Izayii 14:2 - LAWA A BOO SONBORE

² Tɔrɔ kɔsɔn tá re Izirayeli minin kuĩ ǹ wo ǹ koa ǹ gána nɛ. Dɛnaa Lawa a tán la walan, Izirayeli minin lɛn tá re n bɔyɛɛ ǹ bɛa minin lɛn baa bɛ̀rɛn lɛa, giĩn laanka lɔn nɛ. Min mɛnɛn nə ǹ baa bɛ̀rɛn lɛa lɛlɛ, ǹ dɔn tá re bɛn biɛ bɛ̀rɛn lɛa. Min mɛnɛn nə nɔmaa da ǹ mii-n lɛlɛ, ǹ dɔn tá re bɛn kiãn biɛ sisia.

LAWA A BOO SONBORE 2011

² Tɔrɔ kɔsɔn tá re Izirayeli minin kuĩ ǹ wo ǹ koa ǹ gána nɛ. Dɛnaa Lawa a tán la walan, Izirayeli minin lɛn tá re n bɔyɛɛ ǹ bɛa minin lɛn baa bɛ̀rɛn lɛa, giĩn laanka lɔn nɛ. Min mɛnɛn nə ǹ baa bɛ̀rɛn lɛa lɛlɛ, ǹ dɔn tá re bɛn biɛ bɛ̀rɛn lɛa. Min mɛnɛn nə nɔmaa da ǹ mii-n lɛlɛ, ǹ dɔn tá re bɛn kiãn biɛ sisia.

Izayii 14:2 ပူးပေါင်းရင်းမြစ်များ

Ɛsidrasi 2:65

ǹ bɛ̀rɛgiĩn laanka ǹ bɛ̀rɛlɔn nə́ ǹ ba a-n wa. Ǹ bɛ̀rɛgiĩn lɛn laanka bɛ̀rɛlɔn lɛn man min duu sɔbaa ka biɛsɔɔ ka pɔsɔɔwensɔbaa (7 337). Ǹ lɔ kɔlɔn laanka ǹ giĩ kɔlɔn man nə́ goã min biɛpaa.

Loen 68:18

Lawa a ziabaa ǹ wotoron lɛn man duu gigiã. Dɛnaa Lawa na á yoo Sinayii kele la ka bɛn lɛn nɛ, á daa bǎã sonbore lɛ nɛ.

Izayii 18:7

Bɛa biikoo li kəni, tɔrɔ sɔsɔrɔ gɔ̀nɔn tɛ-pɛle kɛ á re gɔn mànan koe Dɛnaa Lawa Pàãyiidɛnaa la, ǹsɛn kɛn lɛn nyɛ́ɛ diɛ bǎã tumaa nɛ, pàã nə ǹ lon, ǹ nə́ ǹ zɔ́ɔn yɔyɔrɛ, tàn nə́ kiɛ̃ ǹ gána nɛ. Maǹ woe bɛa gɔn mànan lɛn nɛ *Siɔn kele la, ka bǎã kɛ nɛ Dɛnaa Lawa Pàãyiidɛnaa tɔ n la.

Izayii 31:8

Gɔya sa mɛn bɛ́ re Asiirii dii, minbuiin nɛn wɔ bie wa. Gɔya sa ke die dii, minbuiin nɛ a màn zɛnaa bie wa. Asiirii minin tá re baa sii ǹ nyɛɛnɛ, ǹ tá re ǹ sɔraasi tenən kuĩ, ǹ wo ǹ kaa pàã dí ganaa.

Izayii 45:14

Dɛnaa Lawa n kɛ pii: Izirayeli, Ezipti minin dí a là ke, Etiopii pii-kɔlen naforo ne, Sebaa min sɔsɔrɔn kɛn nɛ, bɛn tumaa n die die n li, ǹ nə n wɔ baa. Bɛa tɔrɔn lɛn tá re koe n lɛ, ǹ nə́ yii ni ka fɔlɔ biɛn nɛ. Ǹ tá re n musin koɛ tán-a n yɔrɔ-a. Ǹ tá re pii ka ǹ we ne n yɔrɔ-a: «Lawa nə n dinsɔɔ̃ li, lawa kɔsɔn kɛn man màn kooron lɛa.»

Izayii 49:22

Dɛnaa Lawa n kɛ pii: Á ke, man die n gɔn yiɛ tɔrɔ kɔsɔn manɛ. Man die sii giala pɛ ǹ zanzan zumi ǹ wɔ lɛa. Ǹ tá re die n nɛgiĩn ni ǹ kolo-n, ǹ nə n nɛlɔn kɛn gũ ǹ kɔrɔn.

