Izayii 10:21 - LAWA A BOO SONBORE

²¹ Sonbore, gialakun tá re wusii a daa. Zakɔba gialakun boɛɛn kɛ á re n bɔyɛɛ a wo Dɛnaa Lawa Pàãdɛnaa li.

LAWA A BOO SONBORE 2011

²¹ Sonbore, gialakun tá re wusii a daa. Zakɔba gialakun boɛɛn kɛ á re n bɔyɛɛ a wo Dɛnaa Lawa Pàãdɛnaa li.

Izayii 10:21 ပူးပေါင်းရင်းမြစ်များ

Ɛsidrasi 1:4

Zaman lɛ a gialakun ke, bɛn bɛ́ bǎã woo bǎã nɛ, bɛa bǎã lɛ a minin die ǹ sana kɔ ǹ gogoonmaa la, ka wɔrɔ nɛ, ka gɔn mànan laanka tɔɔn nɛ, ka foo kɔɔ̃nbaa ǹ wúlu mànan nɛ, Lawa a kion lɛ a dɔ ǹ wɔ lɛa Zeruzalɛmu.»

Izayii 19:22

Dɛnaa Lawa á re Ezipti minin dii. Á re ǹ dii a wusoo a ǹ kaka kɔ. Ǹ tá re wusii ǹ da Dɛnaa Lawa li. Á re ǹ nyankɔ sii, a wusoo a ǹ kaka kɔ.

Izayii 37:31

Zudaa gána minin mɛnɛn yii goã koo, bɛn tá re goɛ̃ ka dan bɛ́ lɔn. Ǹ tá re gòon diin boe, ǹ wɔ tán. Ǹ gùrùn tá re nɛ koe.

Izayii 46:3

Zakɔba a minin lɛn, ka n too kɔ ma lon, kasɛn Izirayeli tɔrɔ gialakun ke, a kũ kaa yɛ waáraa ganaa, má ka gɔ̀nɔn kũ. Ka yɛ lɔn gɔrɔ, má ka gũ ma kolo-n!

Izayii 55:7

Min baraan nə ǹ sii baraan kaa. Min mɛn bɛ́ baraa zɛnɛɛ, bɛa dɛnaa na a taasiɛ baraan kaa. Ǹ tumaa doamaa nɛ ǹ wusoo ǹ da Dɛnaa Lawa li. A giala, á re makara boe ǹ ganaa. Ǹ tumaa doamaa nɛ ǹ da wɔa Lawa li, a giala, a n sii baraan toɛ kooro.

Izayii 59:20

Si sii la wole á re die *Siɔn, Zakɔba a minin kɛn lɛa, ǹ nə́ ǹ sii baraan kaa. Dɛnaa Lawa a da ǹ boo ne.

Izayii 7:3

Dɛnaa Lawa tɔ́n pɛ Izayii-n kɛnɛn: – N nɛgiĩ Seyara-Zakɔba kũ, ka wo n da Ahaazi lɛ. Á kunu mu dɔn kaaraa kɛ-a mu a baa si ǹ zii ganaa, gàra-wɔlen wuru zii la.

Izayii 9:13

Bɛ lɛ nɛ, lɛawaa goon gɔ́ɔ̃ nɛ, Dɛnaa Lawa Izirayeli gána mìi laanka a mui kuru.

Izayii 9:6

A kiibaa n die gole koe. Là nyantoro mɛn bɛ́ duduu wɔ lɛa, a n die bɛ koe a zaman la. A n die giɛ̃ Davida a kii dankan la, a giã a gána mìi la. A kũ sisia ganaa yǎa duduu, a n die pàã we a gána nɛ, a kaka kɔ, peperebaa laanka sonborebaa barka nɛ. Dɛnaa Lawa Pàãyiidɛnaa a miãgoã-bɔ kɛ n diɛ bɛ a zɛnɛɛ ganaa.

Zeremii 50:20

Bɛa biikoo li, bɛa pinaa kəni, ǹ tá re giɛ Izirayeli a sãn li, sɛnɛ ǹ ba re màn kɔn yii wa. Ǹ tá re giɛ Zudaa a sãn li, sɛnɛ ǹ ba re màn kɔn yii wa. A giala, min mɛnɛn yii bɛ́ re goɛ̃ koo, ma á re bɛn sãn toɛ ǹ nɛ. Dɛnaa Lawa a da ǹ boo ne.

Ozee 14:1

Samarii minin doamaa nɛ ǹ nə n sii baraa giɔ̀mɔ saraa, a giala maǹ nə́ n piã ka ǹ Lawa nɛ. Zia á re ǹ dii ǹ gã, ǹ tá re ǹ nɛ tiɛɛ̃nɛn yɔyɔrɛ, ǹ tá re ǹ lɔ nɔ̀naan nɔ̀ wɔsɛ.

Ozee 6:1

Ka n kɛ pii kɔn nɛ: Ka daa wɔ wusoo wɔ wo Dɛnaa Lawa li: A din na á wɔ tɔtoɛ̃. A din nə die wɔa busu nyɛɛ. A din na á wɔ dɛ, A din nə die a dagòã boe.

Ozee 7:10

Izirayeli tɔrɔn din gole kɔ kɛ lɛ n toɛ min nə ǹ dɔ̃. Sɛnɛ, ǹ lɛ kɔ ǹ nə́ wusoo ǹ nə́ daa Dɛnaa Lawa, ǹ Lawa li wa. A laanɛ siin kɛn lɛn tumaa nə́ ǹ yɛ, ǹ ga ma li wa.

Ozee 7:16

Ta kɛn tá wusii ka ǹ kio ne, ǹ bie wusii die masɛ lon a Lawa li wa. Maǹ ka sa bɛ́ lɔn, a nɛ basã. Ǹ goledɛnan kɛn tá re giɛ̃ zia la, ǹ din gole kɔ ǹ boon kɛn taman yii. Bɛ lɛ taman yii Ezipti minin kɛn tá re ǹ diɛ yaa lɛa.

Nya ǹ dín 26:20

Man má Lawa a boo pɛ bǎã tumaa nɛ, Damaasi kiwi bɔrɔ, bɛ kio Zeruzalɛmu kiwi, ka Zudee gána din tumaa nɛ, ma tɔ́n daa dɔ tɔrɔ kɔsɔn ganaa. Man má pɛ máa minin nə n taasɛ, ǹ wusoo ǹ sii baraan kio, ǹ golee Lawa li, ǹ dí nya màn mɛn nə́ nyɛɛ, maǹ nə́ wusoo n sii baraan kio.