Izayii 14:29 - LAWA A BOO SONBORE

²⁹ Filisiti minin lɛn, bàlà mɛn bɛ́ ka dii, ta bɛ yiɛ, ka nyan nə n nyɛnyɛɛ wa. A giala, kɔrɔkan nə die soe miɛ̃ gere ne, tɔɔ babaraa piɛ̃ wole bɔ a dɔ nɛ.

LAWA A BOO SONBORE 2011

²⁹ Filisiti minin lɛn, bàlà mɛn bɛ́ ka dii, ta bɛ yiɛ, ka nyan nə n nyɛnyɛɛ wa. A giala, kɔrɔkan nə die soe miɛ̃ gere ne, tɔɔ babaraa piɛ̃ wole bɔ a dɔ nɛ.

Izayii 14:29 ပူးပေါင်းရင်းမြစ်များ

Kiin2 18:8

Ezekiasi lɛ din na á zia da Filisiti minin ganaa á boo ǹ la, á ǹ loo yǎa Gaazaa, á bɔ̀n da kiwi lɛ laanka a bǎãn ganaa. Kungɔn bɛ́ pɛnɛɛ nɛ kiwi dadaran mɛnɛn ganaa á bɛn si ka bǎã-lɛduə̃lin giã ǹ bǎãn dɔn nɛ.

KZS2 26:6

Oziasi woo zia baa Filisiti minin ganaa. Á Gaati laanka Yabneyeli ka Asidɔdi kiwin kungɔnɔn wuru. Á kiwi kɔsɔn dɔ Asidɔdi gána laanka Filisiti minin gánan tɛnɛn nɛ.

KZS2 28:18

Ka bɛ dɔ nɛ, Filisiti minin nə́ wɔ *Sefelaa a nyankɔrɔ lɛ kiwin ni, ka Negɛvu wɔn nɛ. Ǹ nə́ Bɛti-Semɛsi kiwin kũ, Ayalɔn nɛ, Gederɔti ni, Sokoo ne ka a lɛkoro-a kiwin ni, Timinaa nɛ ka a lɛkoro-a kiwin ni, Gimuzoo ne ka a lɛkoro-a kiwin ni. Ǹ nə́ giã walan.

Suusun 24:17

Bɛ̀ n zɔ́ɔ bɔ á mɛnaa, n nyan nə n nyɛnyɛɛ wa. Bɛ̀ á n gòã na, n nyan bɛ̀ baa ka foo kɔɔ̃n nɛ wa.

Izayii 11:14

Lɛ̀nyɛɛn gɔn la, maǹ die n mìi foɛ̃ Filisiti minin kelen kɛn ganaa, lɛ̀giala gɔn la, n tá re diə gole minin kɛn gɔn mànan kokoe. Edɔmu gána laanka Moabu gána n die goɛ̃ ǹ pàã giulun, Amɔn tɔrɔn nə dí nya ǹ nɛ.

Izayii 11:8

Nɛnyaan tiɛɛ̃n tá re sàn koe damanti a waa ǹ bǎã nɛ, nɛnyaan boɛɛn tá re n gɔn we kɔrɔkan li yala-n.

Izayii 14:31

Ka wuu pɛ ka n lɛ dɛ kaa kiwi a kiɛnlɛn bii! Filisiti gána tumaa foo n ziziɛ̃ nɛ. A giala, tɛmaa bara n boe gɔsɛ a lɛ̀gɔn la die. Zɔ́ɔn bii, min kɔn ba n wɔlɔ lui zia-baalin ganaa wa.

Izayii 2:6

Dɛnaa Lawa, ma nə́ n la bɔ n zaman, Zakɔba a sumu minin kɛn ganaa. A giala kiwi lɛ pã ka wɔ-kulin ni, boe lɛ̀giala-n, ǹ nə́ la Filisiti minin wɔn manɛ. N zaman lɛ n koɛ kun ka tiin ni.