Izayii 49:23

KIIN tá re n nɛnyaanan toe. Kii a nɛlɔn tá re màn-bii koe ǹ la. Ǹ tá re n musin koɛ tán-a n yɔrɔ-a, ǹ nyanlɛ n doa-n tán, ǹ nə n guguru kɔ. N tá re doɛ̃ ka bɛ-n kəni, mà ma din nə Dɛnaa Lawa lɛa. Min mɛnɛn dɔn bɛ́ n foo doɛ masɛ ganaa, sìi á re ǹ kuĩ wa.

Izayii 49:25

Dɛnaa Lawa a lɛ si ǹ boo á ke: Hiĩ, sàabaa ba la wa. Ma á re zia-baali a kòso nɛ lɛ gɔsiɛ a gɔn, zia-baali mànan mɛnɛn si zia la, ma á re bɛn sii la. Minin mɛnɛn bɛ́ zia biɛ n ganaa, ma din nə die yui bɛn gialaa, ma n nɛnyaanan kirisibaa.

Izayii 54:3

A giala, n tá re n lɛ boe la paǹ yii li. N nɛgiĩn tá re n miãkɛnɛn gánan sii, ǹ nə n kɔ lɛ. Ǹ tá re wusii ǹ giã kiwi gɔ́ɔ̃ kooraan kɛn nɛ.

Izayii 60:14

Min mɛnɛn nə fuu nyaa n nɛ, bɛn nɔ̀ɔnɔn tá re n mɔrɛɛ n ganaa, ǹ mìi n kuməə ne. Min mɛnɛn nə n baa màn kooro lɛa, bɛn tá re n musin koɛ tán-a n yɔrɔ-a. Ǹ tá re n bíi: «Dɛnaa Lawa a kiwi, Izirayeli a Lawa sonbore a *Siɔn.»

Izayii 60:4

N yii saa lon n ga n paǹ tumaa li: Ǹ tumaa nə n lɛ soekɔn, ǹ nə́ die n li. N nɛgiĩn man boe sɔsɔɔ die, maǹ nə n nɛlɔn guĩ ǹ kolo-n.

Izayii 61:5

Tiin tá re goɛ̃ ǹ tan, ǹ kaa sèren laanka ka bòen lɛduə̃. Minin tá re boe bǎã kɔsɔn nɛ, ǹ da kaa wurun laanka kaa *rezɛ̃ da wurun kɔsɔ.

Izayii 66:12

Dɛnaa Lawa n kɛ pii: Á ke, man die là nyantoro diɛ baa si ganaa Zeruzalɛmu ka tà bɛ́ lɔn, tɔrɔ kɔsɔn naforo kɛ baa si ka mu zii bɛ́ lɔn á pã á toɛ̃. Man die ka tamɛɛ ka lɔ bɛ́ a nɛnyaan tiɛɛ̃n tamɛɛ lɔn: a n diɛ a kolo-n, a bɔ a da a gòã la, a na a là wɔraa.

Zeremii 30:16

Sɛnɛ, min mɛn tumaa basaã kɔ n nɛ, ma á re basaã koe ǹ dɔn manɛ. Ń zɔ́ɔn tumaa á re woe bɛ̀rɛbaa ǹ bǎã nɛ. Min mɛnɛn bɛ́ koɛɛn we n ne, ǹ tá re koɛɛɛn we ǹ dɔn manɛ. Min mɛnɛn bɛ́ mɛnɛɛ n la, ǹ tá re mɛnɛɛ ǹ dɔn la.

Zeremii 49:2

«Dɛnaa Lawa a da ǹ boo á ke, lɛawaan tá re doe, man die toɛ, ziabaa ǹ lɛ dɛ bɔ Rabaa, Amɔn tɔrɔn kiwi gole kɛ nɛ. Bɛa kiwi gole lɛ á re kɛbɔlɔ biɛ. Tɛ á re a lɛkoro lɛ-a kiwin kuĩ. Bǎãn mɛnɛn bɛ́ Izirayeli wɔ lɛa, á re ǹ sii.»

