Izayii 12:4 - LAWA A BOO SONBORE

⁴ Bɛa pinaa kɛ nɛ, ka á re pii: «Ka Dɛnaa Lawa tɔ bɔ. Ka n lɛn saa lon, ka a Lawabaa pɛ. A sii dadaran mɛnɛn zɛnaa ka nɛ, ka bɛn laakalaa tɔrɔn tumaa nɛ.

LAWA A BOO SONBORE 2011

⁴ Bɛa pinaa kɛ nɛ, ka á re pii: «Ka Dɛnaa Lawa tɔ bɔ. Ka n lɛn saa lon, ka a Lawabaa pɛ. A sii dadaran mɛnɛn zɛnaa ka nɛ, ka bɛn laakalaa tɔrɔn tumaa nɛ.

Izayii 12:4 ပူးပေါင်းရင်းမြစ်များ

KZS1 16:8

Ka Dɛnaa Lawa guguru kɔ, ka a tɔ kɛ kalaa, ka a nya ǹ dí dadaran kɛn boo da tɔrɔ kɔsɔn bii.

Nehemii 9:5

Bɛ kio, Levii tɔrɔn kɛn, Zozoe ne, Kadimiyeli ni, Banii ni, Hasabunia nɛ, Serebia nɛ, Hodiya nɛ, Sebania nɛ, ka Petayaa nɛ, bɛn nə́ pɛ: «Ka yoo lon, ka barka da kaa Lawa, Dɛnaa Lawa lɛ nɛ yǎa duduu!» Zaman lɛ tɔn pɛ: N tɔ guguru kɛ die a n saa lon, tɔ mɛn bɛ́ màn tumaa mìi la, a miã ná a banban.

Loen 105:1

Ka Dɛnaa Lawa guguru kɔ, ka a tɔ kɛ kalaa, ka a nya ǹ dí dadaran kɛn boo da tɔrɔ kɔsɔn bii.

Loen 107:22

Ka barka da ǹ wúlu mànan kɔ Lawa la. Ka foo kɔɔ̃nbaa ǹ loe lɔ, ka a nya ǹ dín kɛn laakalaa nɛ.

Loen 113:5

Die n ka wɔsɛn Dɛnaa Lawa lɛ bɛ́ lɔn? Min kɔn! A n giã-n lon a kii dankan la.

Loen 148:13

Kasɛn tumaa loe lɔ ka Dɛnaa Lawa tɔ bɔ nɛ, a giala, a dinsɔɔ̃ tɔ n gole. A siĩnbaa kɛ tán laanka lon si, á n kɔ lɛ.

Loen 18:46

Gána kɔsɔ minin nə́ ma lɛ wɔ, tiin nə́ ma bebele ǹ nə́ fɔ̃ ma li. Ǹ dinin nə́ soo ǹ duru ǹ bǎãn nɛ, ǹ gɔ̀nɔn nə́ bìn diɛ.

Loen 21:13

A giala, n bɛ́ re sa dii n koa ǹ ganaa, n tá re baa diɛ ǹ gòã li.

Loen 22:31

Sɛnɛ, ǹ tɔrɔ tá re dí nyɛɛ Dɛnaa nɛ, ǹ tá re Dɛnaa boo diɛ bɛa tɔrɔ lɛ nɛ.

Loen 34:3

Dɛnaa Lawa a sii n kiɛ ma foo la. Nɔmaa-wɔlen mɛnɛn bɛ́ n too koe ma lon, ka n nyɛnyɛɛ.

Loen 40:5

Min mɛn bɛ́ á n foo doa Dɛnaa Lawa ganaa, Lawa á re barka diɛ bɛa dɛnaa ganaa. A koa kun ka din gole-kɔlen ne wa, a n saa ǹ soɛ boon li wa.

Loen 46:10

A n zia nyɛɛ yǎa tán lɛ-doa ganaa, a n sa yiɛ, a sɛmiɛ̃ yiɛ, a goóro tã.

