Izayii 17:10 - LAWA A BOO SONBORE

¹⁰ Izirayeli, n yiri bɔ n kirisibaa wole Lawa nɛ. Gɛ̀fu mɛn bɛ́ n tamɛɛ, n yiri bɔ ka bɛ nɛ. Bɛ lɛ nɛ, n da tɔrɔ sonboren zumu, n tá lawa soreen guguru koe.

LAWA A BOO SONBORE 2011

¹⁰ Izirayeli, n yiri bɔ n kirisibaa wole Lawa nɛ. Gɛ̀fu mɛn bɛ́ n tamɛɛ, n yiri bɔ ka bɛ nɛ. Bɛ lɛ nɛ, n da tɔrɔ sonboren zumu, n tá lawa soreen guguru koe.

Izayii 17:10 ပူးပေါင်းရင်းမြစ်များ

KZS1 16:35

Ka pɛ: «Wɔ si sii la, Dɛnaa Lawa, wɔa Lawa, wɔ sɔkɔn wɔa gána nɛ, n wɔ bɔ tɔrɔ kɔsɔn bii. Bɛa biikoo li, wɔ á re barka diɛ n nɛ, wɔ n tɔ sonbore kɛ laakalaa, wɔ wɔ dinin koa n guguru kɔ gɔ́ɔ̃ nɛ.

Loen 106:13

Bɛ kio doo boɛɛn nɛ, ǹ yiri bɔ ka Lawa a dín lɛn nɛ. Ǹ nə n yii da la, a na a sii yɔrɔ boe kɛ zɛnaa wa.

Loen 106:21

Ǹ yiri bɔ ka ǹ kirisibaali Lawa kɛ nɛ, Lawa mɛn goã á sii dadaran zɛnaa Ezipti,

Loen 18:2

Dɛnaa Lawa, ma tá n narɛ, n din nə ma pàã lɛa.

Loen 31:2

Dɛnaa Lawa, man kiɛ n din yele, n nyan toa sìi ma kũ duduu wa. Ma kanbaa, n peperebaa kɛ gɔ́ɔ̃ nɛ.

Loen 65:5

N bɛ́ lɛ koe min mɛnɛn ganaa, mà ǹ biikoo kɔn zɛnaa kunun n ni, bɛn wɔ na á bǐɛ̃ kɔ. Màn mɛn bɛ́ màn sonbore lɛa n din a kion, n din a kion kɛ nɛ, á kɔɔ̃n wɔ ganaa wɔ wɔa wɔ-gii yɛ bɛ nɛ taãn-taãnɛ.

Loen 79:9

Wɔ kirisibaali Lawa, n dɔ wɔ lɛ, n din tɔ a golebaa a lɛa. Wɔ si sii la, n wɔa sii baraan tuturu, n din tɔ a gugurubaa a lɛa.

Loen 85:4

Ń nə́ n yoo wɔ gialaa kɛ lɛ doa, ń nə́ n foo-yoo baraa kɛ lɛ goa.

Loen 9:17

Dɛnaa Lawa nə́ n din nyaa, á kiri kuru. Á min baraa kũ a din a kan nɛ. Ka tùtu wuu gisĩ. *Doa.

Izayii 12:2

Á ke, Dɛnaa Lawa n ma kirisibaali lɛa. Ma foo n doa nɛ a din ganaa, nyɛ́ɛ ba ma ganaa doo wa. Dɛnaa Lawa n ma pàã laanka maa loe lɛa, ma kirisibaali ni.»

Izayii 17:9

Bɛa pinaa kɛ nɛ, Izirayeli a mìi duru ǹ kiwin kɛn tá re kɛbɔlɔn biɛ. Ǹ tá re n la boe ǹ ganaa ka daãn laanka kele mìin kɛn bɛ́ lɔn, ǹ nə́ n la bɔ ǹ ganaa Izirayeli minin nyɛɛnɛ.

Izayii 18:5

Kaa-piɛ laan bɛ̀ a dɔ, ǹ mɛn waáraa bɛ̀ *rezɛ̃ da buũ kɔ á nya, a nɛ n zoɛ̃ li a ma, gùrùn mɛnɛn bɛ́ ǹ là ná a banban, maǹ bɛn boe ka kuku ni. Maǹ nə ǹ kuri, maǹ a gɔnɔn boe.