Ezekieli 39:10

Ǹ laadoo ba re doe a ganaa ǹ wo gɔn yɔ don wa, ǹ ba re da kuri daã-n wa. A giala, maǹ die tɛ koɛ ka ziabaa ǹ mànan kɛn lɛn nɛ. Min mɛnɛn nə ǹ mànan goa, ǹ tá re bɛn wɔn goɛ, min mɛnɛn nə ǹ mànan si ǹ la, ǹ tá re bɛn wɔn sii ǹ la. Ma din Dɛnaa Lawa a da ǹ boo ne.

Lawa a wúlu-bɔlen 25:44

Bɛ̀ ka tá li ka bɛ̀rɛ pii, tɔrɔ kɔsɔn mɛnɛn bɛ́ ka lɛnpɛnɛ, ka pii bɛn li.

Abdiasi 1:17

Sɛnɛ, min mɛnɛn bɛ́ re baa sii ǹ la, bɛn tá re n duri *Siɔn kele kɛ la, á re wusii a kele sonbore baa. Zakɔba tɔrɔn tá re wusii, ǹ nə ǹ bǎã si ǹ zɔ́ɔn la.

Zakarii 2:13

Sonbore, man die yui tɔrɔn kɛn gialaa. Min mɛnɛn nə goã ǹ bɛ̀rɛn lɛa, bɛn tá re ǹ dɔn kokoe.» Bɛ̀ bɛ nə́ n zɛnaa, ka á re doɛ̃ ka bɛ nɛ, mà Dɛnaa Lawa Pàãyiidɛnaa na á ma dia.

Zakarii 2:9

Dɛnaa Lawa a da ǹ boo á ke: Ma dinmaa á re goɛ̃ ma tan ka tɛ kungɔn bɛ́ lɔn kiwi lɛ lɛnpɛnɛ. Ma á re maa tɔ golebaa nyɛɛ kiwi lɛ bii.»

Luku 12:45

Sɛnɛ, bɛ̀ bɛa dí-nyali kɛ lɛ pɛ a din gɔ́ɔ̃ nɛ: «Maa dɛnaagiĩ lɛ a daa á tɔn sɔsɔɔ», á yoo, a tá ǹ miã dí-nyali gialakunun kɛn dii, a giĩ laanka a lɔdɛnan nɛ. A n màn bii, a n màn mii, á n we a yii ni.

Rɔmu minin 15:27

Bɛa Lawa-nyankɔlen lɛn man nə́ bɛ bɔ ǹ dinin ni. Ǹ doamaa dɔ nɛ. A giala, naforon mɛnɛn bɛ́ golee Lawa li gɔ́ɔ̃ nɛ, Zuifu Lawa-nyankɔlen nə́ bɛn gii kɔn ka tɔrɔ kɔsɔn nɛ, tɔrɔ kɔsɔn dɔn doamaa nɛ, ǹ nə ǹ gɔn mànan gii kɔn ka bɛa Zuifun lɛn nɛ.

Korɛnti2 10:5

Min mɛn tumaa a din gole kɔ bɛ́ a la yii ni, n dinin koɛ Lawa-doɛ̃ ganaa, wɔ ǹ bɛn tumaa gisĩ. Wɔ n min tumaa a taasiɛ kuĩ wɔ á golee ne, yǎa ǹ dɔn nə Krita a boo sii.

Galaasi minin 5:13

Kasɛn wɔ paǹ li, ma dɔɔ̃nɔn lɛn, Lawa na á kasɛn bíi mà ka goã ka gɔn wìi a lɛa. Sɛnɛ, ka bɛ́ ka dinin gɔn wìi a lɛa ke, ka nyan taasɛ, mà ka á boe la ka sii tumaa zɛnaa kanna, a kɔnpɛ ka ka gɔ̀nɔn foo siin kɛn nɛ wa. Sɛnɛ, ka n dɔ kɔn lɛ ka kɔn-narɛɛ nɛ.

Efɛɛzi minin 4:8

Ka ǹ bɛ́ pii Lawa a sɛ́wɔ-n lɔn: «A bɛ́ á dii lon, á woo ka bɛ̀rɛn nɛ kun ka a din ni, á bǐɛ̃ zɛnaa minbuiinin manɛ.»

Sii-nyaan 3:9

Min mɛnɛn bɛ́ n dinin biɛ Zuifun lɛa, ǹ nə́ ǹ ba a lɛa dɔn wa, maǹ soɛ boe, maǹ *Sɛtaan a lɛ-kaakun minin lɛa, ma á re ǹ kuĩ ka pàã nɛ, ǹ da kaa tán ka giulun. Ǹ tá re doɛ̃ ka bɛ nɛ, mà ma á ka narɛ.