Izayii 1:5 - LAWA A BOO SONBORE

⁵ N mìi tumaa n busulɛ lɛa, n foo tumaa zɔzɔɔ. Man die boe la ma n dɛ n paǹ mɛn kɔsɔ-a doo nsɛ mɛn bɛ́ tɔn nə n gòãn dii gɔ́ɔ̃ nɛ?

LAWA A BOO SONBORE 2011

⁵ N mìi tumaa n busulɛ lɛa, n foo tumaa zɔzɔɔ. Man die boe la ma n dɛ n paǹ mɛn kɔsɔ-a doo nsɛ mɛn bɛ́ tɔn nə n gòãn dii gɔ́ɔ̃ nɛ?

Izayii 1:5 ပူးပေါင်းရင်းမြစ်များ

Kiin2 1:13

Kii lɛ sɔraasi posooro mìilandɛnaa lɛ a sɔɔbaa ǹ wɔ dia doo, a laanka a kiodɛnaa posooro ne. Bɛa sɔɔbaa ǹ dɔn wɔ lɛ woo, sɛnɛ a bɛ́ á dɔ, á na á kaa tán Yilii giulun, a ná a nyankɔ á pɛ: «Lawa a min, n dí-nyali posooro ke, toa barka goã bɛn yiikoonaabaa nɛ n gɔn, ka masɛ dɔ wɔ nɛ.

KZS2 28:22

Bɛa koe kɛ lɛ din tumaa gɔ́ɔ̃ nɛ, kii Ahaazi n tɔn bɔlɔgoonbaãdɛnaa lɛa Dɛnaa Lawa yɔrɔ-a.

Nehemii 9:34

Wɔa kiin ni, wɔa kii kiodɛnan nɛ, wɔa Lawa a wúlu-bɔlen ne, ka wɔ digolon ne, ǹ kɔ n dí-pɛ lɛ wa. N goã n gɔn wɛɛ ǹ nɛ ka boon mɛnɛn nɛ, ǹ goã n yiri koɛ bɛn li wa. N goã miɛ ǹ ganaa ka boon mɛnɛn nɛ, ǹ goã yiri boe bɛn dɔn li wa.

Izayii 1:23

N kiãn man gòãn dii wolen lɛa. Maǹ nə n lɛ kiɛ kun ka wurumun ni. Lɛ pii ǹ mànan si n kɔɔ̃nɛ ǹ ganaa. Maǹ baa sii bɛn kio. Ǹ ba bǐɛ̃ zɛnɛɛ nɛ toen ne wa, ǹ ba lɔ giɔɔrɔ a guĩ siɛ wa.

Izayii 31:6

Izirayeli minin lɛn, ká n dɔ̀ɔ̃ wɔ Dɛnaa Lawa nɛ taãn-taãnɛ. Ka wusoo ka da a li.

Izayii 33:24

Zeruzalɛmu kiwi, min kɔn ba re pii mà asɛ a lon wa. Zaman mɛn bɛ́ giã-n walan, ǹ tá re a sii baraan toɛ nɛ.

Izayii 9:13

Bɛ lɛ nɛ, lɛawaa goon gɔ́ɔ̃ nɛ, Dɛnaa Lawa Izirayeli gána mìi laanka a mui kuru.

Zeremii 13:23

Etiopii min tá boe la a n gɔ̀nɔn ki bɔyaa? Goe á boe la a na a sisiabaa kɛ bɔ a din ganaa? Haayii! Kasɛn mɛnɛn dɔn lɛ mui ka sii baraa zɛnaa nɛ, ka ǹ siɛ lɔn ka boo sii bǐɛ̃ zɛnaa la.

Zeremii 17:9

Màn kɔn ba baraa á dɔ minbuiin nɛ foo li wa. Min kɔn ba boe la a na a kaka kɔ wa, min kɔn ba doɛ̃ a nya wa.

Zeremii 2:30

Ma kaa nɛnyaanan dɛ, sɛnɛ a là goon yɛ wa. Ka golee maa doroon li wa. Ka yàra basaã-kɔle bɛ́ lɔn, ka kaa Lawa a dia dí-a wolen yii dɛ.

