Izayii 1:7 - LAWA A BOO SONBORE

⁷ Kaa gána n kɛbɔlɔ lɛa. Tɛ kaa kiwin kũ. Tiin man kaa wurun ziziɛ̃ ka dinin yii ni. Kaa wurun man ka kɛbɔlɔ bɛ́ lɔn, ká kaa zɔ́ɔn man nə́ bɔ ǹ nɛ.

LAWA A BOO SONBORE 2011

⁷ Kaa gána n kɛbɔlɔ lɛa. Tɛ kaa kiwin kũ. Tiin man kaa wurun ziziɛ̃ ka dinin yii ni. Kaa wurun man ka kɛbɔlɔ bɛ́ lɔn, ká kaa zɔ́ɔn man nə́ bɔ ǹ nɛ.

Izayii 1:7 ပူးပေါင်းရင်းမြစ်များ

KZS2 28:5

Bɛ lɛ-n kəni, Dɛnaa Lawa, a Lawa wɔ Siiriin kii gɔn. Siirii minin nə́ boo ǹ la, ǹ nə́ ǹ min gigiã baa kòso nɛn lɛa ǹ nə́ woo ǹ ne Damaasi. Izirayelin kii dɔ nə́ n gɔn da Ahaazi la. Á bɔ̀n da a ganaa taãn-taãnɛ.

Loen 107:34

Á boe la a tán sonbore bɔyaa a baa fu ka yìsi bɔ ǹ bǎã nɛ, bǎã lɛ a minin baraabaa taman yii.

Loen 107:39

Sɛnɛ, bɛ̀ koe daa á bɔ ǹ ganaa, ǹ nə́ ǹ kũ bɛ̀rɛn lɛa, ǹ nə́ fuu gɔ́ɔ̃ nɛ, màn nə n boe ǹ lɛ, ǹ gisĩ tán.

Loen 109:11

A giɔ̀mɔ dama-a wole die a daa, a na a gɔn màn tumaa goa. A màn mɛn yɛ, tiin die ǹ bɛ kokoo.

Izayii 1:8

*Siɔn kiwi dinsɔɔ̃ na á goã, ka mìi susu ǹ bǎã bɛ́ lɔn rezɛ̃ wuru-n, ka zìã bɛ́ lɔn dù gɔrɔ-n, ka kiwi bɛ́ lɔn, zɔ́ɔn sɔraasin na á lɛnpɛnɛ.

Izayii 3:8

Zeruzalɛmu kiwi mɛnaa, Zudaa gána bɔ̀n baa. A giala, maǹ nə́ n gòãn dii Dɛnaa Lawa ganaa ǹ da ǹ boon laanka ǹ nya ǹ dín gɔ́ɔ̃ nɛ, maǹ nə́ n gòãn dii a gugurubaa ganaa.

Izayii 34:9

Edɔmu a tà gòãn kɛn tá re gudɔrɔn tà biɛ. A tán kooro kɛ n die n bɔyɛɛ a kiribi tɛdɛnaa baa. Gána lɛ n die n biɛ ka gudɔrɔn bɛ́ lɔn, tɛ yoo a ganaa,

Izayii 49:19

Hiĩ, n gána lɛ n kɛbɔlɔ lɛa, a n diə gole lɛa, á ziziɛ̃. Sɛnɛ, kànaa ka boɛɛn nɛ, á re kiɛɛrɛ koe n zaman ganaa. Min mɛnɛn nə goã yui ka gialaa, bɛn tá re woe sɔsɔɔ.

Izayii 5:17

Sèren tá re buu soɛ̃ a nɛ ka ǹ buu sɔ̃ ǹ bǎã wɔ bɛ́ lɔn, ǹ bɛ́ sère pian mɛnɛn toe, bɛn tá re buu soɛ̃ a kɛbɔlɔn la.

Izayii 5:9

«Ma liɛ ǹ boo mɛn ma Dɛnaa Lawa Pàãyiidɛnaa lɛ-n, bɛ á ke: Kion dadara sonbore gigiã tá re kɛbɔlɔ biɛ, min kɔn ba re giɛ̃ ǹ nɛ wa.

