Izayii 12:1 - LAWA A BOO SONBORE

¹ Bɛa pinaa kɛ nɛ, n tá re pii: «Dɛnaa Lawa, ma á zɔɔ diɛ n nɛ, a giala, n foo na á goã yoo-n ma li, sɛnɛ, n foo waa, n ma foo taã.

LAWA A BOO SONBORE 2011

¹ Bɛa pinaa kɛ nɛ, n tá re pii: «Dɛnaa Lawa, ma á zɔɔ diɛ n nɛ, a giala, n foo na á goã yoo-n ma li, sɛnɛ, n foo waa, n ma foo taã.

Izayii 12:1 ပူးပေါင်းရင်းမြစ်များ

Nehemii 8:10

Ɛsidrasi tɔ́n pɛ ǹ nɛ: «Ka wo nyɔɔ mànan bii, ka mi ǹ màn nɔnɔ̀ɔn mi. Bɛ̀ min mɛnɛn nə boo màn kɔn la ǹ nə́ zɛnaa wa, ka die ka bɛn gii bɔ, a giala pelo a lɛawaa kɛ na á n kɔ wɔsɛn Dɛnaa Lawa la. Ka foo baran ziziɛ̃ wa, a giala, Lawa bɛ́ foo kɔɔ̃nbaa mɛn koe, bɛ lɛ nə ka pàã lɛa.»

Zɔbu 11:16

N yiri á re boe ka n nɔmaa kɛ nɛ. N yiri á re boe ne, ka mu na á baa si á kiɛ̃.

Zɔbu 13:16

Bɛ̀ bɛ́ giala yɛ, man má la. A giala, bɔlɔ paa pɛle kɔn yii a we a wo golee Lawa yɔrɔ-a wa.

Loen 30:5

Lawa a min sonboren lɛn, ka loe lɔ ka Dɛnaa Lawa tɔ bɔ nɛ. Ka a tɔ bɔ, bɛ̀ ka tá a siĩnbaa kɛ pii.

Loen 71:21

N tá re wusii n ma foo taã, n maa zín kɔ ma la doo.

Loen 85:4

Ń nə́ n yoo wɔ gialaa kɛ lɛ doa, ń nə́ n foo-yoo baraa kɛ lɛ goa.

Loen 86:17

Sii zɛnaa maa wɔ paǹ li, n nyaa foaãnɛ. Bɛa yɔrɔ kɛ lɛ la, sìi á re maa zɔ́ɔn kuĩ, bɛ̀ ǹ tá yii, mà n din Dɛnaa Lawa nə n doe ma lɛ, n tá ma foo taɛ̃.

Loen 9:1

LOE-saalin goledɛnaa a loe. A nə n siɛ da loe li ǹ màn kɔn tɔrɔ wuu li. Davida a loe.

Izayii 10:25

A giala, kànaa ka boɛɛn nɛ, maa foo-yoo baraa kɛ á re nyɛɛ. Sɛnɛ ma á re Asiirii minin kɛn ziziɛ̃ lenlen.»

Izayii 10:4

Ka á re n giɛrɛɛ tán kòso nɛn bii, ka mɛnaa, geren bii. Sɛnɛ, bɛ tumaa kio, Dɛnaa Lawa a foo-yoo a nyɛɛ wa, a gɔn-munii n tɔn lon.

Izayii 11:16

A zaman mɛn yii goã koo Asiirii gána nɛ, á re zii boe bɛn manɛ, ka a bɛ́ á goã á bɔ Izirayeli minin man lɔn, ǹ soo Ezipti gána-n biikoo li.

Izayii 14:3

Izirayeli, ǹ kɔn pinaa, Dɛnaa Lawa á re susui koe n la n nɔmaa damata kɛ laanka n bɛ̀rɛbaa kɛ kio.

Izayii 2:11

Min mɛnɛn yii bɛ́ lon bɛn tá re n mìi zumii. Min mɛnɛn bɛ́ n dinin gole koe, sìi á re bɛn kuĩ. Bɛa pinaa kɛ nɛ, Dɛnaa Lawa dinsɔɔ̃ n die tɔ goleebaa yii.

Izayii 25:1

Dɛnaa Lawa, n din ni maa Lawa lɛa. Ma nə n guguru koe, máa n tɔ boe. Ń sii dadaran zɛnaa, n nə ǹ mɛnɛn taasɛ haalɛ bibi. N nə́ ǹ zɛnaa ka peperebaa laanka bɔlɔgoondɛnaabaa nɛ.

