Izayii 11:16 - LAWA A BOO SONBORE

¹⁶ A zaman mɛn yii goã koo Asiirii gána nɛ, á re zii boe bɛn manɛ, ka a bɛ́ á goã á bɔ Izirayeli minin man lɔn, ǹ soo Ezipti gána-n biikoo li.

LAWA A BOO SONBORE 2011

¹⁶ A zaman mɛn yii goã koo Asiirii gána nɛ, á re zii boe bɛn manɛ, ka a bɛ́ á goã á bɔ Izirayeli minin man lɔn, ǹ soo Ezipti gána-n biikoo li.

Izayii 11:16 ပူးပေါင်းရင်းမြစ်များ

Bɔ bɛ̀rɛbaa nɛ 14:22

Izirayeli nɛnyaanan lɛn nə́ wɔ tà gɔ́ɔ̃ gere lɛ nɛ, ǹ nə́ kiɛ̃. Mu lɛ n soe-n kɔn ǹ paǹan paanan li ka kungɔn bɛ́ lɔn.

Izayii 1:9

Bɛ̀ Dɛnaa Lawa Pàãyiidɛnaa bie á min tɛn yii toa koo wɔ bii wa, bɛ̀ wɔ n die papaɛ̃ lenlen ka Sodɔmu laanka Gomɔɔrɔ kiwi bɛ́ lɔn.

Izayii 10:20

Bɛa waáraa, min mɛnɛn yii goã koo Izirayeli gána nɛ, Zakɔba tɔrɔ gialakun mɛn goã, bɛn ba re n foo doɛ ǹ dɛle wole kɛ ganaa doo wa. Sɛnɛ, ǹ tá re n foo doɛ Dɛnaa Lawa ganaa taãn-taãnɛ, Izirayeli a Lawa sonbore ke.

Izayii 11:11

Bɛa pinaa kɛ nɛ, Dɛnaa n die n pàã nyɛɛ, ka a paabaa ǹ wɔ nɛ. Á re Izirayeli min gialakunun kɛn sii a ǹ kaa, ǹ mɛnɛn yii goã koo Asiirii gána nɛ, Ezipti gána a tán nɛ a lɛ̀gɔn la nɛ a lon ne a lɛ̀gɔn la nɛ, Etiopii gána nɛ, Elamu gána nɛ, Amaati ni, *Baabilonii gána nɛ, ka gánan mɛnɛn bɛ́ mu bii.

Izayii 19:23

Bɛa pinaa kɛ lɛ nɛ, zii á re boe Ezipti gána nɛ a wo Asiirii. Asiirii minin tá re woe Ezipti gána nɛ, Ezipti minin dɔn nə wo Asiirii gána nɛ. Ǹ dinin tumaa á re dí nyɛɛ Dɛnaa Lawa nɛ.

Izayii 27:13

Bɛa pinaa, sère gɔ̀lɔ̀ bɛn gole n die n pii. Bɛa biikoo li kəni, min mɛnɛn nə papaã Asiirii gána nɛ, ǹ nə n mɛnɛn loo Ezipti gána nɛ, bɛn tumaa á re die lenlen. Ǹ tá re die n musin koɛ tán Dɛnaa Lawa yɔrɔ-a, Zeruzalɛmu a kele sonbore kɛ la.

Izayii 49:11

Ma á re kele mìin bɔyɛɛ ma ǹ baa kiɛ̃ ǹ zii sonboren lɛa. Ma á re tii kiɛ nyankɔrɔn nɛ ǹ yoo lon.

Izayii 49:12

Ǹ nə́ ke yii! Maǹ boe sɔsɔɔ die. Ǹ tɛnɛn man boe gɔsɛ a lɛ̀gɔn la, gialakunun man boe lɛ̀nyɛɛnɛ, kɔsɔn man boe Ezipti gána nɛ, gusin a lɛ̀gɔn la.

Izayii 51:10

N din bie ń goã ń yìsi mu gole kɛa mu piɛ̃ wa? N din nə n zii bɔ yìsi mu giala-n, màn mɛn bɛ́ toɛ, n min mɛnɛn si n nə́ ǹ kaa, bɛn nə boo la ǹ kiɛ̃.

Izayii 57:14

Dɛnaa Lawa pɛ: Ka zii zɛnaa fufuu, ka zii bɔ. Màn mɛn tumaa bɛ́ min nə boe la a n gòã na a ganaa, ka bɛ bɔ ka bɔ maa zaman a zii la.

Izayii 62:10

Zeruzalɛmu minin, ka soo! Ka soo kiwi kɛ-n fufuu! Ka zii bũ maa zaman nɛ! Ka zii zɛnaa, ka a kɔlɔn waa! Ka sii giala pɛ ǹ màn zumu, tɔrɔn wɔ lɛa!

Sofonii 2:7

Zudaa tɔrɔn mɛnɛn yii goã koo bǎã lɛ n die goɛ̃ bɛn wɔ lɛa. Maǹ die ǹ tɔɔn lɛduĩ walan, wasamiɛ̃nɛ, ǹ wo waa tán Asikalɔn a kionən kɛn nɛ. A giala, Dɛnaa Lawa, Zudaa tɔrɔn Lawa n die n yiri koɛ ǹ li, a wusoo doo, a bǐɛ̃ kɔ ǹ ganaa ka gɔn nyɔmiɛ̃ sonbore ne.