Izayii 11:9 - LAWA A BOO SONBORE

⁹ Baraabaa laanka kakaarɛbaa goon din ba re n zɛnɛɛ Dɛnaa Lawa a kele sonbore kɛ la wa. A giala, gána lɛ n die piɛ̃ ka Dɛnaa Lawa doɛ̃ nɛ, ka yìsi mu bɛ́ piɛ̃ nɛ ka mu-n lɔn.

LAWA A BOO SONBORE 2011

⁹ Baraabaa laanka kakaarɛbaa goon din ba re n zɛnɛɛ Dɛnaa Lawa a kele sonbore kɛ la wa. A giala, gána lɛ n die piɛ̃ ka Dɛnaa Lawa doɛ̃ nɛ, ka yìsi mu bɛ́ piɛ̃ nɛ ka mu-n lɔn.

Izayii 11:9 ပူးပေါင်းရင်းမြစ်များ

Zɔbu 5:23

A giala kɔlɔn kɛn ba re n wuru kɔsiɛ sàabiɛ wa, n laanka don mànan dɔn ba re kɔn nɔmiɛ̃ wa.

Loen 72:19

Barka tá Lawa Gole lɛ ganaa, yǎa duduu. Kanaa din tumaa die a pã ka a gugurubaa nɛ. A n baa miɛ̃, a n baa miɛ̃!

Loen 78:54

Á woo ǹ ne a din a bǎã sonbore kɛ nɛ, kele kɛ la, a din màn mɛn si ka a din pàã nɛ.

Izayii 11:13

Bɛa waáraa kəni, Efrayimu gána a foo wuu pɛ á re nyɛɛ. Zudaa gána a zɔ́ɔn tá re bɔ̀n biɛ. Efrayimu gána foo a re wuu pii Zudaa gána li doo wa. Zudaa gána a re Efrayimu gána biɛ zɔ́ɔ doo wa.

Izayii 11:8

Nɛnyaan tiɛɛ̃n tá re sàn koe damanti a waa ǹ bǎã nɛ, nɛnyaan boɛɛn tá re n gɔn we kɔrɔkan li yala-n.

Izayii 2:4

A din nə die kiri-kuruli biɛ tɔrɔn bii. Á re tɔrɔ gigiã a waa kɔn wole biɛ. Ǹ ziabaa ǹ gɔya san kɛn, ǹ tá re bɛn biɛ kán nànan lɛa. Ǹ sɛ̀miɛ̃n kɛn, ǹ tá re bɛn biɛ sɛǹ gɔyan lɛa. Gánan ba re gɔya san goɛ kɔn li doo wa, min ba re n darɛɛ ziabaa-a doo wa.

Izayii 30:26

Ǹ kɔn pinaa, Dɛnaa Lawa na a zaman lɛ a bayɛrɛn pii. Bɛ̀ a ná a busulɛn nya, mui á re tɛ pii ka wasa bɛ́ lɔn, wasa á re a lɛawaa sɔbaa fúlu kiɛ pinin goon.

Izayii 32:16

Bɛa biikoo li, sonborebaa á re yii diə gole ne, peperebaa á re giɛ̃ da nɛ-kɔle wuru-n.

Izayii 33:6

A n die goɛ̃ ǹ yii-nyɛɛ lɛa yǎa duduu. A din ni minin kirisibiɛ, a n yiridɛnaa lɛa, a n sii tumaa doɛ̃. Nyɛ́ɛ baa Dɛnaa Lawa yii-n nə naforo lɛa.

Izayii 35:9

Yàra laanka don siĩn ba re yii walan wa. Ǹ kɔn ba re die walan wa. Dɛnaa Lawa bɛ́ re min mɛnɛn sii a ǹ kaa, bɛn dininsɔɔ̃nɔn man die zii kɛ siɛ.