Loen 57:5

Man min baraan bii. Maǹ baraa ka yàra min-sɔ̃lin bɛ́ lɔn. Ǹ sɔn man pɛpɛnɛ ka sɛmiɛ̃n bɛ́ lɔn, pɛpɛnɛ ka kiɛn dɔn bɛ́ lɔn. Ǹ lɛwɔn dɔ n lɛ boe ka gɔya sa bɛ́ lɔn.

Loen 68:5

Ka loe lɔ Lawa nɛ, ka loe lɔ ka a tɔ bɔ nɛ. A din lɛ n tɔ we baran lalan, ka a tɔ bɔ. A tɔ mà Dɛnaa Lawa, ka toa ka foo kɔɔ̃n kɔ a yɔrɔ-a.

Loen 73:28

Lawa, masɛ goã kun ka n din ni, maa là n ka bɛ nɛ. Man má kaa n din yele, Dɛnaa Lawa. Man zoɛ̃ li máa ma n nya ǹ dín laakalaa.

Loen 9:11

Min mɛnɛn bɛ́ n tɔ kɛ doɛ̃, bɛn die ǹ nə n foo doa n ganaa. A giala min mɛnɛn bɛ́ giɛ n li, Dɛnaa Lawa, n ba re bɛn toɛ walan wa.

Loen 96:3

Ka a gugurubaa lɛ pɛ gána kɔsɔn minin bii, ka a nya ǹ dí sonboren kɛn dɔn pɛ, tɔrɔn tumaa bii.

Loen 97:9

Sonbore, Dɛnaa Lawa, n din lɛ n Lon a Lawa gole lɛa, kanaa kɛ lɛ mìi la. N din nə guguru kɔ ǹ mànan kɛn tumaa lalan.

Bɔ bɛ̀rɛbaa nɛ 15:2

Ma pàã laanka maa zia gii-dali n ka Dɛnaa nɛ. A din na á ma kirisibaa. A din nə maa Lawa lɛa, man die a din tɔ boe. Ma digolon Lawa nɛ, man die a tɔ a golebaa kɛ pii.

Bɔ bɛ̀rɛbaa nɛ 33:19

Dɛnaa lɛ tɔ́n pɛ: – Man die kiɛ̃ n yɔrɔ-a, ma maa bǐɛ̃ kɛ tumaa nyaa n nɛ, ma ma din tɔ pɛ n nɛ: «Dɛnaa.» Bɛ̀ min mɛn kɔɔ̃n kɔ masɛ ganaa, man makara boe bɛ ganaa, man din nyaa nɛ. Bɛ lɛ nɛ, má makara bɔ n ganaa, má n din nyaa nɛ.

Izayii 12:1

Bɛa pinaa kɛ nɛ, n tá re pii: «Dɛnaa Lawa, ma á zɔɔ diɛ n nɛ, a giala, n foo na á goã yoo-n ma li, sɛnɛ, n foo waa, n ma foo taã.

Izayii 2:11

Min mɛnɛn yii bɛ́ lon bɛn tá re n mìi zumii. Min mɛnɛn bɛ́ n dinin gole koe, sìi á re bɛn kuĩ. Bɛa pinaa kɛ nɛ, Dɛnaa Lawa dinsɔɔ̃ n die tɔ goleebaa yii.

Izayii 2:17

Min mɛnɛn yii bɛ́ lon bɛn tá re n mìi zumii. Min mɛnɛn bɛ́ n dinin gole koe, sìi á re bɛn kuĩ. Bɛa pinaa kɛ nɛ, Dɛnaa Lawa dinsɔɔ̃ n die tɔ goleebaa yii.

Izayii 24:15

Lɛ̀giala gánan nɛ, ka Dɛnaa Lawa guguru kɔ. Gánan mɛnɛn bɛ́ yìsi mu nə́ ǹ da bii, ka Dɛnaa Lawa, Izirayeli a Lawa tɔ bɔ.

