Izayii 13:6 - LAWA A BOO SONBORE

⁶ Ka gɛ̀ koa ǹ loe lɔ! A giala, Dɛnaa Lawa a lɛawaa gole kɛ dɔ á nya. Ka koe bɛ́ lɔn, a n màn tumaa ziziɛ̃, Pàãyiidɛnaa na á dia.

LAWA A BOO SONBORE 2011

⁶ Ka gɛ̀ koa ǹ loe lɔ! A giala, Dɛnaa Lawa a lɛawaa gole kɛ dɔ á nya. Ka koe bɛ́ lɔn, a n màn tumaa ziziɛ̃, Pàãyiidɛnaa na á dia.

Izayii 13:6 ပူးပေါင်းရင်းမြစ်များ

Zɔbu 31:23

A giala Lawa a dɔlɔ ke, bɛ lɛ na á goã nyɛ́ɛ diɛ ma ganaa. Ma a boe la ma sii kɔn zɛnaa Lawa gole kɛ yɔrɔ-a wa.

Izayii 10:25

A giala, kànaa ka boɛɛn nɛ, maa foo-yoo baraa kɛ á re nyɛɛ. Sɛnɛ ma á re Asiirii minin kɛn ziziɛ̃ lenlen.»

Izayii 10:3

Bɛ̀ Dɛnaa Lawa a dɔlɔ bɔ pinaa dɔ, bɛ̀ koe bɔ wɔlɔ sɔsɔɔ nɛ á daa, ka ǹ die n biɛ lɔn? Ka ǹ die gú diɛ die ne a da n dɔ ka lɛ? Ka ǹ die kaa naforon kɛn kiɛ maa?

Izayii 13:9

Dɛnaa Lawa a lɛawaa á ke die, bɛa pinaa, makara-doɛ̃ banban. Foo-yoo gole lɛawaa nɛ. A n die gána lɛ biɛ kɛbɔlɔ lɛa, á re zɛ̀rɛdɛnan bɔ̀n biɛ.

Izayii 14:23

«Baabilonii á re kɔlɔn giã ǹ bǎã biɛ. Á re bɛrɛɛ bǎã biɛ. Man die ziziɛ̃ lenlen ka ǹ bɛ́ wɔlɔ wɔrɛɛ lɔn.» Dɛnaa Lawa a da ǹ boo ne.

Izayii 14:31

Ka wuu pɛ ka n lɛ dɛ kaa kiwi a kiɛnlɛn bii! Filisiti gána tumaa foo n ziziɛ̃ nɛ. A giala, tɛmaa bara n boe gɔsɛ a lɛ̀gɔn la die. Zɔ́ɔn bii, min kɔn ba n wɔlɔ lui zia-baalin ganaa wa.

Izayii 2:12

A giala, a din lɛawaa mɛn bɔ á koa, Dɛnaa Lawa Pàãyiidɛnaa á re din gole-kɔlen kɛn laanka din koa wolen kɛn mìi diɛ ǹ giulun.

Izayii 23:1

Tiiri a boo gii. Kasɛn, bǎã sɔsɔɔ zii tɔ wɔ mu la ǹ goon, ka wuu pɛ. Tiiri kiwi kɛ ziziɛ̃. Kion banban doo wa. Kiɛnlɛ banban wa. Bɛ̀ n dɔ Siipri gána nɛ, man bɛa kibərə lɛ miɛ.

Izayii 34:2

Dɛnaa Lawa foo n yoo-n tɔrɔn tumaa li. A foo n yoo ne ǹ zia kurun tumaa li. A n li a ǹ tumaa bɔ̀n baa ka lenlen. A n woe ǹ ne bɔlɔ kuru ǹ bǎã nɛ.

Izayii 34:8

A giala Dɛnaa Lawa a dɔlɔ bɔ pinaa nɛ Edɔmu minin ganaa. *Siɔn a zia gii-dale a gɛ̀ dòo bɔ ǹ lɛ̀ nɛ.

Izayii 47:11

Á ke, koe n die boe n ganaa. N ba re boe la n na a lɛ goa wa. Koe gole n die miɛ n la. N ba re kanbiɛ a ganaa wa. Basaã gole mɛn bɛ́ n yiri ba a ganaa wa, bɛ n die n tɔwɛɛ bǎã goon ne.

