Izayii 10:17 - LAWA A BOO SONBORE

¹⁷ Dɛnaa Lawa ke Izirayeli a wɔlɔ fúlu lɛa, á re tɛ biɛ. A sonborebaa kɛ n die tɛ biɛ, a nyan tewonən kɛn kũ, a ǹ nya lɛawaa goon toto.

LAWA A BOO SONBORE 2011

¹⁷ Dɛnaa Lawa ke Izirayeli a wɔlɔ fúlu lɛa, á re tɛ biɛ. A sonborebaa kɛ n die tɛ biɛ, a nyan tewonən kɛn kũ, a ǹ nya lɛawaa goon toto.

Izayii 10:17 ပူးပေါင်းရင်းမြစ်များ

Loen 18:8

Bɛa biikoo li, tán bìn da, a giala bɔyaa. Kelen dɔn nə́ bìn da tán. Maǹ nə́ bìn da, a giala Dɛnaa Lawa foo na á yoo.

Loen 21:9

Kii, n gɔn tá re doe n zɔ́ɔn kɛn tumaa ganaa, n gɔn tá re doe n baa zɔ́ɔbaa wolen kɛn ganaa.

Loen 27:1

Davida a loe n ke. Dɛnaa Lawa n masɛ a tɛ fúlu laanka ma kirisibaali lɛa, man die nyɛ́ɛ biɛ die nyɛɛnɛ? Dɛnaa Lawa n ma nyin-tamaali lɛa, ma gɔ̀nɔn nə die bìn diɛ die nyɛɛnɛ?

Loen 50:3

Wɔa Lawa lɛ á die, a re n lɛ tiɛ̃ wa. Tɛ n wɔlɔ kuĩ a nyɛɛnɛ, piɛ̃ gole n boe a lɛnpɛnɛ.

Loen 84:11

Sonbore, min nə lɛawaa goon dinsɔɔ̃ zɛnaa nsɛ a Kion kɛ nɛ, bɛ á soɛ lɛawaa duu goon zɛnaa bǎã kɔsɔ-n nɛ. Maa Lawa, ta masɛ n giɛ̃ tán, n kion kɛa kiɛnlɛ-a kooro dinin kaa, bɛ á kɔɔ̃n ma ganaa, á la wo giã min kooron bii ni.

Loen 97:3

Tɛ n tɔ we a nyɛɛnɛ, a na a zɔ́ɔn tiɛ̃ paǹ tumaa li.

Izayii 26:11

Dɛnaa Lawa, n gɔn-munii n lon, ǹ yii ba a ganaa wa. Sɛnɛ, ǹ tá re n miãgoã-bɔ kɛ yii n zaman kɛa paǹ li, sìi á re ǹ kuĩ. N tɛ mɛn yɔrɔ bɔ n zɔ́ɔn wɔ lɛa, bɛ á re ǹ kuĩ.

Izayii 27:4

Ma foo a yoo-n li doo wa. Sɛnɛ, bɛ̀ má nyan dan yɛ a nɛ, ka koronkoron ne, ma nə ǹ kuri ma tɛ da ǹ ganaa.

Izayii 27:7

Dɛnaa Lawa na a zaman lɛ dɛ, ká a bɛ́ á ǹ dɛ wolen kɛn dɛ lɔn wa. A ǹ dɛ ǹ nə́ gã ka a bɛ́ á ǹ dɛ a gã wolen kɛn dɛ ǹ nə́ gã lɔn wa.

Izayii 30:33

Tɛ kɔn yɔrɔ boemaa nɛ haalɛ bibi, a n Asiiriin kii wɔ lɛa. Yala zuzulu pəmə goon gɔ́ɔ̃ nɛ, maǹ nə́ gɔn da kɔn la buurii ni tɛ lɛ wɔ lɛa. Dɛnaa Lawa lɛ gɔ́ɔ̃ ǹ piɛ̃ ke ka kiribi tɛdɛnaa bɛ́ lɔn, bɛ n die tɛ lɛ diɛ.

