Izayii 10:4 - LAWA A BOO SONBORE

⁴ Ka á re n giɛrɛɛ tán kòso nɛn bii, ka mɛnaa, geren bii. Sɛnɛ, bɛ tumaa kio, Dɛnaa Lawa a foo-yoo a nyɛɛ wa, a gɔn-munii n tɔn lon.

LAWA A BOO SONBORE 2011

⁴ Ka á re n giɛrɛɛ tán kòso nɛn bii, ka mɛnaa, geren bii. Sɛnɛ, bɛ tumaa kio, Dɛnaa Lawa a foo-yoo a nyɛɛ wa, a gɔn-munii n tɔn lon.

Izayii 10:4 ပူးပေါင်းရင်းမြစ်များ

Izayii 22:2

Zeruzalɛmu, a n siɛ lɔn bìn diɛ á boe kiwi lɛ-n kɛnɛn, mànan wuu n boe, kiwi lɛ n zɔ́n la? Zia nə n geren lɛn bii wa, ǹ bie ǹ nə́ ǹ dɛ ziabaa ǹ bǎã-n wa.

Izayii 24:22

Maǹ die ǹ lɛ soekɔn ka kòso nɛn bɛ́ lɔn nyankɔrɔ gole ne. Maǹ die goɛ̃ kòso ne. Bɛ kio, bɛ̀ á belebɔ, ǹ doamaa nɛ ǹ nə n bɔlɔ pɛ.

Izayii 34:3

Ǹ geren man tán bǎã yii ni, ǹ gìĩ n boe bǎã yii ni. Ǹ mà n baa sii kelen la ka mu zii bɛ́ lɔn.

Izayii 5:25

Bɛ lɛ taman yii, Dɛnaa Lawa foo n yoo ne a zaman li. Á n gɔn munu ǹ li, á ǹ dɛ. Kelen man bìn diɛ, geren man tán bǎã yii ni ka yisi bɛ́ lɔn. Bɛ tumaa kio, Dɛnaa Lawa foo tɔn basã wa, a gɔn munii lɛ n tɔn lon.

Izayii 66:16

Taãn nɛ, Dɛnaa Lawa n die kiri kuri minbuiin nɛ tumaa la, ka tɛ buə̃ laanka gɔya sa nɛ Dɛnaa Lawa á re geren mɔnɛɛ.

Izayii 9:11

Siirii minin manə ǹ nyɛɛnɛ, Filisiti minin manə ǹ kio. Ǹ nə́ Izirayeli gána ziziɛ̃ lenlen. Sɛnɛ, bɛ tumaa kio, Dɛnaa Lawa a foo-yoo tɔn nya wa, a gɔn-munii n tɔn lon.

Izayii 9:12

Dɛnaa Lawa Izirayeli zaman dɛ. Sɛnɛ, bɛ tumaa kio, Izirayeli nə n bɔyaa á daa Dɛnaa Lawa Pàãyiidɛnaa li wa.

Izayii 9:16

Bɛ lɛ taman yii, Dɛnaa foo a kɔɔ̃nɛ ǹ nɛ tenən li wa, a makara boe ǹ nɛ toenen laanka ǹ lɔ giɔɔrɔn ganaa wa. A giala, ǹ tumaa gɔ́ɔ̃ n tì, sii baraa-zɛnaalin lɛa. Ǹ lɛ gɔ́ɔ̃ ǹ boo tumaa n kɔɔsɛ. Sɛnɛ, Dɛnaa Lawa a foo yoo tɔn nya wa, a gɔn-munii n tɔn lon.

Izayii 9:17

Sonbore, baraabaa n kuĩ ka tɛ bɛ́ lɔn, a n nyan tɔrɔ tumaa kuĩ daã gòã li ǹ da bisin tumaa nɛ, a tɛmaa n dii lon kurukuru.

Izayii 9:20

Manaasee tɔrɔn man yui Efrayimu tɔrɔn gialaa, Efrayimu tɔrɔn man yui Manaasee tɔrɔn gialaa. Ǹsɛn tɔrɔ màn paa kɛ sɛ n piɛ̃ Zudaa tɔrɔn ganaa. Sɛnɛ, bɛ tumaa kio, Dɛnaa Lawa a foo-yoo tɔn nya wa, a gɔn-munii n tɔn lon.

Zeremii 15:2

Bɛ̀ minin nə́ nɔ̀n da n la mà ǹsɛn doamaa nɛ ǹ wo maa, n die nə ǹ lɛ si kɛnɛn: «Dɛnaa Lawa n kɛ pii: Min mɛnɛn doamaa bɛ nɛ ǹ gã ka piɛ̃ busu ni, bɛn man die giɛ̃ ka piɛ̃ busu ni. Min mɛnɛn doamaa bɛ nɛ ǹ gã zia la, zia n die bɛn dii. Min mɛnɛn doamaa bɛ nɛ ǹ gã bòo ne, bɛn man die giɛ̃ bòo gɔn. Min mɛnɛn doamaa bɛ nɛ ǹ wo bɛ̀rɛbaa ǹ bǎã nɛ, ǹ tá re bɛn dɔn goɛ ǹ wo ǹ ne.»

Zeremii 37:10

Ta ka n boe Baabilonii gána a sɔraasin tumaa la, ǹ mɛnɛn yii bɛ́ re goɛ̃ koo ǹ bii busulən lɛa, bɛn tá re yui ǹ zìã kionən ne, ǹ tɛ da Zeruzalɛmu kiwi ganaa.»

Zeremii 4:8

Ka gɛ̀ koa ǹ mɔnaan wɔ, ka wuu pɛ, ka gini. Haayii! Dɛnaa Lawa a foo-yoo baraa lɛ nə n bɔ wɔ kio wa.

Ozee 9:12

Ta ǹ nə́ nɛnyaanan mɛnɛn dɔn dinin too, ma á re ǹ sii ǹ la, bɛ̀ ǹ nə́ ǹ tɔn min baa wa. Ka bɛ dɔ nɛ, bɛ̀ má n bɔ má n bɔ ǹ li, bɔ̀n na á ǹ yɛ!

Lawa a wúlu-bɔlen 26:17

Masɛ á die n bɔyɛɛ ka li, ma toa kaa zɔ́ɔn nə boo ka la. Min mɛnɛn bɛ́ ka biɛ zɔ́ɔ, bɛn lɛn tá re pàã nyɛɛ ka nɛ. Ka á re baa sii, min dɔ din ná a bie ka lui wa.

Timəə dí-pɛn 32:30

Min goon dinsɔɔ̃ n siɛ lɔn, a min duu goon loo? Min paa dinsɔɔ̃ n siɛ lɔn, a min duu fù kaa baa ganaa, bɛ̀ ǹ tamaali lɛ bie á ǹ sã wa, bɛ̀ Dɛnaa Lawa lɛ bie á ǹ wɔ ǹ zɔ́ɔn gɔn wa?