Izayii 25:9

Bɛa pinaa, wɔ á re pii: «Á ke, a din ni wɔa Lawa lɛa, wɔ foo n doa nɛ a din ganaa. A n wɔ kirisibiɛ. Taãn nɛ, wɔ foo n doa nɛ Dɛnaa Lawa ganaa. Wɔ ǹ bɛ̀ biɛ ka foo kɔɔ̃n nɛ, wɔ nə n nyɛnyɛɛ, a giala, á wɔ kirisibaa!

Izayii 26:1

Bɛa pinaa, Zudaa gána nɛ, zaman tá re loe loe, ǹ pɛ: Wɔa kiwi lɛ doemaa nɛ. Dɛnaa Lawa ná a lɛnpɛnɛ ka kungɔn nɛ, a ná a lɛnpɛnɛ ka kungɔn tamaa wole ne, màn mɛn bɛ́ toɛ, a wɔ tamaa.

Izayii 35:10

Dɛnaa Lawa min mɛnɛn kirisibaa, bɛn man die wusii ǹ daa. Maǹ die woe *Siɔn ka foo kɔɔ̃nbaa ǹ lɛ-dɛ nɛ. Ǹ yɔrɔ koa ǹ gɔn nə foo kɔɔ̃n lɛa, foo kɔɔ̃nbaa mɛn bɛ́ a nyɛɛ wa. Foo kɔɔ̃nbaa gole n die goɛ̃ ǹ li. Nɔmaa laanka ginii á re papaɛ̃.

Izayii 49:13

Lon, n gɔn dɛ! Tán, nsɛ nə n nyɛnyɛɛ! Kelen lɛn, ka foo kɔɔ̃nbaa ǹ lɛ dɛ! A giala, Dɛnaa Lawa n wusii a zaman lɛ foo doɛ. A n makara boe nɔmaa-wɔlen ganaa.

Izayii 51:3

Dɛnaa Lawa n *Siɔn foo doɛ, a na a kɛbɔlɔn foo doa. A n die bɛa kɛbɔlɔn lɛn bɔyɛɛ a baa dù gɔrɔ lɛa, a tán gere kɛ baa Edɛn dù gɔrɔ lɛa. Foo kɔɔ̃n laanka nyɛnyɛɛ n die goɛ̃ a nɛ, tɔ bɔ ǹ loen ne, ka sàn kɔ ǹ mànan wuun ni.

Izayii 54:7

Má goã má n la bɔ n ganaa biikoo boɛɛn gɔ́ɔ̃ nɛ, sɛnɛ, ka foo basiɛ̃ nɛ, man li ma wusoo ma n saa.

Izayii 54:8

Ma foo goã á yoo n li parasii ni. Biikoo boɛɛn gɔ́ɔ̃ nɛ, ma goã li ma yii mɛ n ganaa wa, sɛnɛ, man maa foo basiɛ̃baa nyɛɛ n nɛ kɔn-narɛɛ gɔ́ɔ̃ nɛ, dan ná a ba la wa. Masɛ Dɛnaa Lawa n bɛ pii n ni, ma din kɛ lɛ nə n si sii la wole lɛa.

Izayii 54:9

Man die sii zɛnɛɛ ka Nowee a waáraa bɛ́ lɔn. Má goã má lɛ-kɔ wɔ máa mu á re tán bii doo wa. A din goon ne, man lɛ kɔ we pelo, máa ma foo á re yui n li doo duduu wa, máa ma a re parɛɛ n li doo wa.

Izayii 60:10

Tiin man die n kungɔnɔn kɛn doe, ǹ kiin nə dí nya n nɛ. Maa foo yoo gɔ́ɔ̃ nɛ, má dɔlɔ bɔ n ganaa. Sɛnɛ, maa makara-doɛ̃ taman yii, man maa kɔn-narɛɛ nyɛɛ n nɛ.

Izayii 61:10

Dɛnaa Lawa taman yii, ma foo á kɔɔ̃nɛ á la yii ni. Ma nə n nyɛnyɛɛ maa Lawa a lɛa. Taãn nɛ, a nà a kirisibaa kɛ koe ma lɛ ká mɔnaa bɛ́ lɔn. A peperebaa ke, a n bɛ pɛnɛ ma ganaa ka mɔnaa gole bɛ́ lɔn. Man má kɔnbɔ ka kɔn-wɔle tii ni, á zɔ́n mɔnaa gɔn yii a mìi-a ka Lawa a wúlu-bɔle bɛ́ lɔn, hinlaa, ka lɔ tii bɛ́ lɔn á nyaǹ mànan wɔ.

Izayii 64:5

Wɔ tumaa n ka gɔ̀dɛnan manɛ. Wɔa sii peperen tumaa n ka mɔnaa bɛ́ lɔn mà kaa a ganaa. Wɔa siɛ̃n man wɔ biɛ, lɔnkɔsɔ á kɔnboe lɛa, piɛ̃ n woe ne.

