Izayii 13:8 - LAWA A BOO SONBORE

⁸ Nyɛ́ɛ nə ǹ ganaa. Busii tɔrɔ tumaa nə ǹ ganaa. Maǹ nə n birikəĩ tán, ka lɔ nɔɔrɔ-kɔle bɛ́ lɔn. Maǹ giɛ kɔn-a, ǹ gɔ́ɔ̃ n wɛɛ̃ nɛ, ǹ yɔrɔ n tɛ lɛa.

LAWA A BOO SONBORE 2011

⁸ Nyɛ́ɛ nə ǹ ganaa. Busii tɔrɔ tumaa nə ǹ ganaa. Maǹ nə n birikəĩ tán, ka lɔ nɔɔrɔ-kɔle bɛ́ lɔn. Maǹ giɛ kɔn-a, ǹ gɔ́ɔ̃ n wɛɛ̃ nɛ, ǹ yɔrɔ n tɛ lɛa.

Izayii 13:8 ပူးပေါင်းရင်းမြစ်များ

Kiin2 19:26

Ǹ minin pàã banban ǹ gù gã, sìi nə ǹ ganaa, maǹ ka buu buruu bɛ́ lɔn, ka wuru buu bɛ́ lɔn, maǹ ka kala buu bɛ́ lɔn, ka wuru gɔ́ɔ̃ màn bɔlɔn bɛbɛnɛɛ bɛ́ lɔn.

Loen 48:7

Ǹ gɔ̀nɔn na á bìn da walan kəkəkə, ka lɔ nɔna-a n nɛ yii.

Izayii 26:17

Dɛnaa Lawa, wɔ n wɔ́ goã n yɔrɔ-a ka lɔ nɔɔrɔ-kɔle bɛ́ lɔn, n duwii, n lɛ dii la paparɛɛ gɔn.

Zeremii 13:21

Ń giaárabaa zɛnaa ka ǹ tɛnɛn nɛ ǹ lɛ mui ni. Ǹ mɛn pinaa bɛ̀ ǹ nə́ n bɔyaa, maǹ die n diɛ ǹ pàã giulun, n nə n die wàa boo diɛ? N nə n die fuu yii ka lɔ nɔɔrɔ kɔle bɛ́ lɔn.

Zeremii 30:6

Ka nɔ̀n da minin la, ka ga a ganaa: Giĩ á boe la a nɛ yɛ? A da yaa, ma yii n giĩn tumaa ganaa, ǹ gɔnɔn nə́ ǹ kii la ka lɔ bɛ́ lɔn a nɛ yɛ waáraa, ǹ yɔrɔ n ziziɛ̃ nɛ.

Zeremii 4:31

Sonbore, ma á lɛ-dɛ miɛ̃, ka lɔ nɛ-yɛli bɛ́ lɔn, lɔ ten a lɛ-dɛ lɛa, a gɔ́ɔ̃ yii bibinaa nɛ yii. Siɔn kiwi a lɛ-dɛn manɛ. A n gini, á n gɔnɔn lɛ boe: «Aba! Man giɛ̃ gɛ̀-dɛlin mandɛ gɔn.»

Zeremii 46:5

Ma yii n wàa ganaa ke? Nyɛ́ɛ nə ǹ ganaa, maǹ wusii ǹ kio ne! Ǹ nə́ boo ǹ zia-baali zanbian lɛn la. Maǹ nə n mìi foɛ̃, nyɛ́ɛ taman yii, ǹ ba n bɔyɛɛ ǹ kio-n wa. Nyɛ́ɛ n bǎã tumaa nɛ. Dɛnaa Lawa a da ǹ boo ne.

Zeremii 48:41

Ǹ nə́ Keriyɔti kiwi kũ, Bǎãn mɛnɛn bɛ́ tamaa nɛ, ǹ nə́ bɛn si la. Nyɛ́ɛ n Moabu a zia-baali foo-taãn-an ganaa ka lɔ bɛ́ lɔn a nɛ yɛ biikoo li.

Zeremii 49:22

Zɔ́ɔ n ka zèwo bɛ́ lɔn, piɛ̃, á n nyàan lɛ bɔ Bosraa kiwi lalan. Bɛa pinaa lɛ nɛ, nyɛ́ɛ á re Edɔmu a zia-baali zanbian kɛn kuĩ ka lɔ bɛ́ lɔn a nɛ yɛ biikoo li.

Zeremii 49:24

Damaasi minin foo ziziɛ̃maa nɛ, maǹ nə n yɔrɔ boe die baa sii. Ǹ gɔ̀nɔn nə bìn diɛ nyɛ́ɛ gɔn. Nyɛ́ɛ nə ǹ ganaa, ǹ gɔ̀nɔn nə bìn diɛ, ka lɔ bɛ́ lɔn a nɛ yɛ biikoo li.

Zeremii 50:43

Baabiloniin kii bɛ́ á bɛa kibərə lɛ ma, a foo ziziɛ̃, nyɛ́ɛ kũ. A nɔmaamaa nɛ ka lɔ bɛ́ lɔn a nɛ yɛ biikoo li.

Zeremii 51:30

Baabilonii a sɔraasi sonboren nə́ n piã ka ziabaa nɛ. Maǹ nə n duri bǎã kakan nɛ. Ǹ foo tãbaa nya. Maǹ ka lɔ bɛ́ lɔn. Kiwi lɛ a kiɛnlɛn buĩmaa nɛ, tɛ na a kionən kuĩ.

Ozee 13:13

A là paparɛ n die, ka lɔ a nɛ yɛ a biikoo wɔ á ke lɔn. Sɛnɛ nɛnyaan too kaka nɛ, a yɛ biikoo li, a nə n piɛ̃ mà a soe a n bɔ ǹ dan gɔ́ɔ̃-n wa.

Zowɛli 2:6

Tɔrɔn tumaa gɔ̀nɔn nə bìn diɛ ǹ nyɛɛnɛ min tumaa yɔrɔ ziziɛ̃.

Nahumu 2:10

Ka sana kokoo, ka wɔrɔ kokoo! Ninivu a paãmabaa a nyɛɛ wa. A gɔn màn giɔ̀mɔ kakaan nə la yii ni.

Zaã a sɛ́wɔ 16:21

Bɛ̀ lɔ á nɔɔ̀rɔ koe ǹ mɛn waáraa, a yɔrɔ n kɔsiɛ nɛ, a giala, a nɔmaa biikoo na á dɔ; sɛnɛ, bɛ̀ á nɛ yɛ lɔn, a yiri n boe ka a nɔmaa kɛ nɛ, a nə n nyɛnyɛɛ, mà asɛ dɔ min yɛ á da kanaa.

Tesaloniki1 5:3

Minin bɛ́ re pii biikoo mɛn li mà «Là nyantoro tan, mà baraa banban!», a din biikoo lɛ nɛ, basaã á die kirii ǹ la, ka nɔɔrɔ bɛ́ kirii lɔ nɔnɔa la lɔn, ǹ ba re n boe a-n dɔn wa.