Izayii 14:32 - LAWA A BOO SONBORE

³² Wɔ n die Filisiti minin dia dí-a wolen kɛn lɛ sii lɔn? Wɔ n die pii: Dɛnaa Lawa din na á *Siɔn kiwi koa, a zaman lɛ a doobaan tá re mìi duru ǹ bǎã yii walan.

LAWA A BOO SONBORE 2011

³² Wɔ n die Filisiti minin dia dí-a wolen kɛn lɛ sii lɔn? Wɔ n die pii: Dɛnaa Lawa din na á *Siɔn kiwi koa, a zaman lɛ a doobaan tá re mìi duru ǹ bǎã yii walan.

Izayii 14:32 ပူးပေါင်းရင်းမြစ်များ

Samayeli2 8:10

Toyii tɔ́n a nɛgiĩ Zoramu dia kii Davida li, mà a wo fòo da nɛ. A zia mɛn baa Adadezɛɛrɛ ganaa á boo la, má a bɛa fòo da nɛ. A giala, Adadezɛɛrɛ lɛ na á goã Toyii a ziadɛnaa lɛa. Zoramu woo ka wɔrɔ mànan nɛ, sana wɔn nɛ, ka zan wɔn nɛ.

Loen 102:16

Tɔrɔ kɔsɔn kɛn tá re nyɛ́ɛ biɛ Dɛnaa Lawa tɔ kɛ nɛ. Kanaa a kiin kɛn tumaa á re n nyɛnɛɛ n gugurubaa kɛ nɛ.

Loen 102:28

Sɛnɛ, nsɛ Lawa n goɛ̃ miɛ̃, n nyin ba nyɛɛ wa.

Loen 48:4

Lawa din nə Siɔn lɛduə̃ ǹ bǎãn kɛn nɛ, a din nə tamaɛ ka pàã gole ne.

Loen 87:1

Koore a minin loe goon ne. LOE. Dɛnaa Lawa na á *Siɔn kiwi giala wɔ kele sonboren la.

Loen 87:5

Sonbore, maǹ pii Siɔn wɔ paǹ li, mà gánan kɛn lɛn tumaa a minin dikion taãn nə ka kiwi kɛ nɛ. Lon a Lawa gole dinmaa na á ná a giala wɔ.

Suusun 18:10

Dɛnaa Lawa n duru ǹ bǎã kaka lɛa. Min peperen man woe a li, ǹ kirisibaa.

Izayii 11:4

Sɛnɛ, a n die kiri kuri pàãwɛɛnaan la ka peperebaa nɛ. A n die peperebaa zɛnɛɛ gána lɛ a doobaan manɛ. A da ǹ boo n die goɛ̃ ka bàlà bɛ́ lɔn gána lɛ nɛ minin duwii. A lɛ gɔ́ɔ̃ ǹ boo n die min baraan dii gɛ̀ lɛa.

Izayii 12:6

Nsɛ mɛn bɛ́ giã-n *Siɔn, foo kɔɔ̃nbaa ǹ lɛ dɛ ka n foo tumaa nɛ, a giala, min mɛn bɛ́ kunun n ni, á gole Izirayeli a Lawa sonbore kɛ nɛ.

Izayii 25:4

a giala, ń pàãwɛɛnaan mìi duru ǹ bàã baa, ma n doobaan tamɛɛ fuu biikoo li, ma n mìi duru ǹ bǎã lɛa la giulun, ma n wúlu lɛa wasa li. Taãn nɛ, min kakarɛn foo yoo n ka la bɛ́ lɔn kungɔn ganaa,

Izayii 28:16

Bɛ lɛ nɛ, Dɛnaa Lawa a boo á pii: «Man kion gòã daa ǹ kɔlɔ diɛ tán *Siɔn. Kɔlɔ barkadɛnaa nɛ, doa-n tán kaka. Min woo min nə́ n tiləə a ganaa, bɛa dɛnaa a re bìn diɛ wa.

Izayii 29:19

Min mɛnɛn foo bɛ́ ziziɛ̃ nɛ, bɛn tá re foo kɔɔ̃nbaa gole yii Dɛnaa Lawa li. Ǹ mɛnɛn tumaa bɛ́ doobaa taãn-taãnan lɛa, bɛn tá re n nyɛnyɛɛ Izirayeli a Lawa sonbore kɛ taman yii.

Izayii 37:32

Hiĩ, min mɛnɛn yii goã koo, bɛn tá re soe Zeruzalɛmu. Min mɛnɛn nə n si gɛ̀ la, bɛn tá re golee lon Siɔn kele la. Dɛnaa Lawa Pàãyiidɛnaa a miãgoã-bɔ kɛ bɛ́ re diɛ sii mɛn zɛnaa ganaa, bɛ n ka kɛ nɛ.»

Izayii 37:9

Ǹ nə́ daa pɛ Asiiriin kii lɛ nɛ mà Etiopiin kii Tirakaa zii saa a n die a gialaa. A bɛ́ á bɛa boo lɛ ma, á dia dí-a wolen dia Ezekiasi la.