Izayii 6:11

Má tɔ́n nɔ̀n da: «Yǎa biĩ kəni Dɛnaa?» Á ma lɛ si kɛnɛn: «Yǎa bɛ̀ ǹ nə́ ǹ kiwin lɛn yu lenlen, min goon ná a ba ǹ nɛ wa, bɛ̀ ǹ nə́ ǹ kionən gɔ́ɔ̃ duduu, ǹ wurun nə́ diə gole baa.»

Izayii 60:15

Maǹ nə́ goã ǹ nə́ n la bɔ n ganaa, min kɔn ba n narɛ wa, min kɔn ba n yii koe n ganaa wa. Sɛnɛ sisia, man die n bǐɛ̃ koe, màn mɛn bɛ́ toɛ, ǹ foo kɔɔ̃n kɔ n din taman yii, yǎa duduu.

Izayii 62:8

Dɛnaa Lawa nə n liɛ kɛnɛn: «Maa Lawa Pàãyiidɛnaabaa kɛ taman yii, ma a re toɛ n zɔ́ɔn nə n *belee kɛ bii wa. N nɔmaa duvɛ̃ mɛn taman yii, tiin ba re bɛ mii wa.

Izayii 64:10

Wɔ digolon nə goã n tɔ boe kion sonbore siĩn-siĩn mɛn lɛ nɛ, ǹ nə́ tɛ da bɛ ganaa. Màn mɛn tumaa goã kɔɔ̃n wɔ ganaa, bɛ tumaa basaã baa.

Izayii 9:18

Dɛnaa Lawa Pàãyiidɛnaa a foo-yoo gole taman yii, gána lɛ n kuĩ tɛ lɛa, a n ka tɛ n zaman lɛ kuĩ, min kɔn ba ǹ dɔɔ̃n makara doɛ̃ wa.

Izayii 9:5

A giala, nɛnyaan tiɛɛ̃n na á yɛ, nɛginin ni, wɔa wɔ lɛa. Kiibaa nə́ n kɔ la. A tɔ n die goɛ̃: Doroo wole sonbore, Lawa Pàãyiidɛnaa, Díi lɛa, yǎa duduu, là nyantoro kii.

Zeremii 2:15

Yàran man lɛ biɛ a ganaa, maǹ wɔɔsaa we a ganaa, ǹ ná a gána ziziɛ̃ lenlen, ǹ nə́ tɛ da a kiwin ganaa. Màn kɔn ba giã nɛ a-n doo wa.

Zeremii 4:7

Yàra soo tewon ne, min mɛn bɛ́ tɔrɔn ziziɛ̃, á ke die. A n soe a duru ǹ bǎã nɛ, die kaa gána lɛ ziziɛ̃. Kaa kiwin man die kɛbɔlɔn dadaran biɛ, min goon din ná a ba goɛ̃ ǹ nɛ wa.

Zeremii 44:6

Bɛ lɛ nɛ má maa foo-yoo baraa kaa Zudaa kiwin laanka Zeruzalɛmu a ziin la. Ǹ nə́ kɛbɔlɔn baa, diə bǎã lɛa ka ka yii bɛ́ a ganaa lɔn pelo.»

Zeremii 6:8

Zeruzalɛmu, lɛ kɔ maa doroon ganaa, bɛ bie wa, man die n lɛ boe n ganaa, ma n baa diə gole lɛa, tán lɛa min ná a boe la a giã la wa.

Zeremii 7:34

Zudaa kiwin ni, Zeruzalɛmu a ziin la, ma á re zɔ́n bìndiɛn lɛ kuri, foo kɔɔ̃n lɛ-dɛ nɛ, lɔ tii ǹ zuũ laanka lɔ tii a loe ne. Sonbore, gána lɛ n die kɛbɔlɔ biɛ.»