Izayii 25:4

a giala, ń pàãwɛɛnaan mìi duru ǹ bàã baa, ma n doobaan tamɛɛ fuu biikoo li, ma n mìi duru ǹ bǎã lɛa la giulun, ma n wúlu lɛa wasa li. Taãn nɛ, min kakarɛn foo yoo n ka la bɛ́ lɔn kungɔn ganaa,

Izayii 26:4

Ka n foo doa Dɛnaa Lawa ganaa yǎa duduu. A giala, a din nə gɛ̀fu kaka lɛa, a na a tan duduu.

Izayii 30:29

Kasɛn Zeruzalɛmu minin, ka á re loe loe ka zɔ́n pinaa tèlò wɔ bɛ́ lɔn. Ka foo á re kɔɔ̃n koe ka min mɛnɛn bɛ́ tɔ we pìi wuu li woe Dɛnaa Lawa a kele la, woe Lawa, Izirayeli a gɛ̀fu li.

Izayii 33:2

Dɛnaa Lawa, makara bɔ wɔ ganaa! Wɔ foo n doa nɛ n din ganaa. Baraabaraa baayɛlɛ, goã wɔ pàã lɛa, n wɔ kirisibaa koe pinaa.

Izayii 44:8

Kasɛn maa zaman, nyɛ́ɛ nyan ka kũ wa. Ka gɔ̀nɔn nyan bìn da wa. Má a boo da ka nɛ, má pɛ ka nɛ a biikoo ná a kànaa wa. Ka ǹ maa siéren lɛa. Lawa kɔsɔ tan masɛ kio? Haayii! Ma din ni kaa gɛ̀fu kaka lɛa. Ma a kɔsɔ doɛ̃ wa.

Izayii 51:13

N yiri bɔ ka Dɛnaa Lawa nɛ, a da yaa a din na á n da. A din ni á lon lɛ bɔ, á tán zɛnaa. Biikoo tumaa li, n gɔ̀nɔn nə bìn diɛ nyɛ́ɛ gɔn pàã-zɛnaali kɛa foo-yoo nyɛɛnɛ, ka n pɛ mà a n die n nyin boe. Sɛnɛ, bɛa pàã zɛnaali lɛ a foo-yoo á maa kəni?

Izayii 61:10

Dɛnaa Lawa taman yii, ma foo á kɔɔ̃nɛ á la yii ni. Ma nə n nyɛnyɛɛ maa Lawa a lɛa. Taãn nɛ, a nà a kirisibaa kɛ koe ma lɛ ká mɔnaa bɛ́ lɔn. A peperebaa ke, a n bɛ pɛnɛ ma ganaa ka mɔnaa gole bɛ́ lɔn. Man má kɔnbɔ ka kɔn-wɔle tii ni, á zɔ́n mɔnaa gɔn yii a mìi-a ka Lawa a wúlu-bɔle bɛ́ lɔn, hinlaa, ka lɔ tii bɛ́ lɔn á nyaǹ mànan wɔ.

Izayii 62:11

Á ke, Dɛnaa Lawa lɛ n boe yǎa tán lɛ dan ganaa. Ka pɛ Siɔn kiwi ni: «N kirisibaa wole á ke yii die. A màn mɛn yɛ a n die ka bɛ nɛ. A n die ka a dí a saraa nɛ.»

Zeremii 12:13

Ká *belee da, sɛnɛ, ka n nyan kuri. Ká nɔmaa wɔ, sɛnɛ a là goon din ba ka ganaa wa. Kaa kaa-piɛ mànan kɛn man sìi lɛa, Dɛnaa Lawa a foo yoo baraa kɛ taman yii.

Zeremii 17:13

Dɛnaa Lawa, Izirayeli foo n doa nɛ n din ganaa. Min mɛn tumaa bɛ́ n la boe n ganaa, sìi á re n koe ǹ lɛ. Ǹ mɛnɛn bɛ́ n dɔ̀ɔ̃ we n ne, bɛn man die goɛ̃ ka tɔ mɛn nə́ ke ǹ nə́ kiɛ̃ gusuũ li! A giala, maǹ nə́ n la bɔ nsɛ Dɛnaa Lawa ganaa, nsɛ mu yala nyantoto ke, nyin koe.