Izayii 39:1

Bɛa waáraa, Baabiloniin kii, Balaadan a nɛgiĩ Merodaki-Balaadan ma mà Ezekiasi goã lon wa, sɛnɛ mà á kaka kɔ. Bɛ lɛ nɛ, á minin dia mà ǹ da sɛ́wɔ kɔ la, ka bǐɛ̃baa ǹ mànan nɛ.

Izayii 4:6

ka siã bɛ́ lɔn, wúlu koe penleen sɛ̀fuu biikoo li. A n die mìi duru ǹ bǎã biɛ piɛ̃ gole nyɛɛnɛ ka la nɛ.

Izayii 44:28

Man kɛ pii kii Siirusu a paǹ li: «Maa zaman-lɛduə̃li ni.» Sii mɛn tumaa bɛ́ kɔɔ̃n ma ganaa, a n bɛ zɛnɛɛ. Á re pii mà ǹ wusoo ǹ Zeruzalɛmu kiwi dɔ, ǹ wusoo ǹ Lawa a kion lɛ dɔ.

Izayii 54:11

Zeruzalɛmu, nɔmaa wole, piɛ̃ gole nə n gialaa, min kɔn ba n foo doɛ wa. Masɛ Dɛnaa Lawa n die wusii ma n dɔ ka kɔlɔ nɛ, ǹ nyaǹ nə koe ne. Man die n goã daɛ ka kɔlɔ giɔ̀mɔ kakaan nɛ, bɔlɔn lɛa.

Izayii 57:13

Bɛ̀ n gú da ǹ mɛn pinaa, n dì bɔbɔnɛɛn lɛn nə n si sii la kəni. Piɛ̃ á re ǹ tumaa goɛ, kurunkurun tá re woe ǹ ne. Sɛnɛ, min mɛnɛn bɛ giɛ mìi duru ǹ bǎã li masɛ li, bɛn tá re gána lɛ yii ǹ wɔ lɛa, maa kele sonbore kɛ nə ǹ wɔ baa.

Ezekieli 48:35

Kungɔn mɛn bɛ́ re kiwi lɛ lɛnpɛnɛ, a sasabaa n die goɛ̃ gùrù yii duu fulukiwisi (18 000). A kũ bɛa pinaa lɛ ganaa, kiwi lɛ tɔ n die goɛ̃ ka kɛ nɛ: "Dɛnaa Lawa tá kànaa".

Sofonii 3:12

Má bɛ́ re min mɛnɛn toɛ ka bii, doobaan laanka pàãwɛɛnaan manɛ, ǹsɛn mɛnɛn foo bɛ́ doa-n Dɛnaa Lawa ganaa.

Zakarii 11:11

Lɛ kɔ kɔn la lɛ na á n ziziɛ̃ bɛa pinaa kɛ lɛ nɛ. Sère makara dɛnan mɛnɛn nə goã giɛ ma ganaa, bɛn nə dɔ̃, mà Dɛnaa Lawa a boo na a gialaa yɔrɔ yii.

Zakarii 11:7

Ǹ bɛ́ woe ka sèren mɛnɛn nɛ ǹ dɛ ǹ bǎã nɛ, sanparɛ a makaradɛnan kɛn, ma dinmaa-n bɛn lɛduə̃li lɛa. Má tɔɔn lɛduə̃ ǹ bàlà màn paa saa. Má a bibinaa bíi "giaárabaa", má a paabaa ǹ wɔ bíi "goonbaa", má maa sèren lɛduə̃ giala kɔ.

Matiə 16:18

Bɛ lɛ taman yii, man pii n dɔ Piɛrɛ nɛ: «Ma n Piɛrɛ lɛa (bɛ giala mà gɛ̀taã). Masɛ n die maa sɔmɔ giala koɛ bɛa gɛtaã lɛ la. Haalɛ gɛ̀ din ba re màn kɔ́n zɛnɛɛ a minin man wa.

Ebrəə 11:10

A giala, Abrahamu na á goã n yii diɛ, mà a golee a giã duduu ǹ kiwi yɛ, Lawa dinmaa bɛ́ kiwi mɛn a sii-zɔɔ̃li laanka a dɔle lɛa.

Ebrəə 12:22

Sɛnɛ, kasɛn man ká n mɔrɔ *Siɔn kele kɛ ganaa, ka Lawa yiikoonaa a kiwi kɛ nɛ, Lon a Zeruzalɛmu ke, ka a lon a dia dí-a wole duu damata kɛ nɛ.

Zaaki 2:5

Ka n too kɔ, ma dɔɔ̃n narɛɛ wolen lɛn. Min mɛnɛn bɛ́ doobaan lɛa kanaa minin yii li, Lawa na á bɛn lɛn bɔ, mà ǹ pàãman baa goleemali gɔ́ɔ̃ nɛ, ǹ Lawa a piɛ dɔ yɛ. Lawa na á n lɛ kɔ, mà á die bɛ lɛ koe a narɛɛ wolen la.