Izayii 31:1

Min mɛnɛn bɛ́ woe giɛ dɔmalɛ li Ezipti gána nɛ, bɛn wɔ n ka koe ne. Ǹ yiri nə ǹ sùin ganaa, ǹ foo n doa nɛ ǹ ziabaa ǹ wotoro damatan kɛn ganaa, ka ǹ sùi dabaa wolen ne a giala maǹ tá kaka. Sɛnɛ, ǹ nə n yɔrɔ bɔyaa ǹ nə́ dia Izirayeli a Lawa sonbore kɛ la wa, ǹ ba giɛ Dɛnaa Lawa li wa!

Izayii 31:9

Ǹ kii gɔ̀nɔn tá re bìn diɛ nyɛ́ɛ gɔn a baa si. Ǹ kiãn foo á re ziziɛ̃, ǹ nə ǹ zanzan daa, Dɛnaa Lawa a da ǹ boo ne, asɛ mɛn a tɛ buə̃ bɛ́ Siɔn, a tɛ koa-n Zeruzalɛmu.

Izayii 33:12

Tɛ á re tɔrɔ gialakunun kɛn kuĩ, ka laso bɛ́ lɔn. Ǹ tá re ǹ zuĩ tɛ-n ka nyan da gùrù bɛ́ lɔn.

Izayii 33:14

Siɔn kiwi, nyɛ́ɛ n zɛ̀rɛdɛnan ganaa. Min baraan gɔ̀nɔn nə bìn diɛ. Maǹ nɔ̀n diɛ: «Wɔ bii, die n boe la a n mɔrɔ tɛ baraa kɛ ganaa, hinlaa a diri tɛ girigiri kɛ la, a ná a nimi duduu wa?»

Izayii 37:23

Ma nə ń sɔ kɔ die ganaa? Ma nə ń die piɛ̃ bɔ? N yii na á wɔ n boo da die ganaa? Ma nə n ga die ganaa ka din koa nɛ? Masɛ din Izirayeli a Lawa sonbore kɛ nɛ!

Izayii 37:36

Dɛnaa Lawa a lon a dia dí-a wole soo, á min duu paabiɛ ka pɔkiwisi ka sooro (185 000) dɛ Asiirii minin giã ǹ bǎã nɛ. A lɛawaa baayɛlɛ, sɔraasin lɛn nə́ yoo. Á ke, bɛ̀ geren nə́ ke tán bǎã yii ni.

Izayii 47:14

Á ke, maǹ die goɛ̃ ka buu gere bɛ́ lɔn, tɛ n die kuĩ. Ǹ ba re kanbiɛ tɛ ganaa wa. Nyɔɔ tɛ bie gɔ̀nɔn wɔ̃ ǹ wɔ lɛa wa, tɛn gɔn lɛ bie bɛ̀ ǹ giã tán a yɔrɔ-a wa!

Izayii 60:19

N laadoo á re goɛ̃ wasa ganaa mà a fúlu kaa n nɛ penleen wa. N laadoo á re goɛ̃ mui ganaa tèlò-n wa. Masɛ Dɛnaa Lawa n die n tɛ fúlu biɛ dan ná a ba la wa, ma din, n Lawa n die tɛ fúlu kiɛ n ganaa ka maa gugurubaa nɛ.

Izayii 66:24

Bɛ̀ ǹ tá soe kiwi lɛ nɛ, min mɛnɛn nə goã ǹ nə́ n gòã dii ma ganaa, ǹ tá re bɛn gere yii tán. Nyuunun mɛnɛn bɛ́ ǹ soɛ̃, bɛn ba re giɛ̃ duduu wa. Tɛ mɛn bɛ́ ǹ kuĩ, bɛa nimi wa. Bɛ ǹ die goɛ̃ sii bɔbɔnɛɛ lɛa minbuiin nɛ tumaa ganaa.

Izayii 9:18

Dɛnaa Lawa Pàãyiidɛnaa a foo-yoo gole taman yii, gána lɛ n kuĩ tɛ lɛa, a n ka tɛ n zaman lɛ kuĩ, min kɔn ba ǹ dɔɔ̃n makara doɛ̃ wa.