Izayii 30:6

Negɛvu gána a boo gii: Koe gána nɛ, a foo ziziɛ̃ n gɔ̀nɔn bìn diɛ. Yàra san nɛ ka yàra daanan nɛ, kɔrɔkanan nɛ ka tɔɔ babaraa piɛ̃ wolen giã ǹ bǎã nɛ. Kaa dia dí-a wolen manə ǹ naforon goɛ dudunun la, ǹ nə́ ǹ gɔn mànan kiɛ nyɔɔmaan dɔ́ɔ̃ nɛ. Bǐɛ̃baa ǹ mànan manɛ ǹ tá woe koe Ezipti minin la, a da yaa ǹ ba re boe sii kɔn dɔ la ǹ zɛnaa ǹ nɛ wa.

Zeremii 47:1

Dɛnaa Lawa boo da Lawa a boo gii-dali Zeremii ni, Filisiti minin wɔ paǹ li. A bɛ́ n zɛnɛɛ, bɛ̀ Eziptin kii tɔn yoo Gaazaa gialaa wa.

Busii pɛ 2:17

Dɛnaa Lawa golee sii mɛn li, a na á bɛ zɛnaa. A boo mɛn da a biikoo ná a kànaa wa, a na á toa bɛ yɔrɔ yɛ. Á basaã kɔ, a makara bɔ wa. Á n zɔ́ɔn foo kɔɔ̃n kɔ, ka n bɔ̀n da ma-a kɛ nɛ. Á màn da ǹ pàã li.

Ezekieli 25:15

Masɛ Dɛnaa Lawa bɛ́ màn mɛn pii, bɛ n ka kɛ nɛ: – Filisiti minin man nə́ sii zɛnaa, ǹ nə́ ǹ gɛ̀ dòo bɔ nɛ. Ǹ min puusə kɔ ǹ sii gole mɛn zɛnaa ǹ nə́ ǹ gɛ̀ dòo bɔ nɛ, basaã-kɔ dinsɔɔ̃ a lɛa, lɛlɛ a zɔ́ɔbaa taman yii,

Ezekieli 26:2

– Minbuiin a nɛ, Tiiri minin kɛn man yaa we Zeruzalɛmu ganaa kaakaakaa! Ǹ nə́ pii: Kiwi kɛ lɛ, min tumaa goã die a nɛ, a wɔ sàabaa! Kiwi lɛ yu, wɔsɛn dɔn man die pàãma biɛ kɛ gòã wuu li.

Ezekieli 35:15

Ka bɛ́ ka n nyɛnyɛɛ Izirayeli gána lɛ a ziziɛ̃ taman yii, ma dɔ á re ka dɔn ziziɛ̃. Seyiiri kele kɛ á re ziziɛ̃, Edɔmu gána din kuturu. a tá re doɛ̃ bɛa biikoo li kəni, mà ma din nə Dɛnaa Lawa lɛa.

Ozee 9:1

Izirayeli minin lɛn, ka nyan toa kaa foo kɔɔ̃nbaa la yii-n, ka tɔrɔ kɔsɔn kɛn wɔ bɛ́ lɔn wa, a giala, ká kɔrɔbaa zɛnaa, ká n na ka n bɔ kaa Lawa ganaa, a giala ǹ bɛ́ *belee duwii bǎã mɛn tumaa nɛ, kaa kɔrɔbaa lɛa saraa nɛ, ka tá a kio walan.

Zowɛli 3:4

Dɛnaa Lawa a lɛawaa lɛ laan bɛ̀ a n doe, bɛa lɛawaa gole kɛ lɛ, a sii ń nyɛ́ɛ diɛ, wasa á re n bɔyɛɛ a tii ka wɔlɔ tì bɛ́ lɔn, mui á re n bɔyɛɛ a taã ka mà bɛ́ lɔn.

Amɔɔsi 1:6

Dɛnaa Lawa na á pɛ kɛnɛn: Gaazaa minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la: A giala, ǹ nə́ zaman tumaa goa, Ǹ nə́ woo ǹ kɔ Edɔmu minin kɛn la. Bɛ lɛ nɛ, ma á ǹ zɛ̀rɛ biɛ. Ma a re wusii maa da ǹ boo dɔ kio wa.

Amɔɔsi 1:8

Min mɛn lɛ á ke pàã la Asidɔdi kiwi, ma á re bɛ dii ma bɔ walan kiibaa lɛ bɛ́ min mɛn gɔn Asikalɔn, ma á re bɛ dii ma bɔ walan. Ma á re sii nyɛɛ Ekrɔn minin kɛn yii ni, Filisiti minin mɛnɛn bɛ́ re goɛ̃, ma á re bɛn dɔn dii lenlen. Dɛnaa Lawa na á pɛ miɛ̃.

