Izayii 14:12 - LAWA A BOO SONBORE

¹² Sɔ̀ tɛ-pɛle, nsɛ baayɛlɛ a nɛ, a n siɛ lɔn kəni n tá niɛ̃ lon mɛnɛɛ? Ń bɔ lon ń mɛnaa! Ǹ nə́ n zũ tán, nsɛ mɛn goã tɔrɔn bɔyɛɛ ǹ kiɛ.

LAWA A BOO SONBORE 2011

¹² Sɔ̀ tɛ-pɛle, nsɛ baayɛlɛ a nɛ, a n siɛ lɔn kəni n tá niɛ̃ lon mɛnɛɛ? Ń bɔ lon ń mɛnaa! Ǹ nə́ n zũ tán, nsɛ mɛn goã tɔrɔn bɔyɛɛ ǹ kiɛ.

Izayii 14:12 ပူးပေါင်းရင်းမြစ်များ

Izayii 13:10

Leeren laanka leere kurun kɛn ba re folon kiɛ doo wa. Wasa n die tii a bɔ tán waáraa. Mui a re folon kiɛ doo wa.

Izayii 34:4

Leere kurun kɛn man pɔpɔsɛ kiɛ. Lon nə n muni ka sɛ́wɔ bɛ́ lɔn. Lon màn tɛ-pɛle dadaran kɛn man mɛnɛɛ, ka luu gere bɛ́ boe lon mɛnɛɛ lɔn hinlaa ka da nɛ mərə bɛ́ niɛ̃ mɛnɛɛ lɔn.

Zeremii 50:23

Baabilonii na á goã yele lɛa, kanaa tumaa yɔyɔrɛ. Á ke, á yɔyɔrɛ, á pɔpɔsɛ. Bɛ na á saa lɔn kəni? A na á saa lɔn, Baabilonii kɛbɔlɔ baa tɔrɔn bii?

Zeremii 51:53

Ta Baabilonii din dii lon sɔsɔɔ, ta á n duru kungɔn sɔsɔrɔn kio, min mɛnɛn bɛ́ re die a ziziɛ̃ taman yii, ǹ gɔn tá re doe a ganaa. Ma dinmaa nə ǹ diɛ. Dɛnaa Lawa a da ǹ boo ne.

Busii pɛ 2:1

Ebe! Dɛnaa Lawa a foo-busii kɛ taman yii, á *Siɔn da wɔlɔ tì li. A foo bɛ́ á yoo Siɔn li, á n toa lon sɔsɔɔ, á Izirayeli a gugurubaa kɛ zũ tán. A foo-yoo taman yii, a yiri bɔ a kion kɛ din ni, a doamaa bɛ nɛ a giã ǹ mɛn lɛ nɛ.

Ezekieli 26:17

Ǹ tá re gɛ̀ loe loe n la, ǹ kɛ pɛ n wɔ paǹ li: Yìsi mu lɛ-a minin kiwi lɛ, kiwi sonbore lɛ, a na á saa lɔn ń papaã? N laanka n minin pàã na á goã ka yìsi mu kɛ nɛ, Ma nə n goã nyɛ́ɛ diɛ min tumaa ganaa.

Abdiasi 1:4

Haalɛ ta ma nə ń piɛ̃, ń woo lon ka giogialatã-a bɛ́ lɔn, á kɔɔ̃nɛ, n wo n kii dɔ lon a leeren bii, man die n boe walan, ma n da tán! Ma din Dɛnaa Lawa a da ǹ boo ne.

Luku 10:18

Yezu nə́ n toa ǹ ganaa: «*Sɛtaan nə́ bɔ lon á mɛnaa! Masɛ yii na á bɛ yɛ foaã nɛ ka la a tɛ-pɛ bɛ́ lɔn.

Piɛrɛ2 1:19

Ka bɛ din tumaa nɛ, Lawa a boo gii-dalin nə màn mɛn da, wɔ foo á doa-n bɛ ganaa dinin. Á soɛ ka ga bɛ ganaa, a giala, a n goon ka bólon ne, kuĩ wɔlɔ tì bǎã nɛ yǎa lɛ̀ wɛɛ, Yezu Krita n baayɛlɛ a leere kɛ lɛa, die wɔlɔ fúlu kiɛ ka foon ne.

Piɛrɛ2 2:4

Lon a dia dí-a wolen mɛnɛn nə sii baraa zɛnaa, Lawa bɛn dinin toa wa. A na á ǹ kaa papaã ǹ bǎã wɔlɔ tì kɛ li, ǹ nə́ kòso-n walan, n yii diɛ kiri-kurii pinaa kɛ la.

Sii-nyaan 2:28

A gɔ̀lɔ̀baa a lɛa, ma á re baayɛlɛ a leere dɔ koe la.

Sii-nyaan 22:16

Ma din Yezu má lon a dia dí-a wole dia máa a da bɛ lɛ tumaa pɛ Lawa a sɔmɔn minin manɛ. Masɛ n Davida tɔrɔ lɛa, ma ń baayɛlɛ a leere tɛ-pɛle lɛa.

Sii-nyaan 8:10

Lon a dia dí-a wole sɔɔbaa ǹ wɔ tɔ́n a bɛn pɛ. Leere gole goon bɔ lon, a n kuĩ ka tɛ buə̃ bɛ́ lɔn. Á mɛ tà mun laanka mu yalan talakɔn sɔɔbaa ǹ wɔ li.

Sii-nyaan 9:1

Lon a dia dí-a wole soorobaa ǹ wɔ tɔ́n a bɛn pɛ. Má yɛ leere goon bɔ lon á mɛ tán. Ǹ nə́ nɔmaa ǹ nyankɔrɔ zuzulu kɛ a goo nɛ kɔ la.