Izayii 15:3 - LAWA A BOO SONBORE

³ Ziin la, gɛ̀ koa ǹ mɔnaan man minin ganaa. Banbaranan la ka zaman bǎãn nɛ, maǹ gɛ̀ loe loe, min tumaa n wuu pii.

LAWA A BOO SONBORE 2011

³ Ziin la, gɛ̀ koa ǹ mɔnaan man minin ganaa. Banbaranan la ka zaman bǎãn nɛ, maǹ gɛ̀ loe loe, min tumaa n wuu pii.

Izayii 15:3 ပူးပေါင်းရင်းမြစ်များ

Samayeli2 3:31

Davida pɛ Zoabu laanka Zoabu a tá-kun wolen lɛn tumaa nɛ: «Ka kaa mɔnaan tɔtoɛ̃, ka gɛ̀ koa ǹ mɔnaan wɔ, ka mɛ Abnɛɛrɛ gere nyɛɛnɛ, ka a gɛ̀ wuu pɛ.» Kii Davida din na á goã tɔ we gere lɛ kio.

Kiin2 6:30

Kii lɛ bɛ́ á bɛa boon lɛn ma lɔ lɛ lɛ-n, á ná a mɔnaa tɔtoɛ̃. A bɛ́ na á goã tɔ we kungɔn lɛ la, zaman lɛ kii lɛ yɛ, á boroo wɔ a mɔnaa giulun, boroo lɛ nə n naɛ a gɔ̀nɔn ki ganaa.

Izayii 15:2

Wúlu bɔ ǹ bǎãn nɛ, Dibɔn minin nə woo wuu pɛ. Neboo kele la ka Medebaa kiwi ni, Moabu minin nə́ woo gɛ̀ wuu pɛ. Ǹ tumaa mìi n kɔɔ̃ nɛ, ǹ tumaa lɛtoro ka n kɔɔ̃ nɛ.

Izayii 22:1

"Sii nyaa ǹ nyankɔrɔ basa" a boo gii: Zeruzalɛmu minin lɛn, a n siɛ lɔn ka tumaa a dii kalan la?

Izayii 22:4

Bɛ lɛ taman yii, man pii ka nɛ: «Ka ma toa walan ma dinsɔɔ̃, ka ma toa walan ma wuu pɛ kɔsɛkɔsɛ. Maa zaman bɔ̀n baa, sɛnɛ, ka nyan pɛ mà ka n ma foo wɛɛ wa.

Izayii 3:24

Màn gìĩ kɔɔ̃n bǎã nɛ, màn bɔnɛɛ gìĩ á re goɛ̃ a tan, maabɛlɛ bǎã nɛ, biɛ nɛ, mìi-tiɛ̃ sonbore bǎã nɛ, mìi-koɛ̃ nɛ, mɔnaa sonboren bǎã nɛ, gɛ̀ koa ǹ mɔnaa nɛ. Sìi n die siĩnbaa bǎã siɛ.

Zeremii 19:13

Ǹ tá re *gɔ̀ diɛ Zeruzalɛmu a kionən ganaa ka Zudaa a kii kionən ne ka Tofɛti bɛ́ lɔn. Sonbore, bɛa kionən lɛn kalan la, maǹ nə́ da yon gìĩ kɔɔ̃n tã lon a leere kurun wɔ lɛa, ǹ nə́ duvɛ̃ zumii wúlu màn lɛa lawa tiin la.»

Zeremii 48:37

Giĩn nə́ n mìi kɔɔ̃, ka ǹ lɛtoro ka nɛ. Ǹ nə́ n gɔ̀nɔn tɔtoɛ̃, ǹ nə́ gɛ̀ koa ǹ mɔnaan wɔ.

Busii pɛ 2:10

Siɔn a min golen nə́ giã tán furu-n, ǹ ba boo kɔn diɛ wa. Maǹ tii folo kiɛ ǹ dinin mìi ni, ǹ nə́ gɛ̀ koa ǹ mɔnaan wɔ. Zeruzalɛmu a nɛlɔn nə́ n mìi kuməə tán.

Ezekieli 7:18

Ǹ tá re gɛ̀ koa ǹ mɔnaan we, ǹ nə ǹ tumaa mìi kɔɔ̃. Gɔ̀nɔn bìn diɛ á re ǹ kuĩ, sìi nə́ ǹ tumaa ganaa.

Amɔɔsi 8:10

Ma á die kaa zɔ́nɔn kɛn bɔyɛɛ, ma ǹ baa foo-ziziɛ̃ pinaa lɛa. Ma á die kaa loen kɛn tumaa bɔyɛɛ, ma ǹ baa gɛ̀ wuu lɛa. Min tumaa á die gɛ̀ koa ǹ mɔnaa we, min tumaa á die n mìi koɛ̃, ka nɛgiĩ goon toto na á gã. Sii mɛn bɛ́ re koɛ bɛ la kəni, bɛa re koe biɛ.

Matiə 11:21

«Kasɛn Koraazɛn minin kɛn, bɔ̀n nə kaa wɔ lɛa! Kasɛn Bɛtsayidaa minin kɛn, bɔ̀n nə kaa wɔ lɛa! A giala kaãbaa ǹ siin mɛnɛn bɛ́ ǹ nə́ n zɛnaa kaa piɛ, bɛ̀ bɛn man nə́ n zɛnaa Tiiri kiwi laanka Sidɔn kiwi babaraan kɛn nɛ, bɛ̀ ǹ nə́ boroon wɔ ǹ dinin ganaa, ǹ nə́ ton kaa ǹ dinin ganaa haalɛ bibi, ǹ nə́ nyaa mà ǹsɛn nə́ n taasɛ ǹ nə́ wusoo ǹ sii baraan kio.

Timəə dí-pɛn 22:8

Bɛ̀ ká kion dii dɔ, ka a lɛ kìri dɔ á woo lon, màn mɛn bɛ́ toɛ, min baran bɔ a kala la a mɛnaa, a sii saa a kɔ ka la wa.

Zaaki 5:1

Ka pàãman lɛn, bɔ̀n gigiã mɛn bɛ́ re ka yii, ka dɔ ka dinin ganaa ka wuu pɛ kɔsɛkɔsɛ!

Samayeli1 5:12

Min mɛnɛn bɛ́ ǹ nə́ goã ǹ yii n koo, gɔ̀nɔn kokoree busu na á goã bɛn ganaa. A bɛ miɛ̃, kiwi minin lɛn nə́ bubui da, yǎa ǹ lɛn dɔ lon.