Izayii 11:14 - LAWA A BOO SONBORE

¹⁴ Lɛ̀nyɛɛn gɔn la, maǹ die n mìi foɛ̃ Filisiti minin kelen kɛn ganaa, lɛ̀giala gɔn la, n tá re diə gole minin kɛn gɔn mànan kokoe. Edɔmu gána laanka Moabu gána n die goɛ̃ ǹ pàã giulun, Amɔn tɔrɔn nə dí nya ǹ nɛ.

LAWA A BOO SONBORE 2011

¹⁴ Lɛ̀nyɛɛn gɔn la, maǹ die n mìi foɛ̃ Filisiti minin kelen kɛn ganaa, lɛ̀giala gɔn la, n tá re diə gole minin kɛn gɔn mànan kokoe. Edɔmu gána laanka Moabu gána n die goɛ̃ ǹ pàã giulun, Amɔn tɔrɔn nə dí nya ǹ nɛ.

Izayii 11:14 ပူးပေါင်းရင်းမြစ်များ

Izayii 14:29

Filisiti minin lɛn, bàlà mɛn bɛ́ ka dii, ta bɛ yiɛ, ka nyan nə n nyɛnyɛɛ wa. A giala, kɔrɔkan nə die soe miɛ̃ gere ne, tɔɔ babaraa piɛ̃ wole bɔ a dɔ nɛ.

Izayii 15:1

Moabu minin boo gii: Tèlò goon ne, Aara-Moabu gána kɛ bɔ̀n baa. Tèlò goon toto ne, á papaã. Tèlò goon ne, Kiiri-Moabu gána kɛ bɔ̀n baa. Tèlò goon toto ne, á papaã.

Izayii 16:14

Sisia, Dɛnaa Lawa n kɛ pii: «Kànaa ka lɛ̀ sɔɔ ka te, Moabu gána a min dadaran laanka a zaman damata kɛ a re màn kɔn biɛ doo wa. Min mɛnɛn yii bɛ́ re goɛ̃ koo, bɛn ba re tɛ koe wa. Ǹ ba màn lɛa wa, ǹ ba re màn kɔn dɔ biɛ wa.»

Izayii 25:10

Dɛnaa Lawa gɔn nə Siɔn kele tamaɛ.» Sɛnɛ, a n Moabu gána yɔyɔrɛ ka ǹ bɛ́ làpaa yɔyɔrɛ lɔn tonton bɔlɔ la.

Izayii 33:1

Nsɛ mɛn bɛ́ basaã koe, n wɔ n ka bɔ̀n nɛ, nsɛ mɛn bɛ́ basaã tɔn nə n yɛ wa, nsɛ mɛn bɛ́ minin yiri siɛ̃ ǹ nə́ ǹ tɔn nə nsɛ yiri sã wa! Bɛ̀ n basaã kɔ n nya ǹ mɛn waáraa, ǹ tá re basaã koe n ne. Bɛ̀ n minin yiri sã n nya biikoo mɛn li, ǹ tá re n dɔ yiri siɛ̃.

Izayii 59:19

A kũ lɛ̀nyɛɛn ganaa min tumaa á re Dɛnaa Lawa tɔ guguru koe, a wo lɛ̀giala yaa, ǹ tumaa á re a tɔ a gugurubaa doɛ̃. Dɛnaa Lawa n die die ka mu tii bɛ́ lɔn nyankɔrɔ basa nɛ, piɛ̃ n noɛ̃ die ne.

Izayii 60:14

Min mɛnɛn nə fuu nyaa n nɛ, bɛn nɔ̀ɔnɔn tá re n mɔrɛɛ n ganaa, ǹ mìi n kuməə ne. Min mɛnɛn nə n baa màn kooro lɛa, bɛn tá re n musin koɛ tán-a n yɔrɔ-a. Ǹ tá re n bíi: «Dɛnaa Lawa a kiwi, Izirayeli a Lawa sonbore a *Siɔn.»

Izayii 63:1

Die n ke boe Edɔmu gána nɛ, boe a kiwi Bozira kɛ nɛ? Á mɔnaa tãtãn wɔ. Á mɔnaa sonboren wɔ, a n tɔ we ka din narɛɛ nɛ, a foo n doa nɛ a din ganaa. Dɛnaa Lawa pɛ: «Ma din ni kiri pepere we. Pàã tá ma lon ma ka kirisibaa.»

Izayii 9:12

Dɛnaa Lawa Izirayeli zaman dɛ. Sɛnɛ, bɛ tumaa kio, Izirayeli nə n bɔyaa á daa Dɛnaa Lawa Pàãyiidɛnaa li wa.

Zeremii 40:11

Baabiloniin kii zaman lɛ gialakun toa Zudaa gána nɛ, á ǹ sii wɔ Safan a nɔɔn, Ayikaamu a nɛgiĩ Gedalia gɔn. Zudaa minin mɛnɛn bɛ́ giã-n Moabu minin bii, Amɔn tɔrɔn nɛ, Edɔmu minin ni ka gána kɔsɔn nɛ, ǹ tumaa bɛ ma.

Zeremii 48:40

Dɛnaa Lawa n kɛ pii: «Zɔ́ɔ n ka zèwo bɛ́ lɔn, piɛ̃, á n nyàan lɛ bɔ Moabu kiwi lalan.»

Zeremii 49:2

«Dɛnaa Lawa a da ǹ boo á ke, lɛawaan tá re doe, man die toɛ, ziabaa ǹ lɛ dɛ bɔ Rabaa, Amɔn tɔrɔn kiwi gole kɛ nɛ. Bɛa kiwi gole lɛ á re kɛbɔlɔ biɛ. Tɛ á re a lɛkoro lɛ-a kiwin kuĩ. Bǎãn mɛnɛn bɛ́ Izirayeli wɔ lɛa, á re ǹ sii.»