Izayii 25:1

Dɛnaa Lawa, n din ni maa Lawa lɛa. Ma nə n guguru koe, máa n tɔ boe. Ń sii dadaran zɛnaa, n nə ǹ mɛnɛn taasɛ haalɛ bibi. N nə́ ǹ zɛnaa ka peperebaa laanka bɔlɔgoondɛnaabaa nɛ.

Izayii 26:8

Sonbore, Dɛnaa Lawa, n bɛ́ ń zii mɛn nyaa wɔ nɛ, wɔ n koe lɛ, wɔ foo n doa nɛ n din ganaa. Sii mɛn bɛ kɔɔ̃n wɔ ganaa, wɔ n tɔ bɔ, wɔ n taasɛ ka n din ni.

Izayii 33:5

Dɛnaa Lawa a golebaa miã banban. A giala, a n màn tumaa mìi la. Á *Siɔn pã ka a peperebaa laanka a sonborebaa nɛ.

Izayii 42:12

Dɛnaa Lawa tɔ nə n bɔ, mu gánan mɛnɛn da bii, bɛn na a tɔ bɔ ka lɛn gole ne.

Izayii 48:20

Ka soo ka n bɔ Baabilonii! Ka baa si *Kaldee minin nyɛɛnɛ, ka foo kɔɔ̃nbaa ǹ lɛ dɛ nɛ. Ka bɛa kibərə kɛ pɛ, ka pɛ kanaa paǹ tumaa ganaa, ka pɛ: «Dɛnaa Lawa ná a dí-nyali Zakɔba kirisibaa.»

Izayii 66:19

Ma á re sii giala pɛ ǹ màn diɛ ǹ bii. Min mɛnɛn yii bɛ́ re goɛ̃ koo, ma á re ǹ diɛ kiɛ-bɔle zanbian kɛn li boe Tarsisi, Puli, ka Luudi. Ma á re ǹ diɛ Tubaali minin li, Zavan minin ni, ka gánan kɛn nɛ Yìsi mu gole bii, bǎã mɛn bɛ́ ǹ bin tɔn ma boo ma wa, ǹ bin maa gugurubaa yɛ wa. Ǹ tá re maa gugurubaa nyɛɛ bɛa tɔrɔn lɛn manɛ.

Zeremii 50:2

Ka boo kɛ pɛ tɔrɔn tumaa nɛ, ka a boo da ka sii a kɔnboen ne, ka a boo da, ka nyan màn kɔn duru wa. Ka pɛ: Ǹ nə́ Baabilonii kũ! A dìn kɛn wɔ n ka sìi ni, a dì kooron kɛn wɔ n ka foo ziziɛ̃ gole ne. Sìi nə́ n kɔ Bɛɛli lɛ, Marduku foo ziziɛ̃ duduu.

Malakii 1:11

A saa lɛ̀giala ganaa a wo lɛ̀nyɛɛn yaa, tɔrɔ tumaa n maa golebaa doɛ̃, maǹ màn giĩ kɔɔ̃n tiɛ̃ bǎã tumaa nɛ ka ma tɔ nɛ, wúlu màn mɛn bɛ́ kɔnboe ka ma nɛ, ǹ nə́ die ka bɛ nɛ. Hiĩ! Tɔrɔ tumaa n maa golebaa doɛ̃, man pii ka nɛ masɛ, Dɛnaa Lawa Pàãyiidɛnaa.

Zaã a sɛ́wɔ 17:26

Má n tɔ nyaa ǹ nɛ, ma á die wusii ma nyaa ǹ nɛ doo, màn mɛn bɛ́ toɛ, n masɛ narɛ lɔn, bɛa kɔn-narɛɛ kɛ lɛ goã ǹ dɔn lon, masɛ dɔ́ goã kunun ǹ ni.»