Izayii 14:13 - LAWA A BOO SONBORE

¹³ Ma nə n goã pii n din gɔ́ɔ̃ nɛ: «Ma á re dii lon, ma maa kii dankan kɛ koa Lawa a leeren kɛn lalan. Kele mɛn bɛ́ gɔsɛ a lɛ̀gɔn la, lawan lɛsɔkɔn bǎã lɛa, man die giɛ̃ bɛ la.

LAWA A BOO SONBORE 2011

¹³ Ma nə n goã pii n din gɔ́ɔ̃ nɛ: «Ma á re dii lon, ma maa kii dankan kɛ koa Lawa a leeren kɛn lalan. Kele mɛn bɛ́ gɔsɛ a lɛ̀gɔn la, lawan lɛsɔkɔn bǎã lɛa, man die giɛ̃ bɛ la.

Izayii 14:13 ပူးပေါင်းရင်းမြစ်များ

Zɔbu 20:6

Ta a sasabaa na á dɔ yǎa Lawa ganaa, ta a mìi la na á dɔ labaran ganaa,

Loen 48:2

Dɛnaa Lawa á gole, gugurukɔ tumaa na a din wɔ lɛa, wɔa Lawa a kiwi kɛ nɛ, a kele sonbore kɛ la.

Izayii 2:2

Lɛawaa kɔn tá re doe Dɛnaa Lawa a kion lɛ bɛ́ kele mɛn la, a mìi la á re liɛ kelen tumaa wɔ nɛ, á re goɛ̃ tentelen tumaa lalan. Tɔrɔn tumaa á re yiɛ ǹ wo walan girigiri.

Zeremii 49:16

Ma n nyɛ́ɛ da ǹ màn lɛa, n nə́ n din koɛ n miãn ganaa. Sɛnɛ, ma nə n din siɛ̃. N giã ǹ bǎã n ka kele yalan nɛ, sɛnɛ, n woo giã kele mìi ni. Ta ma n nə́ n kii dɔ lon sɔsɔɔ á la zèwo wɔ nɛ, man die n zuĩ yǎa tán.» Dɛnaa Lawa a da ǹ boo ne.

Ezekieli 27:3

Kɛ pɛ Tiiri kiwi lɛ nɛ, nsɛ mɛn bɛ́ yìsi mu lɛkoro lɛ-a, pii koe kun ka tɔrɔ kɔsɔn nɛ. Masɛ Dɛnaa Lawa n kɛ pii n ni: Nsɛ Tiiri kiwi, táa ma nə́ n pɛ mà nsɛ siĩn kɔ á la yii ni.

Ezekieli 28:2

Minbuiin a nɛ, a pɛ Tiiri kiwi kɛ a kii ni mà masɛ Dɛnaa Lawa a da ǹ boo á ke: A giala, n nə́ n din gole kɔ, ń pɛ mà nsɛ n lawa lɛa, giã-n lawabaa ǹ kii dankan la, yìsi mun kɛn bii. A da yaa n nə n minbuiin nɛ lɛa, n bie Lawa lɛa wa. Sɛnɛ, n dɔ á ke, ń nə́ n din baa ka Lawa bɛ́ lɔn...

Ezekieli 28:9

Min mɛn lɛ bɛ́ re n dii, n yii a we n pɛ mà nsɛ n Lawa lɛa? N nə n minbuiin nɛ lɛa, n bie Lawa lɛa min kɛ lɛ gɔn die n foɛ̃ wa.

Ezekieli 29:3

Boo da n pɛ, mà masɛ Dɛnaa Lawa n kɛ pii: Nsɛ Eziptin kii Faarahɔn kɛ lɛ, man die n gialaa. Nsɛ mu li ǹ màn babaraa kɛ lɛ, waa-n tán Ezipti a tà gòã nɛ, táa n din nə́ ń pɛ mà nsɛ din a tà n ka n tà nɛ, ma nsɛ nə ń zɛnaa n din wɔ lɛa.

Ezekieli 31:10

Bɛ́ lɛ na á toa masɛ Dɛnaa Lawa á kɛ pii kii wɔ paǹ li: «Da kaka lɛ bɛ́ á gole kɔ, a mìi la woo n doa labaran ganaa bɛ lɛ na á toa din gole kɔ wɔ a foo ne.

Ezekieli 40:2

Lawa a sii-nyaa gɔ́ɔ̃ nɛ, má woo ma din yaa Izirayeli gána nɛ. Á ma da kele sasasa goon mìi ni walan, gusin a lɛ̀gɔn la. Mànan mɛnɛn nə goã bɛa kele lɛ a gusin a lɛ̀gɔn la, maǹ ka kiwi kɔn a kionən bɛ́ lɔn.

Abdiasi 1:3

Táa n din-koa baraa kɛ lɛ nə n yiri siɛ̃! Nsɛ bɛ́ giã-n kele kɔ́sɔ nɛ, n nə́ lon kelen lalan, ma n taasɛ kəni: «Die n boe la a masɛ da gisĩ tán ganaa?»

Sofonii 2:15

Ninivu n die goɛ̃ kɛnɛn lɛn, asɛ mɛn bɛ́ á goã foo kɔɔ̃nbaa la, ka là nyantoro ne, a n pii a gɔ́ɔ̃ nɛ: «Min kɔn ba ka wɔ bɛ́ lɔn wa!» Sɛnɛ, Ninivu kɛbɔlɔ baa á don siĩn duru ǹ bǎã baa. Min mɛn tumaa bɛ́ kiɛ̃ walan, maǹ puru diɛ a ganaa, ǹ nə́ n gɔn pɛsɛ̃.

Matiə 11:23

Kasɛn Kafaranaamu minin kɛn man taasɛ mà ka n die gole koe yǎa Lawa ganaa? Ka n die gisĩ yǎa bɔ̀nbaa ǹ tɛ gole kɛ nɛ. A giala kaãbaa ǹ siin mɛnɛn bɛ́ ǹ nə́ n zɛnaa kaa piɛ, bɛ̀ bɛn man nə́ n zɛnaa Sodɔmu, kiwi kɛ lɛ Lawa ziziɛ̃ ka tɛ nɛ, bɛ̀ a tá tɔn a tan haalɛ pelo.

Luku 10:15

Nsɛ Kafaranaamu kiwi ganaa, ma n taasɛ mà n tá re gole koe, yǎa n doe Lawa ganaa? Haayii! N tá re gisĩ yaa bɔ̀nbaa ǹ tɛ gole kɛ nɛ.»

Tesaloniki2 2:4

Minbuiinin bɛ́ màn mɛn tumaa guguru koe, a n die n gòãn doɛ kɔn ka bɛ din tumaa nɛ, a zia da ǹ ganaa, yǎa a dinmaa die giɛ̃ tán Lawa a Kion, a pii mà asɛ n Lawa lɛa.