Izayii 14:17 - LAWA A BOO SONBORE

¹⁷ A din lɛ bie á goã tán bɔyɛɛ biɛ diə gole lɛa, kiwin yui, n piɛ̃ ka kòso nɛn kaa-n wa ya.»

LAWA A BOO SONBORE 2011

¹⁷ A din lɛ bie á goã tán bɔyɛɛ biɛ diə gole lɛa, kiwin yui, n piɛ̃ ka kòso nɛn kaa-n wa ya.»

Izayii 14:17 ပူးပေါင်းရင်းမြစ်များ

Izayii 14:16

Min mɛnɛn bɛ́ walan, ǹ yii bɛ n ganaa die, ǹ nə́ n yiin doa n la, ǹ nə́ pii: «Giĩ kɛ lɛ yii die, a din kɛ lɛ bie á goã bìn diɛ tán ganaa, a n bɔ̀n diɛ tɔrɔn ganaa wa ya?

Izayii 14:18

Tɔrɔn tumaa a kiin, hiĩ ǹ tumaa nə n susui ka gugurubaa nɛ ǹ yalan nɛ.

Izayii 45:13

Ma din ni má giĩ lɛ da zii la, màn mɛn bɛ́ toɛ a peperebaa zɛnaa. A bɛ boe la a n gòã na màn mɛn tumaa ganaa, ma á re bɛ yii tumaa woɛ̃ ma bɔ a nyɛɛnɛ. A din nə die wusii a maa kiwi Zeruzalɛmu dɔ. Ǹ min mɛnɛn goa ǹ nə́ woo ǹ ne bɛ̀rɛbaa ǹ bǎã nɛ, a din nə die toɛ ǹ wusoo ǹ daa. Ǹ ba re màn kɔn boe wa, ǹ ba re màn kɔn sarɛɛ wa. Dɛnaa Lawa Pàãyiidɛnaa na á pɛ.

Izayii 58:6

Lɛ sɔɔ mɛn bɛ́ kɔɔ̃n ma ganaa, á ke: Ǹ mɛnaa min mɛnɛn la, ka bɛn si ka ǹ kaa. Zǔu mɛn bɛ ǹ wìi li, ka bɛ bɔ ka bɔ ǹ ganaa. Ǹ bɛ́ min mɛnɛn nɔmɛɛ, ka bɛn si ka ǹ kaa. Sii mɛn tumaa bɛ́ ǹ biɛ bɛ̀rɛn lɛa, ka bɛ yii sàabaa.

Izayii 64:10

Wɔ digolon nə goã n tɔ boe kion sonbore siĩn-siĩn mɛn lɛ nɛ, ǹ nə́ tɛ da bɛ ganaa. Màn mɛn tumaa goã kɔɔ̃n wɔ ganaa, bɛ tumaa basaã baa.

Zeremii 50:33

Dɛnaa Lawa Pàãyiidɛnaa n kɛ pii: Maǹ nə́ Izirayeli laanka Zudaa minin yɔyɔrɛ ka kakaarɛbaa nɛ. Ǹ goa wolen manə n gɔn parɛɛ ǹ ganaa, maǹ nə n piɛ̃ mà ǹ ba n gɔn boe ǹ ganaa wa.

Ezekieli 32:23

Asiirii minin yalan lɛn man tán giulun sɔsɔɔ. Ǹ yalan lɛn man kii lɛ wɔ lɛnpɛnɛ. Ǹ nə́ ǹ tumaa dɛ zia la, ǹsɛn mɛnɛn nə goã nyɛ́ɛ kiɛ minin ganaa, yiikoonaan kanaa kɛ nɛ.

Ezekieli 6:14

Man die yui ǹ gialaa, ta maǹ giã-n bǎã mɛn nɛ gána lɛ nɛ, ma á re ǹ tumaa lui, a saa diə gole kɛ ganaa, a wo Dibla kiwi yaa. Ǹ tá re doɛ̃ ka bɛ lɛ-n kəni, mà ma din nə Dɛnaa Lawa lɛa.

Zowɛli 2:3

Bɛ̀ ǹ nə́ n yɔrɔ dia bǎã mɛn nɛ, ka tɛ n kuĩ die. Bɛ̀ ǹ nə́ bɔ bǎã mɛn nɛ, ka tɛ na á bɔ walan. Ǹ bɛ́ ǹ tɔn daa wa, gána lɛ na á goã ka Edɛn dù gɔrɔ kɛ bɛ́ lɔn. Sɛnɛ ǹ kiɛ̃ kio, á n baa ka maǹ nə́ don dɛ. Màn kɔn ba liɛ ǹ la wa.

Abakuku 1:7

Maǹ kakaarɛ, nyɛ́ɛ diɛ. Ǹ dininmaan manə ǹ dí-pɛn koɛ, ka ǹ zɛnaa ǹ siin ni.