Izayii 16:10 - LAWA A BOO SONBORE

¹⁰ Foo kɔɔ̃nbaa mɛn goã kaa da nɛ-kɔle wurun kɛn nɛ, bɛ nya. LOE laanka foo kɔɔ̃nbaa ǹ lɛ-dɛ á boe kaa rezɛ̃ wurun ni doo wa. Min kɔn ba rezɛ̃ tɔrɛ a tɔrɔ ǹ bǎã-n doo wa. Má foo kɔɔ̃nbaa ǹ lɛ-dɛ sàabaa.

LAWA A BOO SONBORE 2011

¹⁰ Foo kɔɔ̃nbaa mɛn goã kaa da nɛ-kɔle wurun kɛn nɛ, bɛ nya. Loe laanka foo kɔɔ̃nbaa ǹ lɛ-dɛ á boe kaa rezɛ̃ wurun ni doo wa. Min kɔn ba rezɛ̃ tɔrɛ a tɔrɔ ǹ bǎã-n doo wa. Má foo kɔɔ̃nbaa ǹ lɛ-dɛ sàabaa.

Izayii 16:10 ပူးပေါင်းရင်းမြစ်များ

Zɔbu 24:11

Doobaan man nyɔɔ dí nyɛɛ min kɔsɔn bǎã nɛ, maǹ rezɛ̃ tɔtɔrɛ, mu boro dɔ nə́ ǹ ganaa.

Izayii 24:11

Ziin la, minin manə n lɛ-dii duvɛ̃ li. Nyɛnyɛɛ banban doo wa. Foo kɔɔ̃nbaa soo á n bɔ gána lɛ nɛ.

Izayii 32:10

Kànaa ka lɛ̀ goon ka boɛɛn nɛ, kasɛn din koa wolen kɛn, ka yɔrɔ á re kɔsɛ. Nɛ a re yii *rezɛ̃ da la min na wa, kaa-piɛ a re yii wa.

Zeremii 48:33

Foo kɔɔ̃n laanka nyɛnyɛɛ mɛn goã Moabu a wurun laanka Moabu gána tumaa nɛ, bɛ papaã. Duvɛ̃ kaa ǹ màn nɛ, duvɛ̃ banban. Min banban á n rezɛ̃ tɔrɛ bɛ̀ a n loe loe wa, ǹ loe foofoon kɛn lɛ kuru.

Ezekieli 7:7

Gána minin lɛn, kaa wɔ nya. Biikoo dɔ, lɛawaa lɛ diri. Kelen la foo kɔɔ̃n lɛ-dɛ banban doo wa, sɛnɛ nyɛ́ɛ gole ne!

Zowɛli 1:12

*Rezɛ̃ dan nə́ tutusi, gɔ́rɔ dan nə́ bɛbɛnɛ. Grenadie da nɛ, tamaran da nɛ, da nɛ-kɔle tumaa don, ǹ tumaa gã. Min kɔn foo a kɔɔ̃n wa.

Amɔɔsi 5:11

Á ke, ka n mɛnɛɛ doobaan la, bɛ̀ ǹ nə́ dí nya don ǹ nə́ màn mɛn yɛ, ka n bɛ kuĩ sii ǹ la ka pàã nɛ. Bɛ lɛ na á toa, ka kionən mɛnɛn dɔ ka kɔlɔ sonboren ne, ka á re giɛ̃ ǹ nɛ wa. Ka *rezɛ̃ da tɔrɔ sonboren mɛnɛn zumu, ka a re ǹ duvɛ̃ mii wa.

Amɔɔsi 5:17

Bɛ̀ má daa n dɔ ka bii ǹ mɛn pinaa, minin tá re gɛ̀ wuu pii, rezɛ̃ wurun tumaa nɛ, Dɛnaa Lawa na á pɛ miɛ̃.

Amɔɔsi 9:13

Dɛnaa Lawa wusoo á kɛ pɛ doo: Á ke, biikoo á re die, kaa-piɛ waáraa á die n biɛ wuru dí a yoo lɛa doo, rezɛ̃ tɔtɔrɛɛ a nya á die n biɛ màn nàn diɛ a biikoo lɛa doo. Duvɛ̃ dii tá re baa sii tán kelen mii ni a da tentenen mui.

Sofonii 1:13

Sɛnɛ, ǹ gɔn mànan tá re màn kokoo biɛ ǹ kionən tá re yui. Maǹ kionən doe, sɛnɛ ǹ ba re giɛ̃ ǹ nɛ wa. Maǹ *rezɛ̃ dan zumi, sɛnɛ ǹ ba re a duvɛ̃ mii wa.

Sii yɔrɔ-bɔlen 9:27

Ǹ nə́ soo ǹ nə́ woo don, ǹ nə́ woo rezɛ̃ da nɛ na, ǹ ná a mu bɔ, ǹ nə́ zɔ́n zɛnaa nɛ. Bɛ kio, ǹ nə́ woo kaa ǹ dì kion, ǹ nə́ màn bii, ǹ nə́ duvɛ̃ mi, ǹ nə́ lɛn baraa bíi Abimelɛki li.