Abdiasi 1:12

A da yaa, ka dɔɔ̃nɔn lɛn bɛ́ koe ne ǹ mɛn pinaa, bɛ̀ ka doamaa bie ka golee ka ga ǹ ganaa wa. Zudaa tɔrɔn kɛn bɛ́ bɔ̀n biɛ ǹ mɛn pinaa, bɛ̀ ka doamaa bie ka golee, ka yaa wɔ ǹ ganaa wa. Ǹ bɛ́ nɔmaa gɔ́ɔ̃ nɛ ǹ mɛn pinaa, bɛ̀ ka doamaa bie ka n lɛ wɔ ǹ ganaa wa.

Misee 7:8

Wɔa zɔ́ɔn lɛn, ka nyan yaa wɔ wɔ ganaa wa koe! A giala, ta wɔ́ mɛnaa, wɔ á re wusii wɔ yoo. Ta wɔ n giã-n wɔlɔ tì li, Dɛnaa Lawa din nə wɔa tɛ fúlu lɛa.

Sofonii 2:4

Gaazaa kiwi kɛ gɔ́ɔ̃ kooro n die goɛ̃. Asikalɔn sɛ n die n bɔ̀n biɛ. Asidɔdi minin tá re n lui penleen tã. Ekrɔn kiwi kɛ sɛ n die n wurii.

Sofonii 2:5

Kasɛn mɛnɛn bɛ́ boe tà lɛ-a gánan nɛ, Kerɛti minin lɛa bɔ̀n nə kaa wɔ lɛa. Kiri mɛn bɛ́ Dɛnaa Lawa n die we ka ganaa, bɛ á ke: «Kanaan, Filisiti minin gána, man die n bɔ̀n biɛ, ma n minin si n la lenlen.

Sofonii 3:11

Bɛa pinaa lɛ nɛ, maa zaman sii baraa mɛn tumaa zɛnaa, ǹ sii woo sii zɛnaa masɛ nɛ, bɛa sìi ba re ǹ kuĩ doo wa. Bɛa biikoo li kəni, min mɛn tumaa bɛ́ ka bii ǹ nə́ n dinin gole koe, ma á re bɛn lui ma ǹ bɔ ka bii, nsɛ, maa zaman, n tɔ nə n din gole kɔ kɛ kaa kəni, n bɔ maa kele sonbore kɛ la.

Zakarii 9:5

Bɛ̀ ǹ nə́ bɛ yɛ, nyɛ́ɛ á re Asikalɔn kiwi kuĩ, Gaazaa gɔ̀nɔn tá re bìn diɛ nyɛ́ɛ gɔn. Foo doa ǹ bǎã ba Ekrɔn la wa, kii ba re yii Gaazaa doo wa, min ba re goɛ̃ Asikalɔn kiwi-n wa.

Minin nimi 21:8

Dɛnaa Lawa tɔ́n pɛ nɛ: «Miɛ̃ babaraa nyín zɛnaa n pɛnɛ bàlà sasa ganaa lon. Bɛ̀ miɛ̃ min woo min kũ, yǎa ǹ dɛnaa nə n yii saa a ga bɛa miɛ̃ nyín lɛ ganaa, ǹ dɛnaa á die liɛ.»

Zozoe 13:3

A n siɛ Sikɔɔrɔ tà kɛ ganaa baa sii kiɛ̃ Ezipti gána yɔrɔ-a, a wo yǎa Ekrɔn lɛkoro-a, gɔsɛ a lɛ̀gɔn la. Bɛa bǎã lɛ doamaa nɛ a Kanaan minin kɛn bǎã baa. Filisiti minin kii sooro kɛ na á goã walan: Gaazaa kiwi wɔ nɛ, Asidɔdi kiwi wɔ nɛ, Asikalɔn kiwi wɔ nɛ, Gaadi kiwi wɔ nɛ, Ekrɔn kiwi wɔ nɛ, ka Avii tɔrɔn kɛn nɛ.