Izayii 14:27 - LAWA A BOO SONBORE

²⁷ Bɛ̀ Dɛnaa Lawa Pàãyiidɛnaa golee sii li, die n boe la a kurəə a zɛnaa ganaa? Bɛ̀ á n gɔn munii saa lon, die n boe la a gisĩ?

LAWA A BOO SONBORE 2011

²⁷ Bɛ̀ Dɛnaa Lawa Pàãyiidɛnaa golee sii li, die n boe la a kurəə a zɛnaa ganaa? Bɛ̀ á n gɔn munii saa lon, die n boe la a gisĩ?

Izayii 14:27 ပူးပေါင်းရင်းမြစ်များ

KZS2 20:6

Á pɛ: – Dɛnaa Lawa, wɔ digolon Lawa, n din ni lon, n nə́ tán a gána tumaa mìi la. Kakabaa ka pàã nə n wɔ lɛa. Min kɔn ba boe la a n gòãn dii n ganaa wa.

Zɔbu 11:10

Bɛ̀ Lawa tele min ganaa, á kũ á da kòso-n, bɛ̀ á bɔ á kiri we a ganaa, die n kurii?

Zɔbu 23:13

Sɛnɛ, asɛ bɛ́ á golee goon la, die n boe la a bɔyaa? Sii mɛn bɛ́ kɔɔ̃n a din ganaa, bɛ nə n zɛnɛɛ.

Zɔbu 40:8

N din parsii, mà n ba masɛ a kiri-kurii lɛ biɛ a lɛa wa? Man giɛ li n masɛ zɛ̀rɛ baa, n sonbore kɔ n din la?

Zɔbu 42:2

– Má dɔ̃ máa n tá boe sii din tumaa la, sii kɔn ba piɛ̃ n ganaa wa.

Zɔbu 9:12

Bɛ̀ á màn mɛn si, die n gɔsiɛ a bɔ a gɔn? Bɛ̀ á sii mɛn zɛnaa, die n nɔ̀n diɛ la?

Loen 33:11

Dɛnaa Lawa sɛ a sii yɔrɔ bɔ n goɛ̃ yǎa duduu, bɛ̀ á sii mɛn koa a yiri ni, bɛ lɛ n giala yii biikoo tumaa li.

Suusun 19:21

Minbuiinin man sii gigiã taasɛ ǹ yiri ni, sɛnɛ, Dɛnaa Lawa foo sii nə n zɛnɛɛ.

Suusun 21:30

Minbuiin nɛ a sii-doɛ̃, a yiridɛnaabaa, ka a taasiɛn ba màn kɔn lɛa Dɛnaa Lawa yɔrɔ-a wa.

Izayii 23:9

Dɛnaa Lawa Pàãyiidɛnaa na á golee bɛ li, màn mɛn bɛ́ toɛ a din koa wolen kɛn gisĩ, a kanaa a min dadaraan kɛn yii puusə kɔ.

Izayii 43:13

Man ma tan Lawa lɛa duduu, Min kɔn ba boe la a min si ma gɔn wa. Bɛ̀ má sii mɛn zɛnaa, min kɔn ba boe la a bɔyaa wa.»

Izayii 46:11

Man giĩ goon bíi we tiãlɛa, sɔsɔɔ, lɛ̀giala-n. Pàã ná a lon ka giogialatã-a bɛ́ lɔn. Ma siin mɛnɛn koa ma yɔrɔ-a, a din nə die bɛn zɛnɛɛ. Ma boo mɛn da, man bɛ zɛnɛɛ. Ma sii mɛn koa ma yɔrɔ-a, man bɛ zɛnɛɛ.

Izayii 8:10

Tɔrɔn lɛn, ka siin yɔrɔ bɔ, sɛnɛ, ǹ ba re yɔrɔ yii wa! Ka n taasɛ siin ganaa, sɛnɛ, ǹ ba re boe wa! A giala, Dɛnaa Lawa n kun ka wɔsɛn nɛ.

Izayii 9:12

Dɛnaa Lawa Izirayeli zaman dɛ. Sɛnɛ, bɛ tumaa kio, Izirayeli nə n bɔyaa á daa Dɛnaa Lawa Pàãyiidɛnaa li wa.

Zeremii 4:28

Bɛ lɛ nɛ, tán nə gɛ̀ koɛ, lon, labara gɔ̀nɔn nə́ tii. Hiĩ! Ma màn mɛn pɛ, man bɛ lɛ zɛnɛɛ, ma a re n lɛ boe, ma wusoo maa da ǹ boo kio wa.

Zeremii 44:28

Ǹ gogoon dinsɔɔ̃ n die liɛ zia la, ǹ bɔ Ezipti ǹ da Zudaa gána nɛ. Bɛa waáraa kəni, Zudaa min gialakunun kɛn tɔn Ezipti gána nɛ, bɛn tá re doɛ̃ bɛ̀ ǹsɛn boo hinlaa bɛ̀ masɛ a boo n yɔrɔ yii.

Zeremii 49:20

Dɛnaa Lawa sii mɛn yɔrɔ bɔ Edɔmu wɔ lɛa, a sii mɛn yɔrɔ bɔ Teman minin wɔ paǹ li, ka n too kɔ bɛ li kəni: Sàabaa ba la wa, maǹ die ǹ giɛrɛɛ tán ka pàã nɛ, kɔnlɛ ka ǹ bɔnboɛɛnɛn tumaa nɛ, ka tɔɔn bɛ́ lɔn. Sàabaa ba la wa, ǹ dinin taman yii, ǹ tá re ǹ zìã wurii.

Zeremii 51:59

Neriya a nɛgiĩ, Maseya a nɔ̀ɔn Seraya na á goã Zudaan kii Sedekiasi a sɔraasin sii yɔrɔ-bɔle lɛa. Sedekiasi a kiibaa lɛ̀ siibaa ǹ wɔ li, Seraya kɔ lɛ á woo Baabilonii. Koe mɛn tumaa doamaa bɛ́ a Baabilonii kiwi yɛ, ka boon mɛnɛn bɛ́ a n li a ǹ da kiwi lɛ ganaa, Zeremii goã á bɛn tumaa kiɛ̃ sɛ́wɔ munii la.

Ezekieli 26:14

Ma á re n bɔyɛɛ ma n baa gɛ̀fu kooro lɛa, n tá re zɔ̀-kũlin zɔ̀ɔ nyɔmaa ǹ bǎã biɛ, kiwi lɛ a re n doe doo duduu wa. A giala, ma din Dɛnaa Lawa-n má pɛ, ma din Dɛnaa Lawa a da ǹ boo ne.

Rɔmu minin 8:28

Wɔ á doɛ̃ dɔn, wáa min mɛnɛn bɛ́ Lawa narɛ, Lawa n dí nyɛɛ sii din tumaa nɛ bɛn bǐɛ̃ a lɛa. A din na á bɛn bíi, á kɔnpɛ ka a din a sii yɔrɔ bɔ nɛ.

Rɔmu minin 8:31

Wɔ n die pii mà wàa kəni? Bɛ̀ Lawa tá kun wɔ nɛ, die n die boe wɔ la?