Zeremii 4:4

Ka n dinin kɔ Dɛnaa Lawa la lenlen, màn mɛn bɛ́ ka niɛ̃ ka boe masɛ ganaa ka bɛ bɔ, ka kaa yiikoonaabaa kɔ masɛ la. Bɛ bie wa, kaa sii baraan kɛn taman yii, man die maa foo-yoo kɛ kiɛ ka la, ka tɛ bɛ́ lɔn. Á re màn tumaa kuĩ, min kɔn ná a boe la a nimi wa.

Zeremii 7:20

Bɛ lɛ nɛ, Dɛnaa Lawa pɛ: «Man die maa foo-yoo baraa kiɛ kiwi kɛ la, a minin ni a tɔɔn nɛ, kɔnlɛ ka a dan laanka a tán kɔsiɛ mànan nɛ. Á die n biɛ ka tɛ bɛ́ lɔn a ná a nimi wa.»

Nahumu 1:10

Maǹ ka nyan da mɛn nə́ ke, we-n kɔn nɛ, ǹsɛn yɔ-mili baraan kɛn lɛn. Maǹ die kui lenlen ka buu gere bɛ́ lɔn.

Sofonii 1:18

Dɛnaa Lawa a foo-yoo lɛawaa kɛa pinaa, ǹ wɔrɔ hinlaa ǹ sana á re ǹ boe a-n wa. A giala, Dɛnaa Lawa a foo-yoo baraa a tɛ n die tán din tumaa kukuĩ. Taãn nɛ, minbuiin nɛ tumaa n die bɔ̀n biɛ lenlen.

Zakarii 12:6

Bɛa waáraa kəni, ma á re Zudaa a kiã biɛ ka tɛ bɛ́ lɔn gɔn dakɔnla giulun, hinlaa ka tɛ bɛ́ lɔn làpaa ganaa toa giulun. Tɔrɔn mɛnɛn bɛ́ ǹ lɛnpɛnɛ, ǹ tá re bɛn tumaa yɔyɔrɛ lenlen. Sɛnɛ, Zeruzalɛmu minin tá re giɛ̃ ǹ kiwin ni.

Minin nimi 16:35

Min biɛpaa ka posooro mɛn dɔ goã wúlu boe ka da yon gìĩ kɔɔ̃n lɛ nɛ, Dɛnaa Lawa tɛ dɛ á da bɛn dɔn-a ǹ nə́ kũ ǹ yii n koo.

Matiə 3:12

A n die min sonboren laanka min baraan niɛ̃ a ǹ bɔ kɔn, ka buu-kɔsɔli bɛ́ màn nàn laanka a kaása niɛ̃ á boe kɔn lɔn, màn mɛn bɛ́ toɛ, a na a màn nàn bɔ a kaa dɔǹ nɛ. Sɛnɛ, á die màn kaása kɛ sɛ tiɛ̃ tɛ-n, tɛ mɛn bɛ́ a ba nimi duduu wa.»

Timəə dí-pɛn 4:24

A giala, kaa Lawa, Dɛnaa Lawa lɛ n ka tɛ bɛ́ lɔn màn kuĩ, a sii á kaka, a lɛ koe lawa kɔsɔ ganaa wa.

Ebrəə 12:29

Sonbore, wɔa Lawa lɛ n ka tɛ bɛ́ lɔn, á n màn kuĩ lenlen.

Sii-nyaan 21:23

Kiwi lɛ laadoo ba wasa ganaa ka mui ni wɔlɔ tɔn fulu wa, a giala mà Lawa a siĩnbaa n wɔlɔ fúlu kiɛ a ganaa, Sère Nɛ kɛ na a wasa lɛa.

Sii-nyaan 22:5

Tèlò a re koe wa, min kɔ́n laadoo a re goɛ̃ bolon fúlu ganaa, ka wasa a yoo lon ne wa, a giala mà Dɛnaa din tá re a fúlu kiɛ ǹ ganaa. Ǹ tá re goɛ̃ pàã la baraabaraa yǎa duduu.