Izayii 14:16 - LAWA A BOO SONBORE

¹⁶ Min mɛnɛn bɛ́ walan, ǹ yii bɛ n ganaa die, ǹ nə́ n yiin doa n la, ǹ nə́ pii: «Giĩ kɛ lɛ yii die, a din kɛ lɛ bie á goã bìn diɛ tán ganaa, a n bɔ̀n diɛ tɔrɔn ganaa wa ya?

LAWA A BOO SONBORE 2011

¹⁶ Min mɛnɛn bɛ́ walan, ǹ yii bɛ n ganaa die, ǹ nə́ n yiin doa n la, ǹ nə́ pii: «Giĩ kɛ lɛ yii die, a din kɛ lɛ bie á goã bìn diɛ tán ganaa, a n bɔ̀n diɛ tɔrɔn ganaa wa ya?

Izayii 14:16 ပူးပေါင်းရင်းမြစ်များ

Loen 52:7

Bɛ lɛ n ke, Lawa á re n dii a n da tán, á re n kuĩ n kion kɛ nɛ, a n giɛraa a soo n ne kanaa, á re n gòɛ̃ boe a bɔ yiikoonaan kanaa kɛ nɛ. Doa

Loen 64:9

Lawa n die ǹ kuĩ ǹ dinin lɛ gɔ́ɔ̃ ǹ boon li, a ǹ ziziɛ̃. Min mɛnɛn tumaa bɛ́ ǹ yii, bɛn tumaa á re ǹ puusə koe.

Izayii 14:15

Sɛnɛ, n woo n din yaa geren piɛ, nyankɔrɔ gole kɛ gɔ́ɔ̃ nɛ.

Izayii 14:17

A din lɛ bie á goã tán bɔyɛɛ biɛ diə gole lɛa, kiwin yui, n piɛ̃ ka kòso nɛn kaa-n wa ya.»

Zeremii 50:23

Baabilonii na á goã yele lɛa, kanaa tumaa yɔyɔrɛ. Á ke, á yɔyɔrɛ, á pɔpɔsɛ. Bɛ na á saa lɔn kəni? A na á saa lɔn, Baabilonii kɛbɔlɔ baa tɔrɔn bii?

Ezekieli 32:23

Asiirii minin yalan lɛn man tán giulun sɔsɔɔ. Ǹ yalan lɛn man kii lɛ wɔ lɛnpɛnɛ. Ǹ nə́ ǹ tumaa dɛ zia la, ǹsɛn mɛnɛn nə goã nyɛ́ɛ kiɛ minin ganaa, yiikoonaan kanaa kɛ nɛ.

Ezekieli 32:27

Lɛlɛ a zia-baali kakan kɛn, ǹ nə ǹ geren bĩ kun ka bɛn nɛ wa. Bɛn man nə́ goã nyɛ́ɛ kiɛ minin ganaa, yiikoonaan kanaa kɛ nɛ. Sɛnɛ, ǹ nə́ ǹ gere bĩ kun ka ǹ ziabaa ǹ mànan nɛ, ǹ nə́ ǹ gɔya san kaa ǹ mìi li, ǹ gɛ̀-dɛ lɛ a gugurubaa mɛ ǹ we la.

Nahumu 3:6

Man die yisi kiɛ n la, n bɛbɛnɛ, má n nyaa sii a kɔnboe lɛa.

Abakuku 1:10

KIIN ba màn kɔn lɛa ǹ yii li wa. Ǹ laadoo bie ka gána a nyɛɛnaandɛnan nɛ wa. Kiwi tamaa-wolen ba nyɛ́ɛ diɛ ǹ ganaa wa. Maǹ tii diɛ kɔn la kungɔnɔn kio, ǹ dii la, ǹ boo la ǹ kiwin kũ.

Abakuku 1:17

Ǹsɛn man die goɛ̃ ǹ zɔ̀ɔ lɛ binyii miɛ̃ duduu? Maǹ die goɛ̃ tɔrɔ kɔsɔn kɛn dii miɛ̃ duduu ǹ makara ná a boe ǹ ganaa wa?