Zeremii 49:22

Zɔ́ɔ n ka zèwo bɛ́ lɔn, piɛ̃, á n nyàan lɛ bɔ Bosraa kiwi lalan. Bɛa pinaa lɛ nɛ, nyɛ́ɛ á re Edɔmu a zia-baali zanbian kɛn kuĩ ka lɔ bɛ́ lɔn a nɛ yɛ biikoo li.

Zeremii 49:28

Kebaara Larabun wɔ paǹ li kɔnlɛ ka Asɔɔrɔ gánan nɛ, kɛn Baabiloniin kii Nebukadenezɔɔrɔ boo ǹ la. Dɛnaa Lawa pɛ: Ka yoo, ka wo Kedaara gialaa! Ka diə gole minin kɛn màn tumaa ziziɛ̃!

Ezekieli 25:14

Ma á re a gɛ̀ dòo bɔ sii we ma din a minin Izirayeli tɔrɔn kɛn gɔn, ǹ maa gɛ̀ dòo bɔ Edɔmu minin kɛn ganaa. Ma bɛ́ sii mɛn zɛnɛɛ maa foo-yoo laanka maa foo-busii gɔ́ɔ̃ nɛ, ǹ tá re bɛ miã zɛnɛɛ, Edɔmu minin lɛn manɛ. Bɛa biikoo li kəni, ǹ tá re ma gɔn lɛ yii. Ma din Dɛnaa Lawa a da ǹ boo ne.»

Amɔɔsi 9:12

Bɛa biikoo li kəni, Edɔmu minin kɛn bǎãn mɛnɛn nə goã, tɔrɔ kɔsɔn mɛnɛn tumaa bɛ́ maa wɔ lɛa lɛlɛ, bɛn tá re Izirayeli tɔrɔn lɛn wɔ biɛ. Dɛnaa Lawa a da ǹ boo ne, a din dɔn die bɛ zɛnɛɛ.

Abakuku 1:8

Ǹ sùin baa la goen wɔ nɛ. Don ginin mɛnɛn bɛ́ woe dɔ doe wasamiɛ̃nɛ, ǹ kakaarɛbaa la bɛn wɔ nɛ. Ǹ sùidɛnan man boe sɔsɔɔ die, ǹ nə́ paparɛ. Maǹ yui ka giogiatã-a bɛ́ lɔn woe a siĩ siɛ.

Sofonii 2:5

Kasɛn mɛnɛn bɛ́ boe tà lɛ-a gánan nɛ, Kerɛti minin lɛa bɔ̀n nə kaa wɔ lɛa. Kiri mɛn bɛ́ Dɛnaa Lawa n die we ka ganaa, bɛ á ke: «Kanaan, Filisiti minin gána, man die n bɔ̀n biɛ, ma n minin si n la lenlen.

Sofonii 2:7

Zudaa tɔrɔn mɛnɛn yii goã koo bǎã lɛ n die goɛ̃ bɛn wɔ lɛa. Maǹ die ǹ tɔɔn lɛduĩ walan, wasamiɛ̃nɛ, ǹ wo waa tán Asikalɔn a kionən kɛn nɛ. A giala, Dɛnaa Lawa, Zudaa tɔrɔn Lawa n die n yiri koɛ ǹ li, a wusoo doo, a bǐɛ̃ kɔ ǹ ganaa ka gɔn nyɔmiɛ̃ sonbore ne.

Sofonii 2:9

Bɛ lɛ nɛ, masɛ kanaa tumaa a Dɛnaa Lawa Pàãyiidɛnaa, Izirayeli a Lawa a da ǹ boo á ke: A ma toa ma yii n koo, Moabu n die n biɛ ka Sodɔmu kiwi bɛ́ lɔn, Amɔn minin kɛn man die goɛ̃ ka Gomɔɔrɔ kiwi bɛ́ lɔn, ǹ gána n die n biɛ nyan tewon lɛa, yìsi yala lɛa, ziziɛ̃-n miɛ̃ yǎa duduu. Maa zaman a min mɛnɛn yii goã koo, bɛn tá re ǹ gɔn dudui. Maa gána minin mɛnɛn yii bɛ́ koo, bɛn tá re ǹ biɛ kíɛ̃ lɛa.

Minin nimi 24:17

Sii mɛn bɛ́ die, ma yii tá-a, sɛnɛ, pelo sii bie wa. Sii mɛn bɛ́ re n zɛnɛɛ, má n yiin doa la, sɛnɛ, a ba foɛɛ̃n wa. Leere á re boe Zakɔba tɔrɔn bii, kii á re yui tán Izirayeli minin bii, a n die Moabu gána minin para giala wurii, a Sɛɛti tɔrɔn tumaa dɛ.

Matiə 8:11

Man pii ka nɛ: Min gigiã tá re boe lɛ̀giala-n ka lɛ̀nyɛɛn nɛ, ǹ giã tán ǹ zɔ́n màn bii lon a kiibaa ǹ bǎã nɛ kun ka Zuifun digolo Abrahamu ni, ka Izaaki ni, ka Zakɔba nɛ.

Sii yɔrɔ-bɔlen 6:3

Bɛ̀ Izirayeli minin nə́ màn da ǹ wuru-n lɔn, Madiã minin man die ǹ gialaa, kun ka Amalɛki tɔrɔn nɛ, ka lɛ̀giala minin kɛn nɛ.