Busii pɛ 5:2

N gána mɛn kɔ wɔ la, á ke tiin wɔ lɛa. Min mɛnɛn bɛ́ wɔ ba ǹ doɛ̃ wa, wɔa kionən man bɛn gɔn.

Ezekieli 25:4

Bǐɛ̃ kɔ! Ma á re toɛ lɛ̀giala gána minin kɛn nə kaa bǎã lɛ si, ǹ baa ǹ wɔ lɛa. Ǹ tá re ǹ mɔnaa zìãn doɛ kaa bǎã kɛ lɛ nɛ, ǹ giã a nɛ. Ǹ dinin lɛn man die kaa tán-kɔsiɛ mànan bii, ǹ kaa tɔɔn nyɔ bɔɔ̃, ǹ mi.

Ezekieli 30:12

Ma á re n tà gòã kɛ tumaa biɛ bǎã gere lɛa, ma á re n gána lɛ koe min kakaarɛn la, ma á re tiin diɛ ǹ wo n gána lɛ ziziɛ̃, ka a gɔ́ɔ̃gɔ́ɔ̃ ǹ mànan tumaa nɛ. Ma din Dɛnaa Lawa n má pɛ.

Ozee 7:9

Tiin manə ǹ kakabaa a là bii, sɛnɛ, ǹ ba doɛ̃ wa. Ǹ mìi ka na á fulu sɛnɛ, ǹ dinin ba doɛ̃ wa.

Ozee 8:7

Bɛ̀ n piɛ̃ lɔnlɔɔn yoo, n tá re la piɛ̃ yii. Bɛ̀ *belee mìi bɔ wa, a wùsu boe wa. Ta a na á bɔ dɔn dinin, tiin man bii.

Lawa a wúlu-bɔlen 26:33

Masɛ á re zia yiɛ ma kaa ka ganaa, ma ka sasawaa, ma ka kaa tɔrɔ kɔsɔn bii, kaa gána lɛ gɔ́ɔ̃ kooro á die goɛ̃. Kaa kiwin kɛn tá re kɛbɔlɔ kooron biɛ.

Lawa a wúlu-bɔlen 26:34

Bɛ̀ ka a gána lɛ nɛ ǹ mɛn waáraa wa, gána lɛ a tán tá re susui yii bɛa biikoo kɛ lɛ tumaa gɔ́ɔ̃ nɛ. Gána lɛ a tán tá re susui yii a n susu, bɛ á zɛnɛɛ, bɛ̀ ka dininmaan tá kaa zɔ́ɔn gána nɛ.

Misee 5:11

Ma á die kɔnkoãbaa kɛ niɛ̃ ma bɔ ka gɔn lɛ-a, wɔ-kũli á die goɛ̃ ka bii doo wa.

Misee 6:13

Bɛ lɛ n ke, man die ka dii, yǎa ma busu diɛ ka ganaa. Man die basaã koe ka nɛ, kaa sii baraan lɛn taman yii.

Timəə dí-pɛn 28:33

Ka bɛ́ re màn mɛn yii kaa tán-kɔsiɛ gɔ́ɔ̃ nɛ, ka bɛ́ re nɔmiɛ̃ ka tɔn màn mɛn tumaa yɛ, tɔrɔn mɛnɛn bɛ́ ka a ǹ doɛ̃ wa, bɛn tá re bɛ bii. Maǹ die goɛ̃ mɛnɛɛ ka la miɛ̃, bɛ̀ ǹ bɔ ka yii ni.

Timəə dí-pɛn 28:43

Gùlin mɛnɛn bɛ́ re goɛ̃ ka bii, màn nə die miɛ̃ bɛn pàã li miɛ̃ duduu. Sɛnɛ, ka dininmaan kɛn, màn nə die n boe ka pàã lɛ miɛ̃ duduu.

Timəə dí-pɛn 29:23

Tɔrɔn tumaa n die pii bɛa biikoo li: «Wàa na á baa, Dɛnaa Lawa gána kɛ baa kɛnɛn? Wàa mɛn sii na á da bɛa foo-yoo gole kɛ ganaa?»