Izayii 52:5

Bɛ gɔ́ɔ̃-n sisia, bɛa là n ka wáa nɛ masɛ ganaa? Dɛnaa Lawa a da ǹ boo ne. Ǹ nə́ woo maa zaman lɛ nɛ kòso nɛn lɛa kooro. Min mɛnɛn bɛ́ ǹ mìi la, maǹ nə n lɛ dii, ǹ nə́ sɔ kiɛ ma la duduu, Dɛnaa Lawa a da ǹ boo ne.

Izayii 61:2

A na á ma dia mà ma da pɛ mà Dɛnaa Lawa a bǐɛ̃baa ǹ lɛ̀ nɛ, mà Dɛnaa Lawa a gɛ̀ dòo bɔ a zɔ́ɔn ganaa ǹ lɛawaa nɛ. A na á ma dia màn mɛn bɛ́ toɛ ma gɛ̀ koa wolen yiri giã.

Izayii 63:4

A nà á goã ma gɔ́ɔ̃ nɛ, máa ma gɛ̀ dòo bɔ. Maa zaman lɛ a si a kaa lɛ̀ na á dɔ.

Izayii 65:14

Min mɛnɛn bɛ́ dí nyɛɛ ma nɛ, bɛn tá re n lɛ dii ka foo kɔɔ̃n nɛ, ǹ nə́ yii-nyɛɛ la. Sɛnɛ kasɛn, ka ǹ die n lɛ dii ka là paparɛɛ nɛ, ka gɔ́ɔ̃ n piɛ̃ nɛ ka busii ni. Ka ǹ die gini, ka yiri n lɔloɛ-n kɔn.

Zeremii 25:34

Kasɛn kɛn maa zaman-lɛduə̃lin lɛa, ka n lɛ dɛ, ka n duduwə. Ka n birikəə̃ tán, kasɛn mɛnɛn bɛ́ maa tɔɔn lɛduĩ. Hiĩ ka dɔn gɛ̀ wɔ na á dɔ. Ka n die mɛnɛɛ, ka yɔyɔrɛ ka tasa giɔ̀mɔ kaka bɛ́ lɔn.

Zeremii 49:3

Ɛsibɔn minin, ka gɛ̀ koa ǹ loe lɔ, a giala Ayii kiwi yu! Rabaa lɛkoro-a kiwin, ka gú da! Ka gɛ̀ koa ǹ mɔnaan wɔ, ka foo ziziɛ̃ ǹ loe lɔ! Ka bɔ bǎã tumaa nɛ, kɛ ziin li: Amɔn tɔrɔn kii n woe gùli kɔ ǹ bǎã nɛ, kun ka a wúlu-bɔlen laanka a kiãn tumaa nɛ.

Zeremii 51:8

Bǎã goon ne Baabilonii mɛnaa, á busu da a din ganaa. Ka gɛ̀ loe lɔ la! Ka nyɔɔ lɔ a busulɛn ganaa, kɔntan á re kaka koe!

Ezekieli 13:5

Kungɔn lɛ a yalan mɛnɛn bɛ́ ǹ tan, ǹ bɛn tã wa, ǹ kungɔn dɔ ǹ nə́ Izirayeli tɔrɔn lɛn lɛnpɛnɛ nɛ wa, màn mɛn bɛ́ toɛ, ka n gòãn doa Dɛnaa Lawa a foo-yoo pinaa kɛ-n wa.

Ezekieli 21:12

Bɛ̀ ǹ nə́ nɔ̀n da n la mà wàa na á baa n tá gini, a pɛ ǹ nɛ, mà n boo mɛn ma, mà bɛ lɛ a lɛa nɛ. Min tumaa foo á re biɛ niɛ̃, min tumaa pàã á re nyɛɛ, min tumaa gɔ́ɔ̃ á re n lɔlɛkɔn, min tumaa gù á re giɛ̃. Á ke, bɛa sii lɛ á die, á dɔ á nya dinin. Ma din Dɛnaa Lawa a da ǹ boo ne.

