Izayii 11:15 - LAWA A BOO SONBORE

¹⁵ Dɛnaa Lawa á re Ezipti tà diɛ piɛ̃ ganaa. Á re parɛɛ Efrati tà li, a n gɔn pepere li. A n die niɛ̃ kɔn gùrù sɔbaa ka a boo sii la pàã nɛ, minin nə boo la ǹ kiɛ̃ a nɛ ka ǹ gòã nɛ.

LAWA A BOO SONBORE 2011

¹⁵ Dɛnaa Lawa á re Ezipti tà diɛ piɛ̃ ganaa. Á re parɛɛ Efrati tà li, a n gɔn pepere li. A n die niɛ̃ kɔn gùrù sɔbaa ka a boo sii la pàã nɛ, minin nə boo la ǹ kiɛ̃ a nɛ ka ǹ gòã nɛ.

Izayii 11:15 ပူးပေါင်းရင်းမြစ်များ

Bɔ bɛ̀rɛbaa nɛ 14:21

Muizu nə́ n gɔn saa lon tà lɛ la. Dɛnaa lɛ̀giala piɛ̃ gole kɔ́n da bɔ ganaa tèlò lɛ tumaa gɔ́ɔ̃ nɛ. Á tà lɛ a mu kurəə ne, mu lɛ nə́ n na kɔn, tà lɛ gɔ́ɔ̃ n laa nɛ.

Bɔ bɛ̀rɛbaa nɛ 14:22

Izirayeli nɛnyaanan lɛn nə́ wɔ tà gɔ́ɔ̃ gere lɛ nɛ, ǹ nə́ kiɛ̃. Mu lɛ n soe-n kɔn ǹ paǹan paanan li ka kungɔn bɛ́ lɔn.

Bɔ bɛ̀rɛbaa nɛ 14:29

Sɛnɛ, Izirayeli nɛnyaanan man nə́ tɔ wɔ tà gɔ́ɔ̃ gere bii, mu lɛ n soe-n kɔn ka kungɔn bɛ́ lɔn ǹ paǹan paanan li.

Izayii 19:16

Ǹ kɔn pinaa, bɛ̀ Dɛnaa Lawa Pàãyiidɛnaa yoo Ezipti minin gialaa, maǹ die goɛ̃ ka lɔn bɛ́ lɔn, nyɛ́ɛ nə́ ǹ ganaa. Bɛ̀ á n gɔn pepere ǹ li ǹ mɛn pinaa, ǹ gɔ̀nɔn tá re bìn diɛ nyɛ́ɛ gɔn.

Izayii 43:16

Dɛnaa Lawa n kɛ pii asɛ mɛn bɛ́ á zii bɔ yìsi mu la, á zii bɔ á mu pàã gole kɛ wɔsɔ kɔn nɛ.

Izayii 44:27

Man pii mu zuzulu ni: «Piɛ̃ ka daɛ̃. Ma á re n mu diɛ piɛ̃ ganaa»

Izayii 50:2

Ma bɛ́ ma daa, wàa na á baa ma da min kɔn yaa wa? Má lɛ dia, min kɔn ma lɛ si wa. Wàa na á baa kəni? Ka ǹ taasɛ mà maa boe la ma ka si ma ka kaa wa? Kaa kirisibaa ǹ pàã na a ba ma lon wa? A da yaa, maa paraa-mali dinsɔɔ̃ n yìsi mu piɛ̃ ka daɛ̃. Man tà bɔyɛɛ ma baa diə lɛa. Mu wɛɛ taman yii, zɔ̀nɔn man giɛ̃, ǹ bɔɔ̃.

Izayii 51:11

A din yii goon ne: Dɛnaa Lawa min mɛnɛn si á ǹ kaa, ǹ tá re n bɔyɛɛ ǹ daa, ǹ wo Siɔn ka foo kɔɔ̃n lɛ-dɛ nɛ. Ǹ yɔrɔ n die goɛ̃ foo kɔɔ̃n lɛa yǎa duduu. Foo kɔɔ̃n laanka nyɛnyɛɛ n die koe ǹ lɛ. Nɔmaa laanka foo-ziziɛ̃ wɔlɔ á re lui ǹ ganaa.

Izayii 63:12

Ǹ zii tɔ wɔ gɔ́ɔ̃ nɛ, a din na á pàã kɔ Muizu la. Á yìsi mu yu kɔn ǹ nyɛɛnɛ, màn mɛn bɛ́ toɛ, a tɔ goã yǎa duduu.

Izayii 7:20

Bɛa pinaa kɛ nɛ, Dɛnaa n die kùn dɔnbii Efrati tà paǹ goon minin kɛn la. Bɛ n ka Asiiriin kii ni. Á re ka ka tumaa koɛ̃, ka mìi ka nɛ, ka ka lɛtoro ka dɔ din ni.

Izayii 8:7

Bɛ lɛ nɛ, masɛ Dɛnaa n die Efrati tà mu gole kɛ diɛ ǹ la, bɛ giala mà Asiiriin kii laanka a pàã. Efrati tà lɛ n die piɛ̃, a toɛ̃, a n da bǎã yii la.

Ezekieli 29:10

«Bɛ lɛ n ke, ma á re die n laanka n tà lɛ gialaa. Ma á re Ezipti gána lɛ biɛ kɛbɔlɔ lɛa, kɛbɔlɔ kooro lɛa, a saa Migidɔli ganaa, yǎa Siyɛni kiwi, a wo yǎa Etiopii gèlè la.

Ezekieli 30:12

Ma á re n tà gòã kɛ tumaa biɛ bǎã gere lɛa, ma á re n gána lɛ koe min kakaarɛn la, ma á re tiin diɛ ǹ wo n gána lɛ ziziɛ̃, ka a gɔ́ɔ̃gɔ́ɔ̃ ǹ mànan tumaa nɛ. Ma din Dɛnaa Lawa n má pɛ.

Zakarii 10:11

Ǹ tá re koe yìsi mu kɛ kuri. Masɛ Dɛnaa Lawa, ma á re yìsi mu gole a mu duwii. Haalɛ Niili tà gɔ́ɔ̃ din tá re laɛ. Asiirii gána, din gole-kɔle kɛ á re mɛnɛɛ. Ezipti a pàã á re nyɛɛ.

Sii-nyaan 16:12

Lon a dia dí-a wole sɔrɔbaa ǹ wɔ kɛ ná a wɔ binyəə Efrati tà gole mu li. Tà mu lɛ piɛ̃, á boo la á zii kɔ lɛ̀giala a kiin la mà ǹ kiɛ̃.