Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Izayii 10:13 - LAWA A BOO SONBORE

13 A giala, bɛa kii lɛ na á pɛ: «Ma sii mɛn tumaa zɛnaa, ma pàã laanka maa yiridɛnaabaa a lɛa nɛ. A giala, man sii-dɔ̃li lɛa. Má gána gigiã gèlè papaã, má ǹ naforon goa, má ǹ kiin loo má ǹ bɔ ǹ kii dankanan la.

အခန်းကိုကြည့်ပါ။ ကော်ပီ

LAWA A BOO SONBORE 2011

13 A giala, bɛa kii lɛ na á pɛ: «Ma sii mɛn tumaa zɛnaa, ma pàã laanka maa yiridɛnaabaa a lɛa nɛ. A giala, man sii-dɔ̃li lɛa. Má gána gigiã gèlè papaã, má ǹ naforon goa, má ǹ kiin loo má ǹ bɔ ǹ kii dankanan la.

အခန်းကိုကြည့်ပါ။ ကော်ပီ




Izayii 10:13
31 ပူးပေါင်းရင်းမြစ်များ  

Izirayeli gána a kii Pekaa a biikoo li, Asiirii gána a kii Teglati-Falasaara daa Iyɔn kiwi kũ á si, ka Abeli-Bɛti-Maakaa kiwi ni ka Yanoa kiwi ni, ka Kedɛsi kiwi ni, ka Asɔɔrɔ kiwi ni, ka Galaati gána nɛ, ka Galilee gána nɛ, ka Nɛfutalii gána tumaa nɛ. Teglati-Falasaara bɛa bǎãn kɛn lɛn minin goa á kiɛ̃ ǹ nɛ Asiirii gána nɛ.


Wɔrɔ laanka sana mɛn goã Dɛnaa Lawa a kion, ka kii a kion ne, Ahaazi bɛn goa á ǹ dia woe bǐɛ̃ biɛ ǹ nɛ Asiirii gána a kii la.


Asiirii gána a kii minin goa *Baabilonii kiwi, Kutaa kiwi ni, Abaa kiwi ni, Amaati kiwi laanka Sefaravayimu kiwi ni, á daa ǹ kaa Samarii gána a kiwi dadaran nɛ, Izirayeli nɛnyaanan lɛn bǎã nɛ. Ǹ nə́ Samarii gána lɛ baa ǹ wɔ lɛa, ǹ nə́ giã a kiwi dadaran nɛ.


Ozee a kiibaa lɛ̀ manangɔrɔbaa ǹ wɔ, Asiirii gána a kii lɛ Samarii kiwi si á nɔmɔ a ganaa. Á Izirayeli minin goa á kiɛ̃ ǹ nɛ Asiirii gána nɛ. Á ǹ kaa giã ganaa Halaa kiwi, Habɔɔrɔ tà lɛ-a nɛ, Goozan gána nɛ, ka Mɛdi gána a kiwin ni.


Asiirii gána a kii lɛ tɔ́n Izirayeli minin goa á kiɛ̃ ǹ nɛ Asiirii gána nɛ, á woo ǹ ne Halaa kiwi, ka Habɔɔrɔ tà lɛ-a nɛ, Goozan gána nɛ, ka Mɛdi gána a kiwi dadaran nɛ.


Wɔrɔ mɛn tumaa goã Dɛnaa Lawa a kion kɛ nɛ, ǹ mɛn tumaa dɔ goã kii a kion màn lɛa, Ezekiasi bɛ yii goa á kɔ la.


bɛ̀ ma baa die ka goɛ ma wo ka nɛ gána kɔsɔ nɛ, gána mɛn nə́ ke ka kaa wɔ lɛ bɛ́ lɔn. *Belee laanka duvɛ̃ sonbore gána nɛ, buuru laanka rezɛ̃ da wurun gána nɛ, ka bɛ́ *olivie dan mɛnɛn nyɔɔ boe, bɛn laanka zoo gána nɛ. Bɛa yɔrɔ lɛ la, ka tá re goɛ̃ ka yii n koo, ka n ka a re giɛ̃ wa. Ka baran n too kɔ Ezekiasi lon wa, a giala a n ka yiri siɛ̃, bɛ̀ á n pii kɛnɛn: Dɛnaa Lawa tá re wɔ boe a nɛ!


Pàãma n taasɛ mà asɛ n sii-dɔ̃li lɛa. A da yaa doobaa mɛn bɛ́ yiridɛnaa lɛa, bɛ á doɛ̃ taãn nɛ a bɛ màn mɛn lɛa sonbore.


A n pii: Maa sɔraasi nyɛɛnaadɛnan dinin man ka kiin bɛ́ lɔn.