Zeremii 44:15

Min mɛn tumaa goã giã-n Ezipti gána nɛ Patɔrɔsi kiwi, giĩn mɛnɛn tumaa goã doɛ̃ mà ǹsɛn lɔn tá da yon gìĩ kɔɔ̃n tiɛ̃ dì soreen wɔ lɛa, bɛn tumaa goã ǹ tan, ka lɔ damata nɛ. Ǹ nə́ pɛ Zeremii ni:

Zeremii 5:3

Dɛnaa Lawa, n bie giɛ sonbore taãn li wa? Ń nə́ ǹ dɛ, sɛnɛ a wɔ ǹ ganaa wa. Ń bɔ̀n da ǹ ganaa, sɛnɛ, ǹ nə́ n piã ka n doroon ne. Ǹ nə́ n mìi laa ka kɔlɔ bɛ́ lɔn, ǹ nə́ n piã mà ǹ ba die n li wa.

Zeremii 5:31

Lawa a boo gii-dalin man soɛ boon didiɛ, Lawa a wúlu-bɔlen manə n gɔn kuĩ ǹ pàã ganaa. Maa zaman dɔ ǹ lɛ koe bɛ lɛ ganaa! Sɛnɛ bɛ kio, ka ǹ die wàa zɛnɛɛ?

Zeremii 5:5

Man die woe nyɛɛnaandɛnan li, ma á re boo diɛ ǹ nɛ, ta a baalan, bɛn tá Dɛnaa Lawa dùũ doɛ̃ ka ǹ Lawa a dí-pɛn nɛ.» Sɛnɛ, haayii! Ǹ tumaa kun, ǹ nə́ ǹ zǔun yiyiɛ, ǹ nə́ ǹ biɛn nana.

Zeremii 9:3

Didie nə n parabaa n giaára nɛ. Min kɔn doamaa bie a n foo doa ǹ dɔɔ̃n ganaa wa. Sàabaa ba la wa, á re ka siɛ̃. Haalɛ ń giaára dinmaa n die soɛ diɛ n la.

Busii pɛ 5:17

Bɛ lɛ n wɔ foo busi, wɔ yii a wɔlɔ yii doɛ̃ wa.

Ezekieli 24:13

N gɛsɛbaa kɛ lɛ na á n gɔgɔrɛ kɔ, Zeruzalɛmu. A giala, man má goã giɛ li ma n *yoreen kɔ, sɛnɛ, ń nə́ n piã. Ma foo mɛn yoo n li ke, n ba yoreen koe doo wa, yǎa ma nə n foo nyɛɛ n la.

Ezekieli 34:16

Bɛ̀ tɔɔ lɛ mɛn papaã, ma á re woe giɛ li, bɛ̀ ǹ mɛn nə́ n na, ma á re woe lui ma da nɛ. Bɛ̀ ǹ mɛn gòã yiɛ, ma á re màn yii a ganaa, bɛ̀ ǹ mɛn ba lon wa, ma á re dagòã boe ne. Sɛnɛ, ǹ mɛn bɛ́ kasiɛ̃ nɛ, pàã ná a lon, ma á re bɛ dii ma bɔ ǹ bii. Ma á re maa tɔɔn lɛn nyɛɛnaan boe ka peperebaa nɛ.»

Ezekieli 34:4

Tɔɔn mɛnɛn pàã bɛ́ á nya, ǹ màn-bii kɔ bɛn la ǹ nə́ pàã yɛ wa. Ǹ mɛn bɛ́ busulə lɛa, ǹ dagòã bɔ bɛ-n wa. Ǹ mɛn gòã bɛ́ á yiɛ, ǹ màn yii bɛ gòã ganaa wa. Ǹ mɛn bɛ́ á n na, ǹ bɛ loo ǹ nə́ daa-n wa. Ǹ mɛn papaã, ǹ wo ga bɛ li ǹ nə́ daa-n wa. Sɛnɛ, maǹ nə́ ǹ lɛduə̃ ka kakaarɛbaa nɛ, ǹ nə́ bɔ ǹ yii ni.