Izayii 45:6

Bɛ lɛ nɛ, a kũ lɛ̀giala ganaa a wo lɛ̀nyɛɛn yaa, min tumaa á re doɛ̃, mà màn kɔn banban á kiɛ̃ masɛ la wa. Ma din ni Dɛnaa Lawa lɛa, kɔsɔ banban.

Izayii 49:6

Á pɛ ma nɛ: N bie re maa dí-nyali dinsɔɔ̃ biɛ, n Zakɔba tɔrɔn goa n nə ǹ kaa lon, Izirayeli min mɛnɛn yii goa koo, n da ka bɛn nɛ wa. Man die n biɛ tɔrɔn tɛ fúlu lɛa, màn mɛn bɛ́ toɛ maa kirisibaa dɔ kanaa lɛ dan ganaa.

Izayii 52:10

Dɛnaa Lawa na a pàã sonbore kɛ tumaa nyɛɛ tɔrɔn tumaa yɔrɔ-a. Dɛnaa Lawa bɛ́ wɔ kirisibiɛ lɔn, min tumaa á re bɛ yii yǎa kanaa lɛ dan ganaa.

Izayii 54:5

A giala, min mɛn nə n zɛnaa, a tɔ n Dɛnaa Lawa Pàãyiidɛnaa, bɛ lɛ nə n zuũ lɛa. Min mɛn bɛ́ n kanbiɛ, bɛ n ka Izirayeli a Lawa sonbore kɛ nɛ, ǹ bɛ́ ǹ mɛn lɛ bíi mà «tán tumaa a Lawa.»

Izayii 56:7

ma á re die ǹ ne maa kele sonbore kɛ la, ma ǹ kã ka foo kɔɔ̃n nɛ ma nyankɔ ǹ kion kɛ nɛ. Ǹ bɛ́ re *wúlu màn tiɛ̃n mɛnɛn koe ma la ka wúlu mànan kɛn nɛ *wúlu bɔ ǹ bǎã nɛ, ma á re ǹ sii. Sonbore, maǹ die maa kion lɛ bíi, «Tɔrɔn tumaa a Lawa nyankɔ ǹ kion.»

Izayii 59:19

A kũ lɛ̀nyɛɛn ganaa min tumaa á re Dɛnaa Lawa tɔ guguru koe, a wo lɛ̀giala yaa, ǹ tumaa á re a tɔ a gugurubaa doɛ̃. Dɛnaa Lawa n die die ka mu tii bɛ́ lɔn nyankɔrɔ basa nɛ, piɛ̃ n noɛ̃ die ne.

Izayii 65:25

Don gin laanka sère nɛ á re buu soɛ̃ kun. Yàra á re buu gere soɛ̃ ka dii bɛ́ lɔn. Miɛ̃ á re n din toe ka gusuũ ni. Maa kele sonbore kɛ la, sii baraa hinlaa kakaarɛbaa a re n zɛnɛɛ doo wa. Dɛnaa Lawa na á pɛ.

Izayii 66:18

Dɛnaa Lawa pɛ: «Ma tá ǹ zɛnaa ǹ siin laanka ǹ taasiɛ doɛ̃. Man die bɔlɔ tumaa a tɔrɔn soekɔn. Ǹ tá re die, ǹ maa gugurubaa yɛ.

Izayii 66:20

Ka dɔɔ̃nɔn mɛnɛn bɛ́ re goɛ̃ tɔrɔn tumaa bii, ǹ tá re die ǹ tumaa nɛ, sùin la, ziabaa ǹ wotoron ne, wotoron ne ǹ nə́ mɔnaa kɔ ǹ mìi lɛ, dundun sùin la ka nyɔɔmaan nɛ. Ǹ tá re die yǎa maa kele sonbore kɛ li Zeruzalɛmu, Dɛnaa Lawa na á pɛ: Bɛ n die goɛ̃ ǹ Lawa gɔ ǹ màn lɛa maa wɔ lɛa. Man die ǹ sii ka Izirayeli minin bɛ́ nɛn bɛ̀ ǹ wúlu mànan mɛnɛn kaa màn sonboren ne bɛ̀ ǹ da-n maa kion lɔn.»

