Izayii 14:24 - LAWA A BOO SONBORE

²⁴ Dɛnaa Lawa Pàãyiidɛnaa liɛ wɔ á pɛ: «Ma boo mɛn da, bɛ lɛ n die n zɛnɛɛ, ma màn mɛn yɔrɔ bɔ, bɛ lɛ n die giala yii!

LAWA A BOO SONBORE 2011

²⁴ Dɛnaa Lawa Pàãyiidɛnaa liɛ wɔ á pɛ: «Ma boo mɛn da, bɛ lɛ n die n zɛnɛɛ, ma màn mɛn yɔrɔ bɔ, bɛ lɛ n die giala yii!

Izayii 14:24 ပူးပေါင်းရင်းမြစ်များ

Siin Giala 41:32

Bɛ̀ ń yǎa ń narɛɛ lɛ wɔ gunyin paa, bɛ n nyɛɛ mà Lawa din a sii yɔrɔ boe ne, a n die n nanaɛ a zɛnaa dɔ li.

Zɔbu 23:13

Sɛnɛ, asɛ bɛ́ á golee goon la, die n boe la a bɔyaa? Sii mɛn bɛ́ kɔɔ̃n a din ganaa, bɛ nə n zɛnɛɛ.

Loen 110:4

Dɛnaa Lawa na á n liɛ kɛnɛn, a ba re wusii a boo dɔ kio wa: Ma n wúlu-bɔle lɛa yǎa duduu, ka Mɛlkizedɛki wɔ bɛ́ lɔn.

Loen 33:10

Tɔrɔ kɔsɔn nə sii mɛn yɔrɔ bɔ, Dɛnaa Lawa bɛ ziziɛ̃. Tɔrɔ kɔsɔ minin nə sii mɛn koa ǹ yiri ni, á bɛ sàabaa.

Loen 92:5

Sonbore, Dɛnaa Lawa, n nya ǹ dín man ma foo kɔɔ̃n koe. Bɛ̀ ma á giɛ ǹ-a, ma nə n lɛ dii nyɛnyɛɛ gɔn.

Bɔ bɛ̀rɛbaa nɛ 17:16

Á pɛ: «Ka daa wɔ n liɛ, wɔ gɔnɔn nə́ lon, dia-n Dɛnaa a zanzan lɛ la, wɔ pɛ: Zia lɛ ka Amalɛki minin ni, a n yǎa duduu zia lɛa.»

Suusun 19:21

Minbuiinin man sii gigiã taasɛ ǹ yiri ni, sɛnɛ, Dɛnaa Lawa foo sii nə n zɛnɛɛ.

Suusun 21:30

Minbuiin nɛ a sii-doɛ̃, a yiridɛnaabaa, ka a taasiɛn ba màn kɔn lɛa Dɛnaa Lawa yɔrɔ-a wa.

Izayii 10:5

Dɛnaa Lawa pɛ: Koe n ka kɛ nɛ Asiirii ganaa, asɛ mɛn bɛ́ maa dɔlɔ bɔ ǹ sɛ̌n lɛa! Man die maa foo-yoo nyɛɛ ka dɔ̀rɔ̀ kɛ lɛ nɛ a gɔn.

Izayii 19:12

Eziptin kii, n yiri kɔmala wolen lɛn maa? Dɛnaa Lawa Pàãyiidɛnaa sii mɛn yɔrɔ bɔ n gána a paǹ li, ǹ bɛ lɛ pɛ n nɛ. Ǹ bɛ nyaa kəni.

Izayii 19:17

Zudaa gána á re Ezipti minin sìi biɛ. Bɛ̀ min Zudaa gána boo da ǹ yɔrɔ-a, nyɛ́ɛ á re ǹ kuĩ sii kɛ taman yii Dɛnaa Lawa Pàãyiidɛnaa ná a yɔrɔ bɔ ǹ wɔ paǹ li.

Izayii 55:8

Dɛnaa Lawa a da ǹ boo á ke: Kaa taasiɛn ba maa taasiɛn lɛa wa. Kaa sii zɛnaa ǹ gɔn laanka maa wɔ ba goon wa.

Izayii 55:9

Lon laanka tán wɔlɔ bɛ́ sɔsɔɔ kɔn-a lɔn, maa sii zɛnaa ǹ gɔn laanka kaa wɔ wɔlɔ n lui-n kɔn miɛ̃, maa taasiɛn laanka kaa taasiɛn dɔn man miɛ̃.

Zeremii 23:20

Dɛnaa Lawa sii mɛn yɔrɔ bɔ á koa a yɔrɔ-a, yǎa bɛ lɛ piɛ̃, a foo-yoo baraa kɛ tɔn golee. Bɛ kio, ka á re a giala miɛ.

Zeremii 29:11

Hiĩ, masɛ Dɛnaa Lawa, ma sii mɛn yɔrɔ bɔ kaa wɔ lɛa, ma á bɛ doɛ̃: «Baraa bie wa, bǐɛ̃ lɛ piɛ̃ nɛ. Ma á re toɛ kaa biɛ̃ ǹ n biɛ̃ kɔ.» Dɛnaa Lawa a da ǹ boo ne.

