Izayii 13:14 - LAWA A BOO SONBORE

¹⁴ Bɛa waáraa kəni, tiin man die ǹ piɛ zii siɛ, didie nə n mìi fɔ̃ a gána ganaa, kɛnɛn ka yuùn bɛ́ baa sii lɔn, bɛ̀ ǹ tá lui, ka sèren mɛnɛn nə́ ke ǹ lɛduə̃li banban.

LAWA A BOO SONBORE 2011

¹⁴ Bɛa waáraa kəni, tiin man die ǹ piɛ zii siɛ, didie nə n mìi fɔ̃ a gána ganaa, kɛnɛn ka yuùn bɛ́ baa sii lɔn, bɛ̀ ǹ tá lui, ka sèren mɛnɛn nə́ ke ǹ lɛduə̃li banban.

Izayii 13:14 ပူးပေါင်းရင်းမြစ်များ

Kiin1 22:17

Misee ná a lɛ si: «Má Izirayeli minin tumaa yɛ pɛsiɛ̃-n kelen la, ka n pɛ mà sèren mɛnɛn nə́ ke ǹ lɛduə̃ wole ná a banban. Dɛnaa Lawa pɛ: Dɛnaagiĩ ba minin kɛn lon wa. Didie nə n bɔyaa a wo piɛ ka là nyantoro ne!»

Kiin1 22:36

Wasa a yii siɛ̃ biikoo li, lɛ-dɛ bɔ Izirayeli minin bǎã nɛ mà didie nə n bɔyaa a wo a kiwi, didie nə n bɔyaa a wo a gána nɛ!

Izayii 17:13

Tɔrɔn gini n ka Yìsi mu gole a ginii bɛ́ lɔn. Bɛ̀ Dɛnaa Lawa paraa ǹ li, maǹ nə n mìi foɛ̃ ǹ wo sɔsɔɔ. Maǹ nə ǹ lui ka kele mìi ni ǹ piɛ̃ bɛ́ buu gere siɛ lɔn, ka la piɛ̃ bɛ́ gusuũ goɛ lɔn.

Izayii 21:15

Minin manɛ, ǹ nə́ baa si zia nyɛɛnɛ, gɔya sa lɛ-bɔlen ne, sa dii wolen kɛn nɛ, zia a wɔ̃ taman yii.

Izayii 47:15

N nə́ n din nɔmaa ka gɔn nɔɔ nɛ bɛa minin lɛn li, a kũ n tenmaa waáraa ganaa. Ǹ bɛ́ màn mɛn lɛa n gɔn kanna kəni, bɛ n ke: Kanna, maǹ woe paǹ tumaa li, ǹ kɔn ba boe la a n kirisibaa wa.

Zeremii 25:12

Dɛnaa Lawa a da ǹ boo á ke: «Bɛ̀ bɛa lɛ̀ pɔsɔbaa lɛ lɛ pã, man die yui Baabiloniin kii gialaa, ǹ gɛ̀-dɛ kɛa lɛa. Man die yui *Baabilonii minin gána gialaa, ma baa diə gole lɛa yǎa duduu.

Zeremii 50:16

Min mɛn tumaa bɛ́ màn diɛ, ka min mɛn tumaa bɛ́ màn kuri kaa piɛ waáraa, ka ǹ tumaa dɛ. Didie baa si zia baraa kɛ nyɛɛnɛ, a wo piɛ, a wo a gána nɛ.

Zeremii 51:9

Wɔ́ dagòã da Baabilonii ganaa, sɛnɛ a kaka koe wa. Ka toa walan, didie tumaa wo a gána nɛ! Taãn nɛ, dɔlɔ mɛn bɛ́ a mìi ni, á woo yǎa lon, á dɔ labaran ganaa.

Nahumu 3:18

Asiiriin kii, n gánadɛnan lɛn nə nyuù wɔ tɛmɔɔ. N min kakan lɛn sɛ̀mɔɔdɛnan lɛa, bɛn kɔn ba bìn diɛ doo wa. N zaman lɛ sasawa a woo paǹ yii li, kelen mii ni, min kɔn banban a die ǹ soekɔn wa.

Matiə 9:36

Bɛ̀ á zaman mɛn yɛ, minin lɛn makara n kuĩ, a giala maǹ nɔmaa nɛ, ǹ foo n ziziɛ̃ nɛ, ka sèren mɛnɛn bɛ́ lɛduə̃li ná a ba ǹ la wa.

Marki 6:34

Yezu bɛ́ á soo á n bɔ goo lɛ nɛ ǹ mɛn waáraa, á zaman gole yɛ. Minbuiinin lɛn makara kũ parsiini, a giala mà ǹ nə́ goã goon ka sèren mɛnɛn bɛ́ lɛduə̃li ná a ba ǹ la wa. A ná a giala kɔ á ǹ daraa sii gigiã ganaa.

Piɛrɛ1 2:25

A giala, ka n ká goã papaã-n lɛlɛ ka sèren bɛ́ lɔn, sɛnɛ kanna, kaa Gamawalan wole lɛ laanka ka Lɛduə̃li lɛ ka yɔrɔ bɔyaa, a daa ka-n a din li.