Dɛnaa Lawa pɛ: «Man die dɔlɔ boe kanaa ganaa a baraabaa kɛa lɛa, ma dɔlɔ bɔ min baraan ganaa ǹ gɛ̀ dɛ a lɛa. Din koa wolen dankarabaa ke, ma á re bɛ papaɛ̃, ma pàã-zɛnaalin din gole kɔ kɛ nya.
Filisiti minin lɛn, bàlà mɛn bɛ́ ka dii, ta bɛ yiɛ, ka nyan nə n nyɛnyɛɛ wa. A giala, kɔrɔkan nə die soe miɛ̃ gere ne, tɔɔ babaraa piɛ̃ wole bɔ a dɔ nɛ.
Sonbore, zǔu mɛn goã n zaman wìi li, n goã ǹ dii ka dɔ̀rɔ̀n mɛnɛn nɛ, ka sɛ̌nɛn kɛn nɛ ń goã ǹ duwii ni, ń bɛn yiyiɛ, ka n bɛ́ n gɔ̀lɔ̀baa yɛ Madiã minin la lɔn lɛlɛ.
Maǹ ma lɛ miɛ gini, min banban a tá ma foo wɛɛ wa. Maa zɔ́ɔn tumaa maa koe kɛ boo ma. N sii mɛn da ma mìi ni, maǹ bɛa nyɛnyaa we. N lɛawaa mɛn bɔ n koa, toa bɛ́ dɔ. Toa ǹ dɔn nə n baa ka ma dɔ bɛ́ lɔn.