Kaa wɔ n ka bɔ̀n nɛ, kasɛn kɛn ka dinin biɛ sii-dɔ̃lin lɛa, ka n ka dinin biɛ yiridɛnan lɛa!


Ezipti gána a kɔnboe n ka Niili tà kɛ nɛ, a mu n dii, a pã a toɛ̃. A n pii: «Man die dii, ma tán si man kɔ lɛ, ma tán tumaa ziziɛ̃, kiwin tumaa nɛ ka zaman mɛn tumaa bɛ́ ǹ nɛ.»


Moabu minin, a n siɛ lɔn ka á pii: «Wɔ ǹ sɔraasi foo taãn-an lɛa, zia-baali taãn-taãnan lɛa?»


A pɛ Amɔn tɔrɔn lɛn manɛ, mà ǹ nə n too kɔ masɛ Dɛnaa Lawa a boo kɛ li. Masɛ Dɛnaa Lawa n kɛ pii: «Zɔ́ɔn bɛ́ ǹ nə́ maa kion sonbore lɛ ziziɛ̃ ǹ mɛn waáraa, ǹ nə́ basaã kɔ Izirayeli gána kɛ nɛ, ǹ nə́ ǹ goa ǹ nə́ woo ǹ ne gána kɔsɔ nɛ, táa ka n ka yaa wɔ?


– Minbuiin a nɛ, Tiiri minin kɛn man yaa we Zeruzalɛmu ganaa kaakaakaa! Ǹ nə́ pii: Kiwi kɛ lɛ, min tumaa goã die a nɛ, a wɔ sàabaa! Kiwi lɛ yu, wɔsɛn dɔn man die pàãma biɛ kɛ gòã wuu li.


Boo da n pɛ, mà masɛ Dɛnaa Lawa n kɛ pii: Nsɛ Eziptin kii Faarahɔn kɛ lɛ, man die n gialaa. Nsɛ mu li ǹ màn babaraa kɛ lɛ, waa-n tán Ezipti a tà gòã nɛ, táa n din nə́ ń pɛ mà nsɛ din a tà n ka n tà nɛ, ma nsɛ nə ń zɛnaa n din wɔ lɛa.


Ká din gole kɔ ǹ boo da ma ganaa, ká din koa ǹ boon dada ma ganaa. Má ma!


Bɛ lɛ nɛ, ma bɛ́ re woe ka nɛ bɛ̀rɛbaa ǹ bǎã mɛn nɛ, ka á re Damaasi kiwi kɛ niɛ̃. Dɛnaa Lawa n bɛ lɛ pii. A tɔ mà Lawa Pàãyiidɛnaa.


Lodebaara kiwi kɛ lɛ a ná a màn kɔn lɛa wa, ka nə n nyɛnyɛɛ mà kasɛn nə́ bɛ lɛ kũ. Karnayimu kiwi ke pàã ná a lon, ká mà kasɛn nə́ bɛ si ka ka dinin pàã nɛ.


Maǹ kiɛ̃ ka ǹ zii ni, ka piɛ̃ gole bɛ́ lɔn. Ǹ dinin yii li, ǹ pàã kɛ lɛ n lawa lɛa.


Maǹ wúlu mànan koe ǹ zɔ̀ɔn lɛn la, maǹ màn giĩ kɔɔ̃n tiɛ̃ ǹ kokoon wɔ lɛa. A giala, mà ǹ dinin barka nɛ ǹ tá zɔ̀ gigiã kuĩ, ǹ nə́ màn-bii kɔɔ̃n yii.


Sɛnɛ, ǹ tɔrɔn mɛnɛn tumaa kũ, bɛn tá re yui ǹ gialaa ka suusun ni, ka boo baraan nɛ. Maǹ pii: Kaa wɔ n ka koe ne, kasɛn mɛnɛn bɛ́ gɔn mànan soekɔn, ǹ nə ǹ ba kaa wɔ lɛa wa. Kaa giɔ̀mɔ kɛ n goɛ̃ gole yǎa biĩ kəni?


Ka nyan taasɛ ka dinin gɔ́ɔ̃ nɛ: mà ka dinin doa laanka ka dinin pàã na á toa, ká bɛa gɔn mànan kɛn lɛn yɛ wa.


Dɛnaa Lawa pɛ Zediɔ̃ nɛ: – Zaman mɛn bɛ́ kunun n ni, ǹ tá mɔnaa nɛ á la yii ni. Bɛ̀ ma Madiã minin lɛn wɔ ǹ gɔn ka kɛa yɔrɔ kɛ nɛ, Izirayeli minin tá re n dinin gole koe masɛ ganaa ǹ pɛ mà ǹsɛn dinin pàã na á ǹsɛn kirisibaa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