Zeremii 31:23

Dɛnaa Lawa Pàãyiidɛnaa, Izirayeli a Lawa n kɛ pii: – Bɛ̀ má wusoo má Zudaa gána laanka a kiwin giã ǹ gɔn zizi kɛ kɔ ǹ la ǹ mɛn waáraa, minin tá re kɛa boon kɛn pii doo: «Peperebaa bɛ́ bǎã mɛn nɛ, kele sonbore, Dɛnaa Lawa barka da n ganaa.»

Zeremii 31:34

Min kɔn ba re ǹ miã hinlaa ǹ dɔɔ̃n darɛɛ a pɛ-n kɛnɛn wa: «Ka n daraa Dɛnaa Lawa doɛ̃ ganaa!» A giala, min tumaa á re ma doɛ̃. A kũ nɛnyaanan ganaa, a wo min zizin yaa. Ma á re ǹ sãn toɛ ǹ nɛ, ma yiri bɔ ka ǹ sii baraan nɛ. Dɛnaa Lawa a da ǹ boo ne.

Ezekieli 34:25

«Ma á re lɛ kɔ kɔn la we ka maa tɔɔ kuru lɛ nɛ, là nyantoro wɔ paǹ li. Ma á re don màn babaraan tumaa papaɛ̃ ma ǹ bɔ gána lɛ nɛ. Ǹ tá re giɛ̃ diə gole gɔ́ɔ̃ nɛ, ǹ yiri n bǎã goon ne, ǹ tá re nyuù din we daã nɛ.

Ezekieli 47:5

Bɛ kio doo, á wusoo á gùrù yii duu goon zɔɔ̃. Bɛa bǎã a mu na á goã mu gole lɛa ma goã boe la ma á kuri wa. A giala, mu lɛ na á goã á dii lon, min ba boe la á kuri ka yɔrɔ kɔsɔ-n wa, yǎa bɛ̀ á mu biɛ doɛ̃.

Ozee 2:18

Ma din Dɛnaa Lawa a da ǹ boo á ke: «Bɛa pinaa kɛ nɛ, N tá re ma bii "n zuũ", n ba re "Baali" tɔ kɛ koe ma-a doo wa.

Abakuku 2:14

Sonbore, min tumaa á re Dɛnaa Lawa a gugurubaa doɛ̃. Á re tán piɛ̃ ka yìsi mu gole bɛ́ lɔn.

Zakarii 14:9

Dɛnaa Lawa n die kii biɛ tán tumaa la. Bɛa pinaa, Dɛnaa Lawa n die goɛ̃ goon toto, a tɔ dɔ n die goɛ̃ goon toto.

Zakarii 8:3

Dɛnaa Lawa bɛ́ boo mɛn pii á ke: «Man wusii die Siɔn, hiĩ, man wusii giɛ̃ Zeruzalɛmu. Ǹ tá re Zeruzalɛmu bíi "kiwi bɔlɔgoondɛnaa", Dɛnaa Lawa Pàãyiidɛnaa a kele ke, ǹ tá re bɛ bíi "Kele sonbore".»

Tesaloniki1 5:15

Ka yiri bɔ, min kɔ́n baran sii baraa saraa ka sii baraa-n wa. Ka n doa ka sii bǐɛ̃ zɛnaa kɔn nɛ biikoo tumaa li, ka zɛnaa min tumaa dɔ nɛ.

Sii-nyaan 21:27

Màn mɛn tumaa bɛ́ *gɔ̀ lɛa, bɛ kɔ́n ba we kiwi kɛ-n wa, min gɛsɛ a we wa, soɛ-bɔle dɔ a we wa. Sɛnɛ, min mɛnɛn tɔ bɛ́ kiɛ̃-n Sère Nɛ a yiikoonaabaa ǹ sɛ́wɔ kɛ nɛ, bɛn dininsɔɔ̃nɔn man we kiwi lɛ nɛ.