Izayii 10:18 - LAWA A BOO SONBORE

¹⁸ Daã sonboren kɛn, a n die bɛn kuĩ lenlen, a da nɛ-kɔle kɛ tumaa ziziɛ̃ lenlen. Asiirii n die goɛ̃ ka busulə mɛn nə́ ke, a pàã n nyɛɛ.

LAWA A BOO SONBORE 2011

¹⁸ Daã sonboren kɛn, a n die bɛn kuĩ lenlen, a da nɛ-kɔle kɛ tumaa ziziɛ̃ lenlen. Asiirii n die goɛ̃ ka busulə mɛn nə́ ke, a pàã n nyɛɛ.

Izayii 10:18 ပူးပေါင်းရင်းမြစ်များ

Kiin2 19:23

Ń minin dia n sɔ gii koe Dɛnaa ganaa ń pɛ: «Ká maa zia da ǹ wotoro zaã kɛ nɛ, má bɔ kelen mìi ni, ka Liban gána a wasagialaan nɛ, má a da kaka lɛ a sɔsɔrɔn kuru, ka a siprɛsi da lɛ a sɔsɔrɔn nɛ má dɔ a kele lɛ a baã bii, a daã tì kɛ lɛ.

Kiin2 19:28

N foo mɛn yoo masɛ li ke, n din gole kɔ ǹ boo mɛn da má ma. Man die kaaran we n nyin ni, ma karafɔ wɔ n lɛ-n, n kɔ zii mɛn lɛ ń daa, ma bɛa zii saa n nɛ, ma wo n koa.

Izayii 10:16

Bɛ lɛ taman yii, Dɛnaa Lawa Pàãyiidɛnaa á re a zia-baali kasiɛ̃ wolen kɛn pɛrɛ. Ǹ siĩnbaa gɔ́ɔ̃ nɛ, tɛ n die yui ǹ ganaa girigiri.

Izayii 32:19

La gii n die kiɛ daã lɛ la, kiwi lɛ á re wurii.

Izayii 37:24

Ma nə ń sɔ kɔ masɛ Dɛnaa ganaa, n dí-nyalin barka nɛ. Ma nə ń pɛ: Masɛ Senankeribu, maa ziabaa ǹ wotoron kɛn pàã nɛ, má dii kele sasan mìi ni, yǎa Liban kele baã bii, má a *sɛdrə da sonboren kuru, ka a siprɛsi da sonboren ne. A kele lɛ a mɛn mìi la bɛ́ lon, á la ǹ miãn tumaa nɛ, ma gɔn dɔ bɛ ganaa, kɔnlɛ ka a daã sonbore kɛ nɛ.

Izayii 9:18

Dɛnaa Lawa Pàãyiidɛnaa a foo-yoo gole taman yii, gána lɛ n kuĩ tɛ lɛa, a n ka tɛ n zaman lɛ kuĩ, min kɔn ba ǹ dɔɔ̃n makara doɛ̃ wa.

Zeremii 21:14

Man die yui ka gialaa a kɔnpɛ ka kaa zɛnaa ǹ siin ni, Dɛnaa Lawa a da ǹ boo ne. Ma á re tɛ diɛ kaa *Sɛdrə daã kɛ ganaa, màn mɛn tumaa bɛ́ a lɛnpɛnɛ, a na a tumaa kũ lenlen.

Zakarii 12:6

Bɛa waáraa kəni, ma á re Zudaa a kiã biɛ ka tɛ bɛ́ lɔn gɔn dakɔnla giulun, hinlaa ka tɛ bɛ́ lɔn làpaa ganaa toa giulun. Tɔrɔn mɛnɛn bɛ́ ǹ lɛnpɛnɛ, ǹ tá re bɛn tumaa yɔyɔrɛ lenlen. Sɛnɛ, Zeruzalɛmu minin tá re giɛ̃ ǹ kiwin ni.