Izayii 10:34 - LAWA A BOO SONBORE

³⁴ Daã gòã li ǹ da bisinin kɛn, a n bɛn lɛ naɛ ka sɛ̀miɛ̃ nɛ. Liban da kakan kɛn, a n bɛn dɔn lɛ naɛ.

LAWA A BOO SONBORE 2011

³⁴ Daã gòã li ǹ da bisinin kɛn, a n bɛn lɛ naɛ ka sɛ̀miɛ̃ nɛ. Liban da kakan kɛn, a n bɛn dɔn lɛ naɛ.

Izayii 10:34 ပူးပေါင်းရင်းမြစ်များ

Loen 103:20

Kasɛn lon a dia dí-a wolen lɛn, ka barka da Dɛnaa Lawa nɛ. Lon màn pàãdɛnan mɛnɛn bɛ́ a dí-pɛ tamaɛ, bɛ̀ á boo da lɔn, ka a bɔlɔ si, ka barka da nɛ.

Izayii 10:18

Daã sonboren kɛn, a n die bɛn kuĩ lenlen, a da nɛ-kɔle kɛ tumaa ziziɛ̃ lenlen. Asiirii n die goɛ̃ ka busulə mɛn nə́ ke, a pàã n nyɛɛ.

Izayii 2:13

Á re yui Liban a *sɛdrə da sɔsɔrɔn kɛn gialaa, ka Basan a sɛni da sɔsɔrɔn kɛn nɛ,

Izayii 31:8

Gɔya sa mɛn bɛ́ re Asiirii dii, minbuiin nɛn wɔ bie wa. Gɔya sa ke die dii, minbuiin nɛ a màn zɛnaa bie wa. Asiirii minin tá re baa sii ǹ nyɛɛnɛ, ǹ tá re ǹ sɔraasi tenən kuĩ, ǹ wo ǹ kaa pàã dí ganaa.

Izayii 33:9

Gána lɛ n gɛ̀ koa gɔ́ɔ̃ nɛ. A n bǎã gere lɛa. Sìi nə n kɔ Liban a kelen kɛn lɛ. Ǹ tumaa n laa nɛ. Saarɔn a wuru bǎãn kɛn man ka diə gole bɛ́ lɔn. Da ba Basan laanka Karmɛli kelen kɛn la wa.

Izayii 37:24

Ma nə ń sɔ kɔ masɛ Dɛnaa ganaa, n dí-nyalin barka nɛ. Ma nə ń pɛ: Masɛ Senankeribu, maa ziabaa ǹ wotoron kɛn pàã nɛ, má dii kele sasan mìi ni, yǎa Liban kele baã bii, má a *sɛdrə da sonboren kuru, ka a siprɛsi da sonboren ne. A kele lɛ a mɛn mìi la bɛ́ lon, á la ǹ miãn tumaa nɛ, ma gɔn dɔ bɛ ganaa, kɔnlɛ ka a daã sonbore kɛ nɛ.

Izayii 37:36

Dɛnaa Lawa a lon a dia dí-a wole soo, á min duu paabiɛ ka pɔkiwisi ka sooro (185 000) dɛ Asiirii minin giã ǹ bǎã nɛ. A lɛawaa baayɛlɛ, sɔraasin lɛn nə́ yoo. Á ke, bɛ̀ geren nə́ ke tán bǎã yii ni.

Zeremii 22:7

Ma á re basaã-kɔlen diɛ, didie n ka ziabaa ǹ mànan nɛ, ǹ da n gialaa. Ǹ tá re n da dadara sonboren kɛn dii, ǹ tɛ da ǹ ganaa.

Zeremii 48:2

Màn mɛn bɛ́ Moabu diɛ din koa ganaa, bɛ́ papaã. Minin man koe yɔrɔ boe Ɛsibɔn ganaa, ǹ nə́ pii: «Ka daa wɔ kiwi kɛ yu, wɔ bɔ tɔrɔn bii!» Nsɛ dɔ Madmɛn, ǹ tá re n diɛ lɛ tã ganaa, ǹ tá re n bɔ̀n biɛ ka zia nɛ.

Ezekieli 31:3

Á ke Asiirii na á goã ka Liban da kaka kɛ bɛ́ lɔn, A gùrùn nə́ siĩni, luu lɛa ka kɛkɛ, a wúlu ná a tan. A na á goã sasa taãn-taãnɛ, a mìi la woo n doa labaran ganaa.

Nahumu 1:12

Dɛnaa Lawa n kɛ pii: «Ta kaa zɔ́ɔn lɛn nə́ mɔnaa lɔn, ta ǹ nə́ kaka kɔ lɔn, ǹ tá re papaɛ̃, ǹ nya lenlen. Ma ka puusə kɔ. Sɛnɛ, ma a re bɛ miã zɛnɛɛ doo wa.

Tesaloniki2 1:7

Sɛnɛ, kasɛn mɛnɛn bɛ́ nɔmaa we sisia, á re susui koe ka la, kun ka wɔsɛn nɛ. Bɛ á re n zɛnɛɛ Dɛnaa Yezu a daa pinaa. Á re n din nyɛɛ kun ka a dia dí-a wole pàãdɛnan kɛn nɛ.

Piɛrɛ2 2:11

Haalɛ lon a dia dí-a wolen mɛnɛn dinin pàã bɛ́ gole bɛa lon màn pàãdɛnan kɛn lɛn wɔ nɛ, bɛn dinin ba ǹ zɛ̀rɛ biɛ ka sɔ nɛ Lawa yɔrɔ-a wa.

Sii-nyaan 10:1

Má tɔ́n lon a dia dí-a wole pàã goledɛnaa goon kɔsɔ yɛ boe lon gisĩ tán. Labara goon nə pɛnɛɛ nɛ a ganaa, lamɛn ná a mìi lalan. A yɔrɔ n tɛ pii ka wasa bɛ́ lɔn, a gòãn man kuĩ ka fɔlɔ bàbàla bɛ́ lɔn.

Sii-nyaan 18:21

Bɛ ganaa, lon a dia dí-a wole kaka goon tɔ́n kɔlɔ saa, a gugurubaa n ka wii lɔ ǹ gii bɛ́ lɔn, á zũ yìsi mu li, á pɛ: «Kɔlɔ kɛ nə n zũ ka pàã mɛn nɛ, maǹ die Baabilonii kiwi gole kɛ dɔ zuĩ tán miɛ̃, min kɔ́n ná a re yii doo wa.