, gánan man ka mu a dɔɔ bɛ́ lɔn doɛ sóo ne. Maǹ ka nyɔɔsɔ̃ nàn goon bɛ́ lɔn kilo la. Mu gánan mɛnɛn da bii, bɛn man puusə ka gusuũ bɛ́ lɔn.

Izayii 40:24

Ǹ tɔn nə ǹ da tán bɔrɔ wa, ǹ tɔn nə ǹ zumu bɔrɔ wa, ǹ gòonən nə tɔn wɔ tán dinin bɔrɔ wa, Dɛnaa Lawa n piɛ̃ pii ǹ ganaa. Maǹ laɛ, piɛ̃ gole n woe ǹ ne, ka buu gere bɛ́ lɔn.

Izayii 41:11

Á ke, min mɛnɛn tumaa lɛ bɛ́ n li, bɛn wɔ n ka sìi ni ka tɔ ziziɛ̃ nɛ. Min mɛnɛn bɛ́ kɔn-a n nɛ ka zia nɛ bɛn tá re màn kooro biɛ, ǹ tá re papaɛ̃.

Izayii 8:7

Bɛ lɛ nɛ, masɛ Dɛnaa n die Efrati tà mu gole kɛ diɛ ǹ la, bɛ giala mà Asiiriin kii laanka a pàã. Efrati tà lɛ n die piɛ̃, a toɛ̃, a n da bǎã yii la.

Ozee 13:3

Bɛ lɛ nɛ, minin kɛn tá re papaɛ̃ ka baayɛlɛ labara bɛ́ lɔn, ka pele bɛ́ kiɛ lɔn, ka wii duwəə ǹ bǎã a kaã bɛ́ woe piɛ̃ li lɔn, ka tɛmaa bɛ soe sìã-n lɔn.

Sofonii 2:2

kiri pinaa kɛ laan bɛ̀ a n doe, lɛawaan laan bɛ̀ maǹ papaɛ̃ ka kaã bɛ́ lɔn kiɛ̃ piɛ̃ li, Dɛnaa Lawa a foo-yoo baraa kɛ laan bɛ̀ a n doe ka-a, Dɛnaa Lawa a foo-yoo pinaa kɛ laan bɛ̀ a n gisĩ ka la.