Izayii 10:20 - LAWA A BOO SONBORE

²⁰ Bɛa waáraa, min mɛnɛn yii goã koo Izirayeli gána nɛ, Zakɔba tɔrɔ gialakun mɛn goã, bɛn ba re n foo doɛ ǹ dɛle wole kɛ ganaa doo wa. Sɛnɛ, ǹ tá re n foo doɛ Dɛnaa Lawa ganaa taãn-taãnɛ, Izirayeli a Lawa sonbore ke.

LAWA A BOO SONBORE 2011

²⁰ Bɛa waáraa, min mɛnɛn yii goã koo Izirayeli gána nɛ, Zakɔba tɔrɔ gialakun mɛn goã, bɛn ba re n foo doɛ ǹ dɛle wole kɛ ganaa doo wa. Sɛnɛ, ǹ tá re n foo doɛ Dɛnaa Lawa ganaa taãn-taãnɛ, Izirayeli a Lawa sonbore ke.

Izayii 10:20 ပူးပေါင်းရင်းမြစ်များ

Kiin2 16:7

Ahaazi minin dia woe pii Asiirii gána a kii Tiglati-Falasaara-n kɛnɛn: «Masɛ nə n dí-nyali lɛa, ma nə n nɛ lɛa. Siirii gána a kii laanka Izirayeli gána kii ke, ǹ nə́ yoo masɛ gialaa, da ma si ǹ la.»

Kiin2 19:31

A giala min mɛnɛn bɛ re goɛ̃, ǹ tá re soe Zeruzalɛmu, Yiikoonaan mɛnɛn bɛ re goɛ̃, ǹ tá re gisĩ *Siɔn kele la. Dɛnaa Lawa a kɔn narɛ gole lɛ n die bɛ zɛnɛɛ.

KZS2 14:11

Ká Dɛnaa Lawa barka nɛ, Azaa laanka Zudaa minin nə́ gɔ̀lɔ̀baa yɛ Etiopii minin la, ǹ nə́ ǹ kaa baa la.

KZS2 28:16

Bɛa biikoo li, kii Ahaazi minin dia mà ǹ wo ga Asiiriin kiia dɔmalɛ li.

KZS2 28:20

Asiiriin kii Teglati-Falasaara daa Ahaazi zia baa, a da n dɔ lɛ wa.

Ɛsidrasi 9:14

Wɔ́ á boe la doo, wɔ n gɔn waa ǹ boon kɛn toa walan, wɔ wo n naa min bɔbɔnɛɛn kɛn ganaa, kɔn-wɔ barka nɛ? N foo ba re yui wɔ li, yǎa wɔ bɔ̀n biɛ lenlen, n nə́ n ba min kɔn toɛ walan a yii n koo wa?

Izayii 1:9

Bɛ̀ Dɛnaa Lawa Pàãyiidɛnaa bie á min tɛn yii toa koo wɔ bii wa, bɛ̀ wɔ n die papaɛ̃ lenlen ka Sodɔmu laanka Gomɔɔrɔ kiwi bɛ́ lɔn.

Izayii 11:11

Bɛa pinaa kɛ nɛ, Dɛnaa n die n pàã nyɛɛ, ka a paabaa ǹ wɔ nɛ. Á re Izirayeli min gialakunun kɛn sii a ǹ kaa, ǹ mɛnɛn yii goã koo Asiirii gána nɛ, Ezipti gána a tán nɛ a lɛ̀gɔn la nɛ a lon ne a lɛ̀gɔn la nɛ, Etiopii gána nɛ, Elamu gána nɛ, Amaati ni, *Baabilonii gána nɛ, ka gánan mɛnɛn bɛ́ mu bii.

Izayii 11:16

A zaman mɛn yii goã koo Asiirii gána nɛ, á re zii boe bɛn manɛ, ka a bɛ́ á goã á bɔ Izirayeli minin man lɔn, ǹ soo Ezipti gána-n biikoo li.