Zeremii 44:26

Sɛnɛ, kasɛn Zudaa minin kɛn giã-n Ezipti gána nɛ, ka n too kɔ Dɛnaa Lawa a boo kɛ li! Á ke, masɛ Dɛnaa Lawa, ma nə n liɛ ka ma tɔ gole kɛ nɛ: Ezipti gána tumaa nɛ, Zudaa min kɔn ba re masɛ tɔ pii wa. Min kɔn ba re pii doo: "Ka Dɛnaa Lawa, Lawa yiikoonaa tɔ nɛ wa".

Zeremii 49:20

Dɛnaa Lawa sii mɛn yɔrɔ bɔ Edɔmu wɔ lɛa, a sii mɛn yɔrɔ bɔ Teman minin wɔ paǹ li, ka n too kɔ bɛ li kəni: Sàabaa ba la wa, maǹ die ǹ giɛrɛɛ tán ka pàã nɛ, kɔnlɛ ka ǹ bɔnboɛɛnɛn tumaa nɛ, ka tɔɔn bɛ́ lɔn. Sàabaa ba la wa, ǹ dinin taman yii, ǹ tá re ǹ zìã wurii.

Zeremii 50:45

Dɛnaa Lawa sii mɛn yɔrɔ bɔ Baabilonii gána wɔ lɛa, a sii mɛn yɔrɔ bɔ Baabilonii minin wɔ paǹ li, ka n too kɔ bɛ li kəni. Sàabaa ba la wa, maǹ die ǹ giɛrɛɛ tán ka pàã nɛ, kɔnlɛ ka ǹ nɛnyaanan tumaa nɛ, ka tɔɔn wɔ bɛ́ lɔn. Sàabaa ba la wa ǹ dinin taman yii, ǹ tá re ǹ zìãn wurii.

Busii pɛ 3:37

Die n boe la a boo da, a toa bɛa boo lɛ kaa lɛ? Dɛnaa Lawa din bie wa?

Ezekieli 12:25

A giala, masɛ din nə Dɛnaa Lawa lɛa. Bɛ̀ ma màn mɛn pɛ, bɛa zɛnaa ba ǹ lɔloɛ wa. Man die ka toɛ ka yii n koo tɔrɔ piã-wɔlen lɛn, ma bɛ́ màn mɛn pii, ma bɛ zɛnaa. Ma din Dɛnaa Lawa a da ǹ boo ne.»

Ezekieli 39:4

N din ni, n sɔraasin ni ka zaman mɛn tumaa dɔ bɛ kunun n ni, ka tumaa á re giɛ̃ Izirayeli a kelen kɛn la. Ma á re n gere koe zèwon la, bàan mɛn tumaa bɛ́ siĩ mui, ka don màn babaraan tumaa nɛ.

Amɔɔsi 3:6

Bɛ̀ ń ziabaa ǹ bɛn wuu ma boe kiwi, nyɛ́ɛ á re a minin kuĩ. Bɔ̀n ba kiwi kɔn yii, bɛ̀ Dɛnaa Lawa na a lɛ kɔ wa.

Amɔɔsi 8:7

Dɛnaa Lawa tɔ́n pɛ kɛnɛn: Izirayeli minin tá ǹ dinin gole koe ǹ kiwi a lɛa. Man nə n liɛ ka ǹ gána lɛ nɛ kəni. Ma yiri á re boe ka ǹ nya ǹ dí kɛ kɔn nɛ duduu wa.

Matiə 11:25

A din waáraa kɛ lɛ nɛ, Yezu pɛ: «Ma Di Lawa ganaa, lon laanka tán a Dɛnaa, masɛ n barka diɛ n nɛ. A giala n din ni ń siin kɛn duru sii-dɔ̃lin laanka yiridɛnan la, ń nyaa baãnaanan manɛ.

Nya ǹ dín 4:28

Lawa din saa lɛlɛ, á siin mɛnɛn taasɛ, á ǹ yɔrɔ bɔ á ǹ koa, minin lɛn man nə́ bɛn lɛ pã ǹ siin dininsɔɔ̃nɔn zɛnaa.

Efɛɛzi minin 1:9

Lawa dinmaa na á saa lɛlɛ á bɛa sii lɛ yɔrɔ bɔ á koa, á n die zɛnɛɛ ka Krita nɛ. A din foo sii ni, á goã durii-n lɛlɛ. Sɛnɛ kanna, á nyaa wɔ nɛ.

Ebrəə 4:3

Wɔsɛn mɛnɛn bɛ́ wɔ́ golee Lawa li, wɔsɛn man we susui lɛ nɛ. Lawa din na á boo kɛ pɛ taãn-taãnɛ susui lɛ wɔ gɔn la: «Bɛ lɛ na á toa, maa foo-yoo gɔ́ɔ̃ nɛ, má n liɛ máa ǹ ba re we maa susu ǹ gána kɛ-n wa.» Lawa a dí na a nya kanaa diɛ waáraa wa? Á nya.

Zozoe 11:20

A giala, Dɛnaa Lawa din na á ǹ foo laa, á ǹ kaa kɔn ka Izirayeli minin lɛn nɛ. A na á goã giɛ li, bɛn nə ǹ dɛ ǹ nə ǹ nya lenlen, ǹ nə́ ǹ ba n tɛn toɛ ǹ nɛ wa, ka Dɛnaa Lawa goã á pɛ Muizu-n lɔn.