Izayii 12:5 - LAWA A BOO SONBORE

⁵ Ka loe lɔ ka Dɛnaa Lawa tɔ bɔ nɛ, a giala, á sii dadaran zɛnaa. Ka a laakalaa tɔrɔn tumaa bii.»

LAWA A BOO SONBORE 2011

⁵ Ka loe lɔ ka Dɛnaa Lawa tɔ bɔ nɛ, a giala, á sii dadaran zɛnaa. Ka a laakalaa tɔrɔn tumaa bii.»

Izayii 12:5 ပူးပေါင်းရင်းမြစ်များ

Loen 105:2

Ka loe lɔ Dɛnaa Lawa nɛ, ka a guguru kɔ ka tùtu wuu ni, ka a kaãbaa ǹ siin kɛn tumaa pɛ, ka timəə la.

Loen 72:19

Barka tá Lawa Gole lɛ ganaa, yǎa duduu. Kanaa din tumaa die a pã ka a gugurubaa nɛ. A n baa miɛ̃, a n baa miɛ̃!

Loen 98:1

Ka loe dii lɔ Dɛnaa Lawa nɛ, a giala, á sii sonboren zɛnaa. A din nə gɔ̀lɔ̀ lɛa a zɔ́ɔn la, a gɔn sonbore kɛ pàã ganaa.

Bɔ bɛ̀rɛbaa nɛ 15:1

Muizu laanka Izirayeli nɛnyaanan nə́ loe kɛ lɔ, ǹ nə́ Dɛnaa tɔ bɔ nɛ: Man die loe loe ma Dɛnaa tɔ bɔ nɛ, a giala, á sii gole zɛnaa. Á sùin laanka ǹ lɛ-kũlin kaa tà mu li.

Bɔ bɛ̀rɛbaa nɛ 15:21

Miriamu loe saa á lɔ: Ka Dɛnaa tɔ bɔ, á sii gole zɛnaa, á sùin laanka ǹ lɛ-kũlin kaa tà mu li!

Izayii 24:14

Min mɛnɛn yii goã koo, bɛn manə n lɛn siɛ lon, ǹ tá Dɛnaa Lawa tɔ boe. Maǹ boe lɛ̀nyɛɛn li, ǹ nə́ foo kɔɔ̃nbaa ǹ lɛ dii.

Izayii 40:9

*Siɔn boo tii kɔɔ̃n pɛle, dii kele sasa la, Zeruzalɛmu, boo tii kɔɔ̃n pɛle, n lɛn saa ka pàã nɛ, n lɛn saa lon, nyɛ́ɛ nyan nə n kũ wa. A pɛ Zudaa kiwin manɛ: «Kaa Lawa á ke!

Izayii 42:10

Ka loe tii lɔ Dɛnaa Lawa nɛ. A kũ tán lɛ dan ganaa, ka a tɔ bɔ, kasɛn mɛnɛn bɛ́ yìsi mu zii tɔ we, ka màn mɛn tumaa bɛ́ yìsi mu li, ka kasɛn dɔn nɛ, mu gánan mɛnɛn da bii, ka loe lɔ ka Dɛnaa Lawa tɔ bɔ nɛ.

Izayii 42:11

Diə gole laanka a kiwin lɛn, Kedaara a kiwi bisinin lɛn ka loe lɔ! Selaa minin nə n lɛ dɛ ka foo kɔɔ̃n nɛ, ǹ nə n toa kelen mìi ni, ǹ foo kɔɔ̃nbaa ǹ lɛ-dɛ wɔ.

Izayii 44:23

Nsɛ, lon, loe lɔ ka foo kɔɔ̃n nɛ. Nsɛ, tán giulun, n lɛn saa lon, a giala, Dɛnaa Lawa na á sii zɛnaa. Kasɛn kelen laanka dan kɛn nɛ daã nɛ, ka n lɛ dɛ ka foo kɔɔ̃n nɛ. A giala, Dɛnaa Lawa ná a zaman kirisibaa, a ná a tɔ golebaa nyaa Izirayeli gána nɛ.

Abakuku 2:14

Sonbore, min tumaa á re Dɛnaa Lawa a gugurubaa doɛ̃. Á re tán piɛ̃ ka yìsi mu gole bɛ́ lɔn.

Malakii 1:11

A saa lɛ̀giala ganaa a wo lɛ̀nyɛɛn yaa, tɔrɔ tumaa n maa golebaa doɛ̃, maǹ màn giĩ kɔɔ̃n tiɛ̃ bǎã tumaa nɛ ka ma tɔ nɛ, wúlu màn mɛn bɛ́ kɔnboe ka ma nɛ, ǹ nə́ die ka bɛ nɛ. Hiĩ! Tɔrɔ tumaa n maa golebaa doɛ̃, man pii ka nɛ masɛ, Dɛnaa Lawa Pàãyiidɛnaa.

Sii-nyaan 15:3

Maǹ nə́ goã Lawa a dí-nyali Muizu a biikoo loe loe, ka Sère Nɛ kɛ a loe ne, ǹ nə́ pii: «Dɛnaa Lawa Pàãyiidɛnaa, n nya ǹ dín tá dadara, ǹ gamaa ba min boe wa. Tɔrɔ din tumaa a kii, n sii yɔrɔ bɔ n pepere, a n taãn dɔ lɛa.