Izayii 11:2 - LAWA A BOO SONBORE

² Dɛnaa Lawa Yiri n die goɛ̃ la: Yiridɛnaabaa laanka sii bɔbɔ kɔn lɛ ǹ yiri n die goɛ̃ a lon, daraa ka foo tãbaa ǹ yiri ni, Dɛnaa Lawa doɛ̃ laanka a guguru kɔ ǹ yiri ni.

LAWA A BOO SONBORE 2011

² Dɛnaa Lawa Yiri n die goɛ̃ la: Yiridɛnaabaa laanka sii bɔbɔ kɔn lɛ ǹ yiri n die goɛ̃ a lon, daraa ka foo tãbaa ǹ yiri ni, Dɛnaa Lawa doɛ̃ laanka a guguru kɔ ǹ yiri ni.

Izayii 11:2 ပူးပေါင်းရင်းမြစ်များ

Samayeli2 23:3

Izirayeli a Lawa na á kɛ pɛ. Izirayeli tamaali lɛ na á kɛ pɛ ma nɛ: «Min mɛn bɛ́ a kiibaa zɛnɛɛ minbuiinin bii ka peperebaa nɛ, kii mɛn bɛ́ a kiibaa zɛnɛɛ ka nyɛ́ɛ baa Lawa yii-n ni,

Loen 72:2

Toa a giã n zaman kɛ mìi la ka peperebaa nɛ, a kiri wɔ doobaan ganaa ka telebaa nɛ.

Bɔ bɛ̀rɛbaa nɛ 28:3

Ma din sii-doɛ̃ kɔ min mɛnɛn la, n dɔ boo da bɛa sii-dɔ̃len kɛn lɛn nɛ. N pɛ ǹ nɛ, ǹ Aarɔn a mɔnaan lɛn zɛnaa, màn mɛn bɛ́ toɛ, Aarɔn lɛ nə n koa a gɔrɔn, a masɛ a dí nya.

Izayii 28:6

Min mɛnɛn doamaa bɛ nɛ ǹ kiri pepere wɔ, a n die peperebaa ǹ yiri koe bɛn la. Min mɛnɛn bɛ́ zɔ́ɔn lui kiwi a kiɛnlɛn ganaa, a n die pàã koe bɛn la.

Izayii 32:15

Sɛnɛ ǹ kɔn pinaa, Dɛnaa Lawa á re a yiri gisĩ wɔ la. Bɛa biikoo li kəni, diə gole á re n bɔyɛɛ a da nɛ-kɔle wuru baa, da nɛ-kɔle wuru á re n bɔyɛɛ a daã baa.

Izayii 42:1

«Maa dí-nyali á ke: Man kuĩ a gɔn ganaa. Má bɔ ka foo kɔɔ̃nbaa nɛ. Má n yiri da la, má a peperebaa nyaa tɔrɔn manɛ.

Izayii 48:16

Ka n zɔ̃ ka dɔ ma li ka n too kɔ. A kũ kanaa giala kɔ waáraa ganaa, ma tɔn boo durii da wa. Siin giala kɔ waáraa, bɛ̀ ma tan. Sisia kəni, Dɛnaa Lawa n ma diɛ, a yiri n ma la.

Izayii 59:21

Sɛnɛ masɛ a paǹ li, ma bɛ́ lɛ kɔ kɔn la mɛn we ǹ nɛ, á ke, Dɛnaa Lawa na á pɛ: Ma yiri n ka la. Má maa boo wɔ ka lɛ-n. A n ka dinin wɔ lɛa, kaa nɛnyaanan nɛ, ka kaa nɔ̀ɔnɔn nɛ, sisia yǎa duduu. Ma a re ǹ sii ka la duduu wa. Ma din Dɛnaa Lawa n má pɛ.

Izayii 61:1

Dɛnaa Lawa Yiri n ma la. Hiĩ, a na á ma bɔ á ma koa, mà ma boo tii kɔɔ̃n pɛ doobaan manɛ. Min mɛnɛn bɛ́ nɔmaa nɛ, mà ma wo bɛn foo basã. Ǹ min mɛnɛn goa ǹ nə́ woo ǹ ne, mà ma wo pɛ bɛn manɛ, mà ǹ tá re ǹ kiɛ. Min mɛnɛn bɛ́ kòso ne, ǹ tá re bɛn sii ǹ nə ǹ kaa.

Izayii 9:6

A kiibaa n die gole koe. Là nyantoro mɛn bɛ́ duduu wɔ lɛa, a n die bɛ koe a zaman la. A n die giɛ̃ Davida a kii dankan la, a giã a gána mìi la. A kũ sisia ganaa yǎa duduu, a n die pàã we a gána nɛ, a kaka kɔ, peperebaa laanka sonborebaa barka nɛ. Dɛnaa Lawa Pàãyiidɛnaa a miãgoã-bɔ kɛ n diɛ bɛ a zɛnɛɛ ganaa.