Zowɛli 1:11

Buu-Kɔsɔlin gù gã, rezɛ̃ wuru-bɔlen tá n lɛ didii. Belee banban, *ɔrzi banban wuru gɔ́ɔ̃ màn tumaa ziziɛ̃.

Zowɛli 1:13

Lawa a wúlu-bɔlen lɛn, ka gɛ̀ koa ǹ mɔnaan wɔ, ka wuu pɛ. Kasɛn mɛnɛn bɛ́ *wúlu bɔ ǹ bǎã kɛa dí nyɛɛ, ka n lɛ dɛ. Kasɛn mɛnɛn bɛ́ dí nyɛɛ maa Lawa nɛ, ka n yɔrɔ kɔsɛ, ka lɛ̀ waa nɛ. A giala, minin ba die ka belee laanka duvɛ̃ nɛ Lawa gɔ ǹ wɔ lɛa, Lawa a kion doo wa.

Zowɛli 1:15

Haya! Lɛawaa lɛ a mɛn tɔrɔ-n ke! Dɛnaa Lawa a lɛawaa lɛ diri. A n die n biɛ ka basaã-kɔle a basaã bɛ́ lɔn, boe Pàãyiidɛnaa Lawa li.

Zowɛli 1:5

Yɔ-mili babaraan lɛn, ka yoo ka n lɛ da wuu ni. Duvɛ̃-milin lɛn, ka tumaa nə n lɛ dɛ koe! A giala, ǹ nə́ duvɛ̃ dii kɛ nafɔ̃ ǹ nə́ bɔ ka lɛ-a.

Zowɛli 2:1

Ka bɛn pɛ *Siɔn nɛ, ka pɛ gole, maa kele sonbore kɛ la. Gána lɛ a minin tumaa gɔ̀nɔn nə bìn diɛ. A giala Dɛnaa Lawa a lɛawaa lɛ n die. A lɛawaa lɛ diri.

Zowɛli 2:11

Dɛnaa Lawa na a zia-baalin lɛn nyɛɛnɛ, a n paraa we. A sɔraasin lɛn man gigiã, ǹ ná a bɔlɔ sii. Dɛnaa Lawa a lɛawaa lɛ, lɛawaa gole ne á nyɛ́ɛ dɔ din diɛ. Die n die n boe a nɛ?

Amɔɔsi 5:18

Kasɛn mɛnɛn la bɛ́ kakaɛ̃ Dɛnaa Lawa a lɛawaa kɛa dɔ pinaa li, kaa wɔ n ka bɔ̀n nɛ! Dɛnaa Lawa a lɛawaa lɛ n die wàa koe ka la? Wɔlɔ tì biribiri ni, wɔlɔ fúlu boo bie wa.

Sofonii 1:14

Dɛnaa a lɛawaa gole lɛ diri. Á diri ka foɛɛ̃. Bɛa pinaa kɛ lɛ nɛ, lɛ dɛ gole á re boe, footaãnaa din tá re gú diɛ.

Sofonii 1:7

Ka n lɛ tã Dɛnaa Lawa yɔrɔ-a! A giala, a lɛawaa lɛ diri. Dɛnaa Lawa n die wúlu boe, a tiin yɔrɔ bɔ maa nɛ.

Zakarii 14:1

Á ke, Dɛnaa Lawa a lɛawaa diri. Zeruzalɛmu minin lɛn, ǹ tá re die kaa naforo gii kɔn ka yii giulun.

Zaaki 5:1

Ka pàãman lɛn, bɔ̀n gigiã mɛn bɛ́ re ka yii, ka dɔ ka dinin ganaa ka wuu pɛ kɔsɛkɔsɛ!

Sii-nyaan 18:10

Fuu mɛn bɛ́ a mìi ni, ǹ tá re nyɛ́ɛ biɛ bɛ nɛ, ǹ wo giã tiãlɛa, ǹ nə́ pii: «Bɔ̀n woo bɔ̀n! Bɔ̀n gole Baabilonii kiwi gole pàãdɛnaa lɛ yɛ! A dɔlɔ bɔ ma-a ǹ gɔn yii n ke biikoo goon toto dinsɔɔ̃ nɛ!»