Izayii 37:4

Asiiriin kii na á sɔraasin goledɛnaa dia die sɔ koe Lawa yiikoonaa ganaa. Toa bɛ̀ Dɛnaa Lawa too n sɔ kɔ kɛ miɛ, a dɔlɔ bɔ a ganaa a da ǹ boon kɛn lɛa! Nsɛ Izayii, Dɛnaa Lawa, n Lawa nyankɔ n zaman kɛa lɛa, ǹ mɛnɛn lɛn yii goã koo.»

Izayii 46:3

Zakɔba a minin lɛn, ka n too kɔ ma lon, kasɛn Izirayeli tɔrɔ gialakun ke, a kũ kaa yɛ waáraa ganaa, má ka gɔ̀nɔn kũ. Ka yɛ lɔn gɔrɔ, má ka gũ ma kolo-n!

Izayii 50:10

Die n nyɛ́ɛ biɛ Dɛnaa Lawa yii-n ka bii? Bɛa Dɛnaa doamaa nɛ a n too kɔ a dí-nyali lon. Die n tɔ we tèlò-n, tɛ fúlu goon ná a banban? Bɛa Dɛnaa doamaa nɛ a golee Dɛnaa Lawa li, a n foo doa a Lawa ganaa.

Izayii 6:13

Ta zaman lɛ a talɛɛ fù na á goã gána lɛ nɛ, tɛ á re bɛn kuĩ, ka da mɛn nə́ ke ǹ nə́ kuru ǹ nə́ daa, a giala piri dinsɔɔ̃ goã. Sɛnɛ, bɛa giala piri lɛ n piɛ̃ dii lɛa, a da ten sonbore baa.

Zeremii 3:23

Sonbore, màn mɛn tumaa bɛ boe kelen mìi ni, soɛ nɛ, zùũzùũ mɛn tumaa bɛ́ boe tentenen la, bɛn tumaa n minin siɛ̃. Sonbore, Dɛnaa Lawa, wɔa Lawa n Izirayeli kirisibiɛ.

Zeremii 44:14

Min mɛnɛn yii goã koo Zudaa gána nɛ, ǹ nə́ woo gùli kɔ Ezipti gána nɛ, ǹ kɔn ba re boe la a baa si a la wa. Ǹ kɔn ba re n sii gɛ̀ la wa. Min mɛnɛn tumaa bɛ́ li ǹ wusoo ǹ wo Zudaa gána nɛ, ǹ ba re boe la ǹ wusoo ǹ woo wa, yǎa min gogoon mɛn bɛ́ re n sii gɛ̀ la.»

Ozee 14:3

Ka boo yɔrɔ bɔ ka wusoo ka da Dɛnaa Lawa li, ka pɛ nɛ: Sii baraa tumaa papaã, n lɛ kɔ sii sonbore tumaa ganaa. Wɔ n wɔ lɛgɔ́ɔ̃ ǹ boo koe n la *wúlu màn lɛa, dii gɔ̀lɔ̀n bǎã nɛ.

Ozee 5:13

Efrayimu tɔrɔn kɛn nə́ ǹ dinin busu dɔ̃, Zudaa tɔrɔn dɔn nə́ ǹ busu dɔ̃. Bɛ lɛ nɛ, Efrayimu minin nə́ woo Asiirii, ǹ nə́ minin dia kii gole kɛ li. Sɛnɛ, bɛa boe la a kaa busu kɛ nya wa, a boe la a ka si kaa busu kɛ la wa.

Misee 5:3

A din lɛ n die n doɛ, a na a minin lɛn nyɛɛnaan bɔ, ka Dɛnaa Lawa pàã nɛ, ka a Dɛnaa Lawa kɛa kiibaa nɛ. A minin lɛn tá re goɛ̃ là nyantoro la. A giala, a kũ sisia ganaa, a tɔ á re gole koe, yǎa kanaa paǹ tumaa nɛ.

Sofonii 3:13

Izirayeli minin mɛnɛn yii bɛ́ re goɛ̃ koo, bɛn ba re sii baraa zɛnɛɛ doo wa, ǹ ba re soɛ boe doo wa, ǹ ba re ǹ miãn yiri siɛ̃ ka ǹ da ǹ boo n doo wa, ǹ tá re màn bii, ǹ nyuù wɔ, min kɔn ba re nyɛ́ɛ diɛ ǹ ganaa wa.