Zakarii 4:6

Á ma lɛ si á pɛ: Kɛ n Dɛnaa Lawa a boo lɛa Zorobabeli wɔ paǹ li. «Dí ke n gɔn, n din a foo tãbaa hinlaa n pàã kɛ bie die toɛ n boo la n nya wa, sɛnɛ, ma din yiri kɛ nɛ, Dɛnaa Lawa Pàãyiidɛnaa n pii miɛ̃.»

Matiə 3:16

A bɛ́ á batɛmu da a ganaa, Yezu soo á n bɔ mu li. A din bǎã-n gɔrɔ, lon nə́ n lɛ bũ, Yezu Lawa a Yiri Fu yɛ ka zɛrɛkantoan bɛ́ lɔn gisĩ die a din la.

Zaã a sɛ́wɔ 14:17

Yiri Fu mɛn bɛ́ sonbore pii, bɛ lɛ nɛ. Kanaa minin ba boe la ǹ lɛ kɔ a ganaa wa, a giala, ǹ yii ba a ganaa wa, ǹ ba doɛ̃ dɔn wa. Sɛnɛ, kasɛn kɛn tá doɛ̃, a giala, á giã nɛ ka li, á kun ka nɛ.

Zaã a sɛ́wɔ 15:26

Ma bɛ́ re n toɛ maa Díi li, ma Dɔmalɛ Wole mɛn dia ka la, Yiri Fu sonbore-pɛle kɛ lɛ boe maa Díi li, bɛ̀ bɛ lɛ daa ǹ mɛn waáraa, á die siére biɛ masɛ a lɛa.

Zaã a sɛ́wɔ 16:13

Bɛ̀ Yiri Fu sonbore-pɛle lɛ daa ǹ mɛn waáraa, á die ka yiri fúli, ka sonbore tumaa dɔ̃. A giala, a bie re boo diɛ a din gɔn wìi a lɛa wa, sɛnɛ, a bɛ́ re màn mɛn miɛ, a n die bɛ lɛ pii; sii mɛn dɔ bɛ́ re n zɛnɛɛ, á re bɛ dɔ pii ka nɛ.

Zaã a sɛ́wɔ 3:34

Lawa bɛ́ á min mɛn dia, bɛa dɛnaa lɛ n Lawa a boon pii, a giala, Lawa din na a Yiri koe la ka a parsiini.

Nya ǹ dín 10:38

Ka á doɛ̃, mà Yezu mɛn bɛ́ boe Nazarɛti, mà Lawa na á bɔ, á Yiri Fu kɔ la parsiini, ka pàã dɔ nɛ. Á woo bǎã tumaa nɛ, á bǐɛ̃ zɛnaa. *Sɛtaan goã min mɛnɛn tumaa nɔmiɛ, á bɛn yii kaka kɔ, a giala, Lawa na á goã kun ni.

Korɛnti1 1:30

Sɛnɛ, Lawa na á wɔ bíi, á wɔ kaa kun ka Yezu Krita nɛ. A din na á n baa sii-doɛ̃ lɛa, peperebaa nɛ, *yoreenbaa lɛa ka kirisibaa nɛ, wɔ nɛ.

Timəə dí-pɛn 34:9

Nunu a nɛgiĩ Zozoe yiri na á goã piɛ̃-n ka sii-doɛ̃ nɛ, a giala, Muizu na á goã á n gɔn da la. Izirayeli minin lɛn ná a bɔlɔ si. Dɛnaa Lawa goã á màn mɛn pɛ Muizu ni, mà a pɛ ǹ nɛ, maǹ nə́ sii tumaa zɛnaa á kɔnpɛ ka bɛ lɛ nɛ.

Timote2 1:7

A giala, Lawa Yiri Fu mɛn kɔ wɔ la, bɛ bie wɔ biɛ nyɛ́ɛ-baalin lɛa wa. Sɛnɛ, a n pàã koe wɔ la, ka kɔn-narɛɛ nɛ, ka din-kuĩ ni.

Sii-nyaan 1:4

Masɛ ZAÃ nə fòo kɛ diɛ Lawa a sɔmɔ sɔbaa kɛ nɛ Azii gána nɛ. Min mɛn bɛ́ a goã a tan, a ná a tan, a n die die dɔn, yiri sɔbaa kɛ nɛ a kii dankan yɔrɔ-a, ka Yezu Krita nɛ, bɛn die ǹ bǐɛ̃ zɛnaa ka nɛ, ǹ là nyantoro kɔ ka la.