Izayii 65:18

Ka n nyɛnyɛɛ, ka foo n kɔɔ̃n biikoo tumaa li, sii kɛ taman yii ma á re zɛnɛɛ. A giala, á ke, man die Zeruzalɛmu biɛ kiwi lɛa, piɛ̃-n ka foo kɔɔ̃n nɛ. A zaman tá re goɛ̃ nyɛnyɛɛ la.

Izayii 66:13

Náa bɛ́ a nɛnyaanan foo wɛɛ lɔn, ma dɔ n die ka dɔn foo wɛɛ miɛ̃. Bɛ n die n zɛnɛɛ Zeruzalɛmu.

Zeremii 30:19

LOE laanka foo kɔɔ̃nbaa ǹ lɛ-dɛ á re boe walan. Ma á re barka diɛ ǹ ganaa, ǹ mɔnaa. Ma á re yii gugurubaa koe ǹ la. Ǹ ba re ǹ puusə koe doo wa.

Zeremii 31:13

Ǹ nɛlɔn tá re bɛ̀ biɛ ka foo kɔɔ̃n nɛ, nɛ tenən laanka min zizin tá re n nyɛnyɛɛ kun. Ma á re ǹ gɛ̀ koan bɔyɛɛ ma baa zɔ́n lɛa. Ǹ foo ziziɛ̃ gɔ́ɔ̃ nɛ ma á re ǹ foo wɛɛ, ma á re ǹ kiɛ̃ ka foo kɔɔ̃nbaa nɛ.

Ozee 11:8

Man siɛ lɔn man la bɔ n ganaa Efrayimu, ma n wɔ minin gɔn Izirayeli? Man siɛ lɔn ma n baa ka Admaa bɛ́ lɔn, ma n baa ka Seboyimu á ke lɔn? Ma yiri nə n lɔlɔkɔn, n makara bɔ ma-a.

Ozee 6:1

Ka n kɛ pii kɔn nɛ: Ka daa wɔ wusoo wɔ wo Dɛnaa Lawa li: A din na á wɔ tɔtoɛ̃. A din nə die wɔa busu nyɛɛ. A din na á wɔ dɛ, A din nə die a dagòã boe.

Zakarii 1:16

Bɛ lɛ nɛ masɛ Dɛnaa Lawa á ke pii: Man die wusii man bɔyaa ma wo Zeruzalɛmu li ka foo basiɛ̃ nɛ, ma màn zɔɔ̃ ǹ biɛ da li. Ka bɛ nɛ, ǹ tá re wusii ǹ maa kion dɔ, ǹ wusoo ǹ maa kiwi lɛ dɔ.» Dɛnaa Lawa a da ǹ boo ne.

Zakarii 14:20

Bɛa pinaa, haalɛ toolon mɛnɛn bɛ́ sùin bɔlɔ-a, ǹ tá re kiɛ̃ bɛn ganaa: "Dɛnaa Lawa wɔn". Donkolon mɛnɛn bɛ́ Lawa a kion, bɛn dɔn tá re màn sonboren biɛ ka mà pɛsɛ̃ ǹ taãnan kɛn bɛ́ lɔn, *wúlu bɔ ǹ bǎã yɔrɔ-a.

Zakarii 14:9

Dɛnaa Lawa n die kii biɛ tán tumaa la. Bɛa pinaa, Dɛnaa Lawa n die goɛ̃ goon toto, a tɔ dɔ n die goɛ̃ goon toto.

Zakarii 8:11

Sɛnɛ, kanna, Dɛnaa Lawa Pàãyiidɛnaa a da ǹ boo á ke: Zaman kɛa min mɛnɛn yii goã koo, ma á re ǹ kuĩ ka lɛlɛ ǹ bɛ́ lɔn wa.

Zakarii 8:19

Ka bɛ́ nɛn bɛ̀ ka n lɛ sɔɔ lɛ̀ a mui siibaa ǹ wɔ kɛ li, a soorobaa ǹ wɔ nɛ, a sɔbaabaa ǹ wɔ nɛ ka a fùbaa ǹ wɔ nɛ, bɛn tá re n bɔyɛɛ ǹ zɔ́n lɛawaan baa, piɛ̃-n ka nyɛnyaa laanka foo kɔɔ̃n nɛ, Zudaa minin ganaa. «Sɛnɛ, ka sonbore laanka là nyantoro narɛ.»

Rɔmu minin 11:15

Sonbore, ǹ da para li kio ne, kanaa bii kɔɔ̃n kɔ kɔn ka Lawa nɛ. Bɛ̀ Lawa wusoo á n yɔrɔ da ǹ la, wàa n die n zɛnɛɛ kəni? A n die n biɛ ka min a yii kaa a bɔ geren bii bɛ́ lɔn!