Zeremii 2:32

Nɛniɛ yiri á boe a nyaǹ mànan ganaa? Lɔ tii yiri á boe a gɔ̀ mànan ganaa? Ka yiri bɔ ka ma nɛ, a biikoo a kànaa wa.

Zeremii 3:21

Lɛ-dɛ n boe kele mìi ni, Izirayeli minin manɛ. Maǹ wuu pii ǹ nə́ gú diɛ. A giala, maǹ nə́ zii baraa saa, ǹ yiri bɔ ka Dɛnaa Lawa, ǹ Lawa nɛ.

Ezekieli 22:12

N kiwi kɛ nɛ Zeruzalɛmu, minin man lɛ koe ǹ lɛ pii ǹ màn si, ǹ gɛ̀ dɛ. Maǹ giɔ̀mɔ diɛ ǹ nə́ giɛ là babaraa li, maǹ mɛnɛɛ ǹ miãn la, ǹ nə́ giɛ màn li. Sɛnɛ, ǹ yiri n boe ka ma dinmaa kɛ nɛ! Ma din Dɛnaa Lawa a da ǹ boo ne.

Ezekieli 23:35

«Bɛ lɛ na á toa masɛ Dɛnaa Lawa á kɛ pii: N yiri bɛ́ á bɔ ka masɛ nɛ, n bɛ́ ń ma tii, n din tá re n toɛ̃ ka n gɛsɛbaa laanka n kɔrɔbaa ǹ siin lɛn guĩ ni.»

Ozee 4:6

Maa minin lɛn man giɛ̃, ma doɛ̃baã taman yii. A giala, ka dinin nə́ n piã ka ma doɛ̃ nɛ, ma dɔ á re n piɛ̃ ka ka dɔn nɛ, ka a re maa wúlu-bɔlen biɛ doo wa. Ka yiri bɛ́ á bɔ ka kaa Lawa a dí-pɛn kɛn nɛ, masɛ dɔ yiri á die boe ka kaa nɛnyaanan kɛn nɛ.

Ozee 8:14

Izirayeli minin kɛn yiri bɔ ka ǹ zɛnaali ni, ǹ nə́ kion sonboren dɔdɔ. Zudaa minin kɛn, bɛn nə́ kungɔn dɔ, ǹ nə́ ǹ kiwi gigiã lɛnpɛnɛ nɛ. Sɛnɛ, ma á re tɛ diɛ ǹ kiwin lɛn ganaa, tɛ á re ǹ duru ǹ bǎã kakan kɛn kuĩ.

Zowɛli 1:17

Màn tɔrɔn nə́ ke boɛ̃ tán tii li. Dɔǹɔn gɔ́ɔ̃ kooro ne, màn tamaa ǹ bǎãn lɛn nə́ kaa. A giala, belee banban.

Lawa a wúlu-bɔlen 26:16

Bɛa biikoo li, masɛ dɔ n die kɛ zɛnɛɛ ka nɛ: Man die toɛ gɔ̀nɔn-woɛ̃ ka kũ, ka pɛrɛ, bɛ lɛ nyɛ́ɛ dɛ a wurəə ka ganaa. Bɛa busun lɛn tá re kaa ga ǹ gɔn ziziɛ̃, ǹ ka pàã nya. Ka màn mɛn da kaa wuru-n, kooro ne. Kaa zɔ́ɔn man die bii.

Lawa a wúlu-bɔlen 26:20

Ka pàã n die nyɛɛ kooro. Ka a re tán dí nyɛɛ ka màn kɔn yɛ a-n doo wa, gána lɛ a dan dɔn ba re nɛ koe doo wa.

Amɔɔsi 5:11

Á ke, ka n mɛnɛɛ doobaan la, bɛ̀ ǹ nə́ dí nya don ǹ nə́ màn mɛn yɛ, ka n bɛ kuĩ sii ǹ la ka pàã nɛ. Bɛ lɛ na á toa, ka kionən mɛnɛn dɔ ka kɔlɔ sonboren ne, ka á re giɛ̃ ǹ nɛ wa. Ka *rezɛ̃ da tɔrɔ sonboren mɛnɛn zumu, ka a re ǹ duvɛ̃ mii wa.

Abakuku 3:18

Sɛnɛ, masɛ n maa foo kɔɔ̃nbaa yii Dɛnaa Lawa li. Lawa mɛn bɛ́ ma kirisibiɛ, ma nə n nyɛnyɛɛ a din taman yii.

Sofonii 1:13

Sɛnɛ, ǹ gɔn mànan tá re màn kokoo biɛ ǹ kionən tá re yui. Maǹ kionən doe, sɛnɛ ǹ ba re giɛ̃ ǹ nɛ wa. Maǹ *rezɛ̃ dan zumi, sɛnɛ ǹ ba re a duvɛ̃ mii wa.

Timəə dí-pɛn 28:30

Ta kaa min mɛn na á san bɔ, min kɔsɔ n die kuĩ a waa nɛ. Ta kaa min mɛn na á kion dɔ, min kɔsɔ n die giɛ̃ a nɛ. Ta kaa min mɛn na á *rezɛ̃ da wuru bɔ, haalɛ a nɛ bibinaa din, a re niɛ wa.

Timəə dí-pɛn 32:15

Sɛnɛ, Izirayeli minin kɛn, ǹ bɛ́ ǹ nə́ kã kəni, maǹ nə n gòã toe. Ǹ bɛ́ ǹ nə́ gole kɔ, ǹ nə́ kasã, ǹ nɔ̀ bɔ, ǹ nə́ Lawa toa walan, a da yaa, a din dɔ na á ǹ zɛnaa. Ǹ ná a puusə kɔ, a da yaa a din dɔ nə ǹ tamaɛ, á tá ǹ kirisibiɛ.

Timəə dí-pɛn 32:18

Lawa mɛn lɛ nə ǹ zɛnaa, á nə́ ǹ tamaɛ, maǹ nə́ n la bɔ bɛ lɛ-a. Lawa mɛn lɛ nə ǹ zɛnaa á ǹ kaa kanaa, ǹ yiri bɔ ka bɛ lɛ nɛ.

Timəə dí-pɛn 32:31

A giala, màn mɛn bɛ́ wɔa zɔ́ɔn lɛn tamaɛ, bɛ pàã dɔ wɔsɛn tamaali Lawa kɛ wɔ li wa. Ǹ dininmaan tá bɛ doɛ̃.

Timəə dí-pɛn 32:4

A din nə wɔ tamaɛ, a sii tumaa lɛ n piɛ̃ nɛ. A n sii tumaa siɛ a zii li, Lawa bɔlɔgoondɛnaa nɛ, kɔkɔrɔbaa ba a li wa, a n pepere, telee ne.

Timəə dí-pɛn 6:12

ka ka dinin kũ, ń giɛ ka yiri ná a boe ka Dɛnaa Lawa-n wa. A din na á ka waa á ka bɔ Ezipti gána a bɛ̀rɛbaa nɛ.

Timəə dí-pɛn 8:11

Ma bɛ́ kaa Lawa, Dɛnaa Lawa a gɔn waa ǹ boon mɛnɛn pii ka-n pelo, a sii yɔrɔ bɔ ǹ boon laanka a landa boon ne, ka yiri bɔ, ka nyan bɛn da ka gɔn para-a, n ka yiri yǎa kiɛ̃ boe ka kaa Lawa, Dɛnaa Lawa lɛ-n wa.

Timəə dí-pɛn 8:14

Sɛnɛ, ka nyan nə n saa bɛ li ka ka dinin gole kɔ, ka yiri bɔ ka kaa Lawa, Dɛnaa Lawa-n wa. A din na á ka waa á ka bɔ Ezipti gána a bɛ̀rɛbaa nɛ.

Timəə dí-pɛn 8:19

Sɛnɛ, bɛ̀ ka yiri bɔ ka kaa Lawa, Dɛnaa Lawa kɛ nɛ, bɛ̀ ká kɔ lawa kɔsɔn kio lɛ, bɛ̀ ká kaa tán bɛn giulun ká ǹ guguru kɔ, man diɛ ka yiri-a pelo: ka á re